ULANGAN 26:18 - Susula Malalaok Hehelu Palak Ma Hehelu Beuk

¹⁸ Faik ia, Manetualain sipok emi, da'di leo Ndia ana nanahele mesan, sama leo Ana helu basan neu emi so, ma Ana paleta emi fo, emi tao tunga basa paletan lala'en-na.

ULANGAN 26:18 ပူးပေါင်းရင်းမြစ်များ

2 SEMUEL 7:24

O tao leoina Israel-la, da'di O ana mesam, losa dodoon-na, ma O, ou Manetualain, O da'di sila Manetualain so.

MAZMUR 119:6

Metema, au taoafik neu basa O paletam-mala, soona neukose, au ta hapu mamaek fa.

MAZMUR 135:4

Ana hele Yakob ba'eneu Ndia, ma Ana tao hataholi Israel-la, da'di Ndia nuun.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

YEREMIA 13:11

Leondiak boe au dudu'a ae ela leo been-na hataholi Israel ma Yehuda nanapa'a nahelek neu au sama leo lafa keke'uk fo nanapa'a nahelek neu manapake kaile'bona. No leondiak de ala da'di au anang-ngala fo manataon-na au na'deng-nga nanakoa-kiok, ma manafe ha'da-holomata. Tehu, ala ta nau tunga Au fa.”

IMAMAT 20:26

Au ta'da fe'e emi neme leoina fe'ek-kala mai, fo ela emi da'di Au nuung. Emi muse malalao-malalafuk, nanahu Au nde Manetualain, ma Au malalao-malalafuk.

ZEFANYA 3:20

Neukose fain-na losa, Au hela-nole falik, emi laum manatapasasalam-mala. Au tao-a emi da'di, nananita-nalelak nai basa daebafak-ka lala'en-na, ma neukose Au tao falik emi tetu-temam,” Manetualain nde manakokolak-ka.

ROMA 16:26

Tehu besak ia, no Manetualain paleta matea-mahele na, de dale tutu'uk ndia nananatu'duk ma nanatui-bengak neu basa leoina lala'ena, tunga nabi la susula lii na, fo ela sila basa-basas lamahele ma ala tunga Manetualain.

ULANGAN 14:2

Emi nde been-na, emiManetualaim-ma nuun emi; neme basa leoina fo manai daebafak ia lala'en-na, emi nde, Manetualain helen, soaneu da'di Ndia anan-nala.”

ULANGAN 27:10

Hu ndia de, tunga emi Manetualaim-ma, ma tao-no'i basa paletan fo, faik ia, au fen emi.”

ULANGAN 28:1

“Metema, emi tunga emi Manetualaim-ma, ma faik ia, au fe emi paleta lala'en-na, emi tao-no'in no emi dalek-katematuam-ma, soona neukose, Ana taon-na emi da'di leoina esa, nananita-nalelak nai daebafak-ka.

ULANGAN 28:9

Metema, emi tunga emi Manetualaim-ma, ma emi tao-no'i basa paletan lala'en-na soona, neukose Ana tao emi da'di Ndia ana nanahelen, sama leo hala hehelun-na.

ULANGAN 29:13

No hehelu-balataak ndia de, faik ia, Manetualain so'u emi, da'di Ndia leoinan, ma Ana da'di emi Manetualaim-ma-na, sama leo Ana helu basan neu emi, ma neu emi bei-ba'i kaim Abraham, Isak ma Yakob so.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

ULANGAN 7:6

Emi muse tao basa sila-la, nanahu emi Manetualaim-ma, nuun emi. Ma neme basa leoina manai daebafak-ka lala'en-na, emi Manetualaim-ma, Ana helek-ka nde emi, soaneu emi da'di Ndia anan, fo malalao-malalafuk.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.