ULANGAN 26:2 - Susula Malalaok Hehelu Palak Ma Hehelu Beuk

² fo metema emi ketu-kolu basa emi daem-ma buna-boan lala'en-na soona, emi muse pe'da makabubua emi boa sosam-mala neu lepeneu esa dalek, fo menis leo emi Manetualaim-ma hele mamanak-ka neu.

ULANGAN 26:2 ပူးပေါင်းရင်းမြစ်များ

2RAJA-RAJA 4:42

Nai fai fe'ek esa, boema touk esa neme Baal-Salisa mai. Nini fe Elisa gandum beuk, ma loti 20, fo tao loti sila-la, neme gandum nanaketu-kolu makasososak-ka, nai teuk ndia dalen-na. Boema Elisa nadenu atan-na, baba'e loti sila neu nabi sila-la,

2TAWARIKH 31:5

Paleta ndia nanapo'a-benga basak boema, hataholi Israel-la leni boa-boa leo Manetualain Uman neu. Ala ho'i boa-boa sila neme sila dae oen isi-mina makasososan-na mai, fonde ha'de sopuk, angol, mina setun, fanioe, ma buna-boak fe'ek-kala. Sila boeo leni perpuluhan neme sila hata-heton mai.

NEHEMIA 12:44

Nai lelek ndia, hataholi de'ubee hapu bela-ba'uk lanea kama nana'ak-kala, mamanak fo nai bee ala pe'da tutulu-fafalik soaneu Manetualain Uman-na, fo nai dalek hapu hataholi-a fe baba'ek esa neme ba'eneu sahulu mai, ma boa-boa makasososak-ka, tunga teun. Basa manamanea sila-la, muse leu loke tutulu-fafalik sila neme tina-tina manai kota-kota-la boboa-kaisun mai. Ala fe tutulu-fafalik sila-la leo imam-mala, ma hataholi Lewi-la, nandaa no Hoholo-lalanek nakaneneten. Hataholi Yehuda-la fe ha'da-holomata neu basa imam-mala ma hataholi Lewi sila-la,

NEHEMIA 13:31

Boeo au atol, fo ela nai fai kikisak-kala, ala hapu sadia ai ha'i soaneu tunu-hotu tutunu-hohotuk fo bisa nanasadiak, ma laun-na hapu neni boa-boa neme dae isi-mina makasososan-na mai. Mate'en-na au hule-haladoi ae, “Au Manetualaing-ngo nei, mafandele basa ia-la, ma ba'e-pala au leona.”

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.

KELUARAN 22:29

Neu faik fo nananaketuk-ka, tunu-hotu fe Au, emi gandum, angol ma emi mina setum-ma, beke selik. Fe emi anaulu toum-mala leo Au mai,

KELUARAN 23:16

Tao Feta Ketu-koluk-ka nai lelek, emi mulai ketu-kolu emi tinam-ma buna-boa makasososan-na. Tao feta Lalaak Akidook-ka nai teuk-ka basan, fo nai lelek emi ketu-kolu basa emi osi angol-la ma osi aiboam-mala.

KELUARAN 23:19

Tunga teuk, emi muse meni emi gandum-ma buna-boa makasososan-na leo Au mai. Ta bole nasu bi'ilopoana do bi'ihiiana paan-na nenik bi'iana sila inan su'uoen-na fa.”

KELUARAN 34:26

Tunga teuk, emi muse meni emi daem-ma buna-boa makasososan-na leo emi Manetualain fo emi Manetualain-na Uman neu. Ta bole nasu bi'ilopoana do bi'ihiiana paan-na, nenik inan su'u oen-na fa.”

YEREMIA 2:3

Israel, Au nuu heheling o, Au ana bonging, fo Au sue-laik-ka. Au fe soe-a, ana tuni-ndeni-nala, basa hataholi fo, manataon-na o doi-doso, Au, fo Manetualain nde manakokolak-ka.”

YESKIAL 20:40

Nana nai dae Israel-la, fo nai Au lete malalao-malalafung-nga poin-na, emi basa-basam-mala, fo leoina Israel-la, neukose sene-do'ok neu Au. Nai naa, neukose Au amahoko, fo Au sipok emi tutunu-hohotum, emi tunu-hotum malolem-mala, emi fe-fe hehelim-mala.

YESKIAL 44:30

Muse fe basa imam-mala, baba'ek neme basa boa sosak malole lala'en-na mai, ma neme su'di beek fo, nanatunu-hotuk soaneu Au. Nai lelek fo, leoina Israel-la tao loti, soona loti makasososak-ka nde been-na, basa imam-mala nuun ndia Soona neukose, Au fe baba'e-papalak neu leoina Israel-la, uma-loon-nala.

