ULANGAN 24:6 - Susula Malalaok Hehelu Palak Ma Hehelu Beuk

⁶ Metema emi fe hataholi fe'ek, ana tona emi hatam esa soona, boso ho'im-ma hataholi ndia batu popo'de gandum-ma, da'di neu bua nape'dak esa. Metema, emi ho'i-ma batu ndia soona, emi loso-ma hataholi ndia no umaisin-nala maso'dan-na nde ndia.

ULANGAN 24:6 ပူးပေါင်းရင်းမြစ်များ

KEJADIAN 44:30

Yehuda nafa'da Yusuf nae, “Hu ndia Tuan, metema ata ma fali leo ami amam meu te ami ta moo ami fa'dim ndia fa soona, tao leo bee o neukose mate ami amam. So'dan-na namahena neu ka'da ni'iana ndia, ma namalasin-nanseli so, de nalosa dale he'dik fo ami meni fen ndia, neukose neni mamates fen.

AYUB 22:6

Metema, o tolanoom-ma, ta bae huta-bu'un fa soona, o loso-ma basa bua papaken-na.

MATEOS 24:41

Inak dua bei mol gandum: soona neukose lo esa ma ala la'oela esa.

LUKAS 12:15

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

ULANGAN 20:19

Metema, emi sanga matee-matati moo kota esa, fo emi makahapi-man losa dook-ka soona, boso lo'o ai maboak manai sila-la. Mi'a ai sila-la boan-na, tehu boso lo'oheni huun-nala, nana emi ta musu moo ai sila-la fa.

ULANGAN 24:5

“Metema, touk esa besak-ka ana saoana soona, ta bole madenun neu teken solda'du fo, neu natee-natati, do ana tao bela nusak fe'e-fe'ek. Muse fen loak teuk esa dalen-na, fo ana tunga-sanga soaneu uma loon, fo ela ana tao namahoko saoinan-na dalen-na.

ULANGAN 24:7

Metema, hataholi esa, namanako neok neni leoinan esa, fo ana taon da'di ata, do nase'ohenin soona, muse hukunisa hataholi ndia. No enok ndia, emi tao mamopo tatao-nono'i mangalauk ndia.

NINITAK 18:22

Musi kala lii na neme manamakaminak kecapi la, neme basa manamakamee kala, neme manamakaminak kinu kala ma neme manafuu pupuu kala, neukose ta nananamanenek nai o dalek so'on! Boeo neukose ta hapu hataholi manamaue-male'di malelaina nai ndia, ma batu tutu'tu ka lii na, neukose ta nananamanenek so'on.