ULANGAN 26:6 - Susula Malalaok Hehelu Palak Ma Hehelu Beuk

⁶ Hataholi Masir-ra, ala tuni-ndeni ami, ma ala lakaseti ami, fo ami maue-male'di da'di leo ata.

ULANGAN 26:6 ပူးပေါင်းရင်းမြစ်များ

KELUARAN 1:11

Boema hataholi Masir-rala so'u manamanea, fo lanea leoina Israel-la, fo tao susa so'dan-nala nenik bela-ba'u mabelaina-la. Lakasetis, fo lafofo'a fe manek Masir-ra kota Pitom ma Raamses, fo da'di mamana pepe'da bua-lo'as.

KELUARAN 1:14

ma ala tao-la maso'dan-nala doi-doso. No dale susue-lalai taak, lakasetis fo ala tao bela-ba'u mabelaina-la nai mamana ue-le'dis, ma nai tina-la dalek.

KELUARAN 1:16

Manek Masir-ra nafa'das nae, “Nai lelek inak Ibrani-la bongi, fo emi meu makabobongik-kasa soona, mafandendelek dede'ak ia: Metema ni'iana nanabongik ndia touanak soona, taomisan! Tehu metema ni'iana nanabongik ndia inaanak soona, nemen-na fo naso'da.”

KELUARAN 1:22

Boema, manek-ka fe paleta nde ia neu basa laun-nala nae, “Basa ni'iana touanak fo hataholi Ibrani-la besak-ka bongi-lan na, muse tapa henis leo Lee Nil-la dalek neu, tehu basa ana inaanan-nala nemen-na fo ala bole laso'da.”

KELUARAN 1:8

Basa boema, manek beuk esa, ana paleta nai Masir, tehu ta nalelak Yusuf fa.

KELUARAN 5:19

Mandol sila-la lame'da lae, sila nai toto'a-sosotak-ka dalek, nai lelek lafa'da sila lae hataholi Israel-la, muse tao batu bata, dede'un-na sama leo fai-fai maneuk-ka nahele.

KELUARAN 5:23

Lelek au u leo manek-ka u, de au kokolak pake O na'dem-ma, boema ana mulai fepa-li'u leoina ia. Tehu O ka'da denge-denge, te O tulu-fali fas.”

KELUARAN 5:9

Makasetis nenik ue-le'di mabelaina seluk, fo ela lasapute ue-le'dis-sa, fo ala ta hapu loak, soaneu lamanene tutui pepekok sila fa.”

BILANGAN 20:15

Ami bei-ba'i kaim-mala, leu leo Masir leu, de ala leo lahele leme naa, teuk lamalala. Hataholi Masir-rala, tao ta malole neu ami, ma ami bei-ba'i kaim-mala,

ULANGAN 26:7

Boema, ami maloo bou-bou, fo moke tutulu-fafalik neu O, fo ami bei-ba'i kaim-mala Aman, Manetualain. O mamanene ami dokodoen-ma, ma O mita ami doi-dosom-ma, boema ami toto'a-tataam-mala.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.