ULANGAN 27:6 - Susula Malalaok Hehelu Palak Ma Hehelu Beuk

⁶ nana emi mapadedeik fe emi Manetualaim-ma, mei tunu-hotuk-ka, muse nanataok neme batu katemak mai. Emi muse tunu-hotu, tutunu-hohotu nanatunuk nai mai tutunu-hohotuk ndia lain.

ULANGAN 27:6 ပူးပေါင်းရင်းမြစ်များ

1RAJA-RAJA 6:7

Balok sila-la ala pake ai kaiou Libanon. Lelesu leo kama-kama nana popo-tamak manai ta'dak dae, nai boboan kona, ma soaneu leo ta'da ka dua ma ka telu a, hapu e'dak manadopelele'uk. Basa boema Salomo tao uma ndia hunun-na. Soaneu uma hunuk ka ana pake papak de nakalele'as sama leo kaiisu dui ka ma ana pake papak ai kaiou Libanon. Lelek Manetualain Uman ndia nananafofo'ak, ta tamanene taka-besi lii na fa, nana batu fo nanapakek soaneu uma ndia nafofo'a na, nanasadia basak nai lelek bei lai mamanan-nala. Leondiak Salomo nafofo'a Manetualain Uman ndia losa basan.

KELUARAN 20:25

Metema emi tao fe Au mei tunu-hotuk esa neme batu-a mai soona, boso taon neme batu nanapa'ak-ka mai, nana metema emi pake pa'ak fo pa'a ba'e batu-a soona, ta bole pake seluk mei tunu-hotuk ndia soaneu Au so'on.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

ULANGAN 27:5

Bei nai mamanak ndia boe, emi muse mapadedeik fe emi Manetualaim-ma, mei tunu-hotuk esa, neme batu-batu fo besi beita la'e batu sila-la fa,

ULANGAN 27:7

Boeo, emi muse tunu-hotu, emu tutunu-hohotu mole-damem, fo mi'an neme mamanak ndia, boema mamahoko-setelee nai emi Manetualaim-ma matan-na.