ULANGAN 24:1 - Susula Malalaok Hehelu Palak Ma Hehelu Beuk

¹ “Metema, touk esa, ana sao anafe'oanak esa, fo neu makabuin-na boema, nape'da dale nasak-kana so'on, nanahu tatao-nono'in ta malole, neni mamaek nai aoinan-na. Soona, touk ndia fen susulan-naelak, fo ana usihenin neme uman-na mai.

ULANGAN 24:1 ပူးပေါင်းရင်းမြစ်များ

KELUARAN 21:10

Metema anatouk ndia sao seluk soona, ana fe nahele inak ndia nana'a-nininuk, ma bua-lo'as papake-ngganggaok, boema inak ndia haak-ka, sama leo biasa ana fen neu saoina makasososan-na.

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

MALEAKHI 2:16

Manetualain Manakoasa, fo Israel Manetualain-na nae, “Au ta hii naelak-ka fa. Au amanasa, metema hataholