ULANGAN 3:8 - Susula Malalaok Hehelu Palak Ma Hehelu Beuk

⁸ Nai lelek ndia, ita ho'i-ta hataholi Amori-la manek-ka dua-nala daen-na, fo neme dae manai Lee Yarden-na ma Lee Arnon-na boboan dulu, losa Letek Hermon-na. (

ULANGAN 3:8 ပူးပေါင်းရင်းမြစ်များ

1 TAWARIKH 5:23

Leo Manasye seli, ala leo nai nusa Basan-na losa leo kii neu fo losa Baal-Hermon, Senir ma Letek Hermon-na. Ala boetai lamade'uk-ka.

MAZMUR 42:6

Tao le'e de au daleng-nga he'dis-sa, ma ta tesa-tama fa? Au amahena neu Manetualain. Boema neukose au oke makasi seluk neun, neu au Manetualaing-nga ma au manasoi-manatefang.

MAZMUR 42:7

Nai mamana okak ia, au daleng-nga nakalulutuk, hu ndia de, au afandele neu Manetualain. Au samaneng-nga bolo nai faa dale he'dik dale faa tasi'bu-a sa'e-na au; sama leo Lee Yarden-na oe lili'don-na nggun-na neme Lete Hermon ma Lete Mizar-ra mai.

MAZMUR 89:12

Lalai ma daebafak-ka nde bee-na, O nuum, O nde makadada'dik daebafak-ka no basa oe-isin lala'ena.

ULANGAN 4:47

Langatuu-la Manek Sihon ndia daen-na, ma Manek Og fo neme Basan mai, daen-na boe; mane ka duak sila-la nde been-na, hataholi Amori-la manen sila, fo ala leo leme Lee Yarden-na selik dulu.

ULANGAN 4:48

Dae ndia, natabaa neme kota Aroer-ra, fo nai Lee Arnon-na su'un-na, fo nakandoo leo kii neu, de ana losa Letek Siryon-na, fo nde Letek Hermon-na,

YOSUA 12:1

Nusak manai Yarden boboan dulu, neme Bafak Lee Arnon-na mai, de ana kae nakandoo leo Bafak Yarden-na neu, losa leo Lete Hermon-na, nai boboak kii, hataholi Israel-la loso-lan, de langatuu-lan so. Ala sengi manek dua.

YOSUA 13:8

Leo Ruben, ma Gad boema leo Manasye seli, sipo basa dae baba'ek neme Musa, fo Manetualain atan ndia mai so: fo nde dae manai Lee Yarden-na boboan dulu.