ULANGAN 3:16 - Susula Malalaok Hehelu Palak Ma Hehelu Beuk

¹⁶ Ma au fe leo Ruben ma leo Gad-ta, dae manai Gilead no Lee Arnon-na tala'da. Fo sila dae too kona nde Lee ndia tala'da, ma sila dae too kii nde Lee Yabok-ka, fo lee ndia seli, nalupa dae too no hataholi Amon-nala nusan-na.

ULANGAN 3:16 ပူးပေါင်းရင်းမြစ်များ

KEJADIAN 32:22

Yakob fo'a nai le'odaek ndia boe, boema no sao ka dua-nala ma sao ka telu ma ka haan-na boema ana ka sanahuluesan-nala, de ala lena Lee Yabok-ka.

2 SEMUEL 24:5

Ala lena lala Lee Yarden-na selik boema, Yoab no solda'dun-nala ofu leme Aroer boboan kona, fo kota esa nai bafak manai Gad-a, tala'da heon. Ala la'ok leme ndia mai de leu leo kii leu, fo nai Yaezer,

BILANGAN 21:24

Tehu, nai natee-natatik ndia dalek, hataholi Israel-la, taolisa solda'du Amori makadotok. Boema, hataholi Israel-la, langatuu-la nusan-na, mulai neme Lee Arnon-na losa Lee Yabok-ka, fo hataholi Amori-la dae toon-na, nana naneak manai dae too ndia, ta bole fan.

ULANGAN 2:37

Tehu ita Manetualain-na kena-ka'i ita, fo ita ta bole deka hataholi Amon-nala daen-na, do Lee Yarden-na su'un-na, do kota-kota manai dae letelepan-na, do mamana fe'ek bee boe.”