ULANGAN 30:3 - Susula Malalaok Hehelu Palak Ma Hehelu Beuk

³ soona, neukose emi Manetualaim-ma sue-lai emi. Neukose, no falik emi neme leoina fo, nai bee emi nanatao tapasasalak-ka, ma Ana fe emi maso'da no tetu-temak seluk.

ULANGAN 30:3 ပူးပေါင်းရင်းမြစ်များ

KEJADIAN 28:15

Mafandendelek te, neukose Au tulu-fali, ma asulu-ahapa o, su'di o muu leo bee muu, ma neukose, Au o falik o leo nusak ia mai. Neukose, Au ta la'oela o, losa Au tao basa hata lala'en, fo Au helu basan neu o so.”

KEJADIAN 48:21

Boema Yakob nafa'da Yusuf nae, “Sama leo o mita ka, au mamateng-nga deka so, tehu neukose Manetualain tulu-fali emi ma no falik emi leo emi be'i-ba'i kaim-mala nusan-na meu.

1 TAWARIKH 16:35

Mafa'da mae, “Ou Manetualain, fo ami Manasoi-manatefa ma, soi-tefa mala ami neme leoinak-kala koasan-na mai ma tao makabubua falik ami fo ela ami hapu moke makasi ma koa-kio O na'de malalao-malalafum ma!”

NEHEMIA 1:9

Tehu metema ami fali seluk leo O mai, ma ami tunga O paletam-ma soona ami fo manatapasasalak ia-la, neukose O tao makabubua seluk ami, leomae ami nai daebafak-ka pe'dan-nala boe. Boema neukose O moo falik ami leo mamanak fo O hele basan soaneu da'di mamana huhule-haladoik neu O.

AYUB 42:10

Ayub hule-haladoi basa ba'eneu tia-lai ka telun-nala boema, Manetualain taon-nan, namasu'i seluk. Ana fen namasu'i diku la'i dua, neme su'i makahulun-na mai.

MAZMUR 107:3

Ana tao nakabubua basa emi, neme nusa dea-la mai so, neme dulu ma muli, kii ma kona mai.

MAZMUR 147:2

Neukose, Manetualain tao nabebeu Yerusalem; neukose, no falik hataholi nanatu'u-tapak-kala.

YESAYA 27:12

Nai lelek ndia, neukose Manetualain tao nakabubua leoinan, esa basa soona esa, neme Lee Efrat-ta, losa Masir dae toon-na. Neukose Ana ta'da fe'es, sama leo hataholi-a ta'da fe'e gandum-ma isin-na, neme loun-na mai.

YESAYA 43:5

Boso bii, nana Au asulu-ahapa o. Neme dulu ma neme muli mai, Au adenu o upu-anam, mai lakabubua.

YESAYA 54:7

“Au la'oela o, dodoon-na, ka'da hatematak esa; Au ho'i falik o, no susue-lalaik matuaina.

YESAYA 56:8

Manetualain Fo Mademaina, fo no falik hataholi Israel-la, neme mamana ookak-ka mai, nafa'da nae leoia, “Neukose Au o hataholi fe'ek-kala mai, fo ala da'di esa lo sila fo, nanatao nakabubua basak-kala so.”

YEREMIA 12:14

Manetualain nafa'da nae, “Au hehelu-balatang leoiak la'eneu Israel nusa-nusak titia-tatain-nala, fo manatao nakalulutuk nusak fo Au fen neu Au anang Israel-la. Leondiak boe neukose, Au kalua heni hataholi-hataholi mangalauk sila-la neme sila nusa namon-nala mai, sama leo bubu'u-palusa fo nanafe'a henik neme dae-a mai.

YEREMIA 23:3

Tehu Au anang bei elak neukose Au tao akabubuas neme nusa-nusak fo nai mamanak Au tu'u-tapa heni sila. Neukose Au uni falik lo sila dae-oen-na mai, ma sila tititi-nonosin neukose boetai lamaba'uk-ka.

YEREMIA 29:14

Tete'ek-ka, neukose emi matongo mo Au. Neukose Au tao akabubua emi neme basa leoina-la tala'da mai, ma neme basa nusak fo mamanak emi manatao tapasasalak, ma mamanatu'u-tapak. Neukose Au o falik emi lo emi nusa-namom ia mai, ma Au tao ahii emi heheo-hihilum-mala. Au, Manetualain nde manakokolak-ka.’

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

RATAPAN 3:22

Manetualain susue-lalain manaketu basa tak, neme doon losa dodo-na, beita la'iesa fo basa baba'e-babatin fa,

RATAPAN 3:32

Ana fe basa doidosok-ka soona, nanuu dale kasian boe, nanahu Ana sue-lai nahele ita nenik susue-lalain fo too-lanen ta ndia.

YESKIAL 11:17

Au, Fo Manetualain Mademaina afa'da, ae neukose Au tao akabubuas leme nusa-nusak fo nai bee, sila tapasasala, boema Au fe falik dae Israel-la leo sila neu.

YESKIAL 36:24

Neukose Au tao akabubua emi, neme basa leoina ma nusak-kala mai, fo Au o falik emi leo emi dae-ma meu.

YESKIAL 39:28

Soona besak-ka, Au anang-ngala bubuluk, lae Au nde sila Aman Manetualain. Nana Au nde haitua sila leo mamana tu'u-tapak neu, tehu Au boeo, nde o falik-kasa leo sila nusan-na neu, no ta la'oela sila hataholin esa boen, nai mamana tu'u-tapak fa.

MIKHA 7:19

Neukose O sue-lai seluk ami, ma fe do'o do ampon neu ami. Neukose O lulumu-eese ami sala-singom-mala, fo O tapas leo tasi buin-na neu!

ZAKHARIA 10:9

Leomae Au tao tapasasalas leo leoina-la tala'da leu boe, neukose lafandendelek lahele Au nai naa. Neukose laso'da, leondiak boe, anan-nala ma neukose, ala fali sama-sama leo nusan-na mai.

ROMA 11:23

Boema la'eneu hataholi Yahudi sila la, metema ala tukatei-saledale soona, neukose sila nanasipo falik; nana Manetualain nanuu koasa soaneu Ana sipo fali kasa.

ROMA 11:26

No enok ndia, basa hataholi Yahudi la neukose laso'da. Nana nai Susula Malalaok dale nanasulak nae leo ia, “Neukose, mane Manasoi-Tefa ka, Ana mai neme Sion mai; Neukose Ana kokaheni basa Yakob tititi-nonosin sala-singo nala.

ROMA 11:31

Hataholi Yahudi sila la leondiak boe. Besak ia ala ta nau tunga Manetualain fa, fo ela emi nananafa'dak, emi matapo'i meme sala-singo ka mai. Tehu mahani te neukose sila boeo nananafa'dak, latapo'i leme sala-singo ka mai boe.

ULANGAN 13:17

Emi ta bole ho'i-ma bua-lo'as nanasoo-supak sila-la, fo emi taos da'di emi nuum fa, te muse tao makalulutuk la'iesak-kasa. Soona neukose Manetualain nasan-na tenak, de Ana natu'du susue-lalain neu emi. Neukose dalen-na malole no emi, fo Ana tao emi da'di leoina matuaina, sama leo Ana helu basan neu, emi bei-ba'i kaim-mala so,

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.