ULANGAN 26:7 - Susula Malalaok Hehelu Palak Ma Hehelu Beuk

⁷ Boema, ami maloo bou-bou, fo moke tutulu-fafalik neu O, fo ami bei-ba'i kaim-mala Aman, Manetualain. O mamanene ami dokodoen-ma, ma O mita ami doi-dosom-ma, boema ami toto'a-tataam-mala.

ULANGAN 26:7 ပူးပေါင်းရင်းမြစ်များ

KEJADIAN 21:17

Manetualain namanene Ismael halan-na, de Manetualain ata nusa so'dan-na, ana kokolak no Hagar neme lalai mai nae, “Hagar, o susa beek? Boso bii. Te Manetualain namanene O anam-ma, halan-na so.

KEJADIAN 29:32

Lea nailu, boema ana bongi anatouk esa. Nafa'da nae, “Amak-ka nita basa au susang-nga so, de besak ia, neukose au saong-nga sue au.” Boema ana foi anan ndia na'de Ruben.

2 SEMUEL 16:12

Fafa'kama, Manetualain neukose Ana taoafik neu doidosok ia, fo Ana fe au baba'e-papalak, fo da'di ngganggatik neu soo-supak ndia.”

MAZMUR 119:132

Lepos masale leo au mai, fo sue-lai au, sama leo O sue-lai hataholi manasue-lai O-a.

MAZMUR 31:8

Neukose au amahoko ma setelee, nana O sue-lai mahele au. O mita au doi-dosong ma O taoafik neu au toto'a-tataang.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

KELUARAN 2:23

Teuk lamalala boema, mate manek Masir-ra. Tehu leoina Israel-la bei hoo-nggu'u, nanahu ala taos da'di ata, nalosa ala nggasi loke tutulu-fafalik. Sila hoo-nggu'un losa Manetualain.

KELUARAN 2:25

Nita ala tao hataholi Israel-la da'di ata, boema Ana ho'i nakeketuk, fo Ana tulu-falis.

KELUARAN 3:9

Au amanene leoina Israel-la kikii-makaleleun, ma boeo Au ita leoina Masir-ra, tuni-ndenis tao leo beek so.

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

KELUARAN 6:5

Da'di, po'a-benga neu leoina Israel-la, mae Au afa'das ae, Au nde Manetualain; neukose Au soi-po'i emi neme leoina Masir-ra tuni-ndenin mai. Neukose Au atu'du Au koasa matuainang-nga, soaneu soi-tefa emi, ma Au aketu huhuku-dodoki mabelaina neu leoina Masir-ra.

YEREMIA 33:2

fo manamakadada'dik debafak-ka ma ana heheo-hihiluk-kana fo ana taon neu mamanan-na. Ana nafa'da nae,

SEMUEL SUSULAK-KA ESAN-NA 9:16

“Balahaa fafaik, fafa'kama li'u ba'u ia, neukose Au adenu hataholi esa neme leo Benyamin-na mai, neu natongo no o. So'u hataholi ndia, nenik lose mina neun, fo ana da'di manek neu Au anang Israel. Neukose ana soi-tefa-na Au anang-ngala leme hataholi Filistin-nala mai. Au ita basa Au anang-ngala doi-doson ma kikii-makaleleun loke tutulu-fafalik so.”