ULANGAN 26:14 - Susula Malalaok Hehelu Palak Ma Hehelu Beuk

¹⁴ Au ta u'a tunu-hotuk ndia faaanak boen, nai lelek au falu mamates, do nai lelek au anggenggeo de, au ta leo nai uma dale fa, do au temfei leo mamates neu. Au tunga Manetualain so; basa hata lala'en fo, O paletan neu au-a, au tao la'iesak-kasa so.

ULANGAN 26:14 ပူးပေါင်းရင်းမြစ်များ

MAZMUR 106:28

Basa boema, ala sene-do'ok neu Baal neme Peor, ma la'a nana'ak fo, nanatunu-hotuk soaneu lamatua daebafak-kala.

MAZMUR 18:22

Au tunga Manetualain paletan-na ma au ta lepos asadea, au Manetualaing-nga fa.

YEREMIA 16:7

Ta hapu hataholi neukose tete'i loti ba'e fe hataholi manafaluk-kala. Nakalenak neukose ta hapu hataholi fo ana fen ninu neme nggala namahokok-ka nanahu inan do aman mamaten-na fa.

YESKIAL 24:17

Boso nalosa o kii masakeke'du fo, hataholi namanene. Pake o fefeo langam-ma, ma pake o ta'bu eim-ma, boso poti ketu o mata-panam, ma boso mu'a loti fafaluk-ka.”

HOSEA 9:4

Nai nusak sila-la, neukose emi ta hapu tunu-hotu angol, ma tutunu-hohotu bana-manu soaneu tao mamahoko Manetualain Manakoasa dalen-na. Neukose emi nana'am-ma, ana tao-na basa hataholi mana'ak-kala, da'di langgenggeo, sama leo na'a nana'ak manai feta natoi mamates-sa. Nana'ak ndia, sosoa-ndandaan nde ka'da, soaneu tao-na emi makabete. Neukose, emi ta meni faaanak boen, leo Manetualain Uman neu, fo tunu-hotun nai naa fa.

IMAMAT 21:1

Manetualain nadenu Musa nanduku-nalosak paleta ia-la neu imam-imam, fo Harun tititi-nonosin-nala nae, “Imam esa, ta bole tao nanggenggeo aoinan-na, hu kande ana tunga tolanoo ka'a-fa'din feta natoi-natonon,

IMAMAT 21:11

Ndia nanafe basak leo Au mai fo ana da'di Au nuung so, da'di ana ta bole tao nanggenggeo aoinan-na fa. Boeo, ana ta bole tao nanggenggeo Au Lalaa Temang-nga, nenik ana kalua neme ndia mai, fo neu leo uma fo mamates-sa dalek, leomae mamates ndia, ndia aman do ndia inan boe.

IMAMAT 7:20

Metema, hataholi ndia bei nanggenggeo, te na'a paa ndia soona, hataholi ndia ta da'di Manetualain anan-nala so'on.

MALEAKHI 2:13

Ma emi tatao-nono'i fe'em-ma nde ia. Emi tao mahenu Manetualain mei tunu-hotun nenik luuoe; emi kii ma makaleleu, nanahu Manetualain ta nau sipok emi tutunu-hohotuk so'on.

ULANGAN 15:5

sa'di emi mamanene matalolole emi Manetualaim-ma halan-na, ma tao-no'i nasa paleta fo faik ia, au anduku-alosak-kana neu emi.

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

ULANGAN 26:13

mafa'da emi Manetualaim-ma mae, ‘Au fe la'iesak hahapu dadain ba'ek esa neme ba'eneu sanahulu mai fo au pe'dan nai umang-nga leo O, fo Manetualain, au ta ho'i ela faaanak boen; au fe la'iesak-kana leo hataholi Lewi-la, hataholi nusa dea-la, ma faluina anamaak-kala neu so, sama leo au Manetualaing-nga, fe au paleta-la. Neme Manetualain paletan-na, la'eneu tunu-hotu hahapu dadain ba'ek esa neme ba'eneu sanahulu mai, au ta la'olena esa boen.

ULANGAN 26:15

Neme O mamana malalao-malalafum manai nusa so'dak-ka, o makanae ma O ba'e-pala O anam Israel; boeo O fe baba'e-papalak neu O fe ami nusak fo kamasu'ik ma maoe-maisik ndia, nandaa no O hehelu-balataam neu, ami bei-ba'i kaim-mala.’ ”