YESKIAL 48:14

Sila ta bole lase'o dae ndia, leomae ka'da tenga esa boe, do ala tukahenin; Israel dae baba'en fo, malole nanseli-a, ta bole lali leo hataholi fe'ek liman neu fa, nana dae ndia, nanafe hehelik ba'eneu Manetualain de ana da'di Manetualain nuun so.

IMAMAT 2:12

Tunga teuk, emi muse tunu-hotu emi dae-oem buna-boa makasososan-na seli, soaneu Manetualain, tehu ta bole tunun nai mei tunu-hotuk lain fa.

IMAMAT 2:14

Metema, emi tunu-hotu fe Manetualain gandum fo emi ketu-kolu makasososak-ka soona, meni gandum beuk fo pau-man sopuanak do gandum nanasesenak so.

ROMA 11:16

Metema loti bibia makasososa ka ala fen leo Manetualain neu soona, dede'ak ndia sosoa na nae, ala fe la'iesak loti ndia leo Manetualain neu boe. Ma metema Manetualain nanuu ai a oka na soona, dede'ak ndia sosoa na nae, Manetualain nanuu la'iesak ai ndia ndana nala boe.

ROMA 16:5

Manduku-malosak au nate'a nga neu salanik fo lakabubua nai duas uman. Ma neu Epenetus fo au sue-lai ka. Ndia nde hataholi makasososak fo namahele neu Kristus nai nusa Asia.

ROMA 8:23

Tehu ta ka'da daebafa ka mesa kasa hoo-nggu'u fa; te ita hoo-nggu'u nai ita dalen dale boe. Ita sipo basa Manetualain Dula Dale na da'di neu Manetualain baba'e-babati makasososa na, tehu ita boeo bei tahani Manetualain soi-tefa na ita so'da na basa-basan lala'ena fo Ana tao ita da'di Ndia anan.

1 KORINTUS 15:20

Tehu nananitak, Kristus nanatao naso'da falik neme mamate sa mai so. Ia nde da'di bua nape'dak esa nae, hataholi manamate basa kala, neukose nanatao naso'da falik.

1 KORINTUS 15:23

Tehu neukose esa-esak nanatao naso'da falik tunga ndia baba'e na: makasososa na Kristus; basa boema mahani te nai lelek Ana mai selu ka, hataholi-hataholi fo nanalekek Kristus nuu nala, tunga esa-esak baba'en.

1 KORINTUS 16:2

Nai fai makasososa ka tunga-tunga fai mamaso na soona, ela leo bee na emi basa-basa mala esa-esak pe'da fe'e doik nandaa no ndia hahapu na. Pe'da doik sila la leona losa au mai, fo ela nai lelek ndia ta paluu emi makabubua doik seluk so'on.

ULANGAN 16:10

fo tao Feta Keketu-kokoluk, fo fe ha'da-holomata neu emi Manetualaim-ma. Nai faik ndia, emi meni fen tunu-hotuk fo, emi fe no emi dale hihiim-ma, de'u Manetualain fe emi baba'e-papalak-ka.

ULANGAN 18:4

Sila baba'en-na boeo nde, gandum, angol, ma mina setun-na, buna-boa makasososan-na, boema bi'ilopo-la, bulu nananggute makasososan-na.

ULANGAN 26:1

“Metema, emi masok mala emi Manetualaim-ma, fe emi nusak-ka fo, emi leo nai dalek,

ULANGAN 26:3

Basa soona, meu leo imam manamalalau-maoono nai faik ndia dalen-na, fo mafa'dan mae, ‘Au afa'da emi MANETUALAIM-ma, fo Ana helu basan neu ita bei-ba'i kain-nala, nae Ana fe ita nusak-ka, au leo nai dalek so.’

YAKOBIS 1:18

No dale hihii mesa na de, Ana tao ita da'di Ndia anan, tunga hala-kokola ndo na. Ana tao leondiak, fo ela ita hapu mamana matua-madema lena heni basa hata maso'dak fo nakadada'di kasa.

YOSUA 18:1

Langatuu-la Manetualain helu nusak-ka boema, hataholi Israel-la lala'en-na, lakabubua nai Silo, de lapadedeik Lalaa temak soaneu Manetualain mamain-na.

NINITAK 14:4

Hataholi sila la nde bee na hataholi isi matetuk lahele sama leo anafe'oana matatema, nanahu ala beita sungu-langape'uk lo ina anafe'ok la'iesa boen. Ala tunga Bi'ilopo Ana ndia su'di leo bee neu. Neme basa laun manai daebafa ka lala'ena dalek, sila nde nanasoi-po'i basak da'dileo tutunu-hohotu makasososak neu Manetualain ma neu Bi'ilopo Ana.