ULANGAN 26:16 - Susula Malalaok Hehelu Palak Ma Hehelu Beuk

¹⁶ “Faik ia, emi Manetualaim-ma paleta emi, fo tao basa paleta sila-la lala'en-na; tao basa paleta sila-la, no dalek-katematuak ma no basa emi aopaa samanem lala'en-na.

ULANGAN 26:16 ပူးပေါင်းရင်းမြစ်များ

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

YOHANIS 14:15

“Metema emi sue-lai Au, ma emi makalala'ok Au paleta ngala soona,

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 11:1

“Sue-lai emi Manetualain-ma, ma tunga paletan lala'en-na, tataas esa.

ULANGAN 11:8

“Tunga la'iesak hoholo-lalanek fo, faik ia au fen neu emi, soona emi bisa lena lee-a, fo masok leo nusak fo, ta dooanak so'on te, emi leo nai dalek ndia.

ULANGAN 12:1

“Emi muse tunga hoholo-lalanek ia-la, nai emi fai maso'dam-ma dalek, nai nusak fo, emi bei ba'i kaim Manetualain-na, fen neu emi-a.

ULANGAN 12:32

Tao-no'i basa hata lala'en fo, au paletan neu emi; boso popo-tama do ho'i heni faa anak boen.

ULANGAN 26:17

Faik ia, emi sipok Manetualain da'di leo emi Manetualaim-ma. Emi maheluk mae, emu tunga neun, ma emi tao tunga basa hoholo-lalanen ma paletan lala'en-na.

ULANGAN 4:29

Boema, neukose emi sanga emi Manetualaim-ma, fo metema emi sangan no emi dale katematuam-ma soona, neukose emi hapun.

ULANGAN 6:1

“Emi Manetualaim-ma, nadenu au fo, au anoli emi basa hoholo-lalanek ia'la, fo ela emi tao-no'in nai nusak fo, ta dook-ka so'on te, emi leon ndia.

ULANGAN 6:17

Tunga basa hoholo-lalanek fo, emi Manetualain fen neu emi-a.

ULANGAN 6:5

Sue-lai emi Manetualaim-ma no emi dalek-katematuam-ma: Matu'du emi susue-lalaim ndia, nai emi heo-hilum-ma dalek, ma nai emi tatao-nono'i ma dalek.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.