ULANGAN 24:3 - Susula Malalaok Hehelu Palak Ma Hehelu Beuk

³ Tehu neu fai makabuin boema, touk ndia nape'da dale nasak-kana so'on, boema ana fen susulan-naelak de ana usihenin. Do fafa'kama, mate saotouk-ka duan ndia.

ULANGAN 24:3 ပူးပေါင်းရင်းမြစ်များ

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!

MATEOS 5:31

“Hapu nanoli ka nae leo ia boe: Metema hataholi esa elaheni saoina na soona, ana muse fe saoinan ndia susula naelak.

MARKUS 10:4

Boema lataa lae, “Musa fe hataholi loak fo ala elaheni saoinan na, sa'di ala sulak lakahuluk susula naela ka.”

ULANGAN 24:1

“Metema, touk esa, ana sao anafe'oanak esa, fo neu makabuin-na boema, nape'da dale nasak-kana so'on, nanahu tatao-nono'in ta malole, neni mamaek nai aoinan-na. Soona, touk ndia fen susulan-naelak, fo ana usihenin neme uman-na mai.

ULANGAN 24:2

Basa boema, inak ndia sao seluk tou fe'ek.

ULANGAN 24:4

Nai dede'ak ia dalek, saotouk makasososak-ka, ana ta bole sao inak ndia so'on; ana muse mete inak ndia, da'di leo inak fo, na'den-na naggenggeo so. Tehu metema ka'da ana saon-nan boe, soona tatao-nono'ik ndia, nalupa leo nakamumulu-nakamamaek esa, soaneu emi Manetualaim-ma. Emi ta bole tao sala-singo mangalauk ndia, nai emi Manetualain fe emi nusak-ka fa.”