ULANGAN 3:3 - Susula Malalaok Hehelu Palak Ma Hehelu Beuk

³ Da'di, ita Manetualain boeo, Ana fe Mane Og-ka no laun-nala leo ita mai, de ita sengi la'iesak-kasa.

ULANGAN 3:3 ပူးပေါင်းရင်းမြစ်များ

MAZMUR 136:20

ma Og, fo mane Basan; susue-lalain manaketu-basa tak, losa dodoon-na.

BILANGAN 21:35

Boema hataholi Israel-la sengi Mane Og-ka, de ala taolisan no anan-nala, ma basa laun-na lala'en-na; ta ela esa boen. Basa boema, langatuu-la nusak ndia.

ULANGAN 29:6

Emi lotin ta, de emi ta mi'a fa, ma angol ta, de emi ta minu fa, ma emi ta minu ala-lalu fa, tehu Manetualain fe emi basa hata fo, emi paluun, fo ela emi bubuluk, mae Ndia nde, emi Manetualaim-ma-na.

ULANGAN 3:2

Tehu, Manetualain nafa'da au nae, ‘Musa, boso bii Og. Neukose Au fe Og no solda'dun-nala, ma basa daen-na lala'en-na leo o neu. Taon sama leo o tao Sihon, fo Mane Amori-a, fo ana paleta nai Hesybon.’

ULANGAN 3:4

Nai lelek ndia, ita loso-tala basa kotan-nala; de ta ela esa boen. Ita loso-tala kota-la basa-basan, kota neehulu nai dae Argob-pa lala'en-na, fo nai Mane Og-ka nai Basan nusa paletan-na.

ULANGAN 4:47

Langatuu-la Manek Sihon ndia daen-na, ma Manek Og fo neme Basan mai, daen-na boe; mane ka duak sila-la nde been-na, hataholi Amori-la manen sila, fo ala leo leme Lee Yarden-na selik dulu.

YOSUA 13:12

Sila nusan-na boeo, neni Mane Og, fo hataholi Refaim mate'ek fo ana paleta neme Asytarot ma Edrei. Musa sengi basa leoina sila-la, de ana usis, fo ala kalua leme sila nusan-na mai.

YOSUA 13:30

Sila nusan-na, dae toon-na losa leo Mahanaim neu, fo Basan lala'en-na nai dalek, fo nde: Og, fo mane Basan-na nusan-na lala'en-na, ma Yair nggolo ka neehulun manai Basan nala boe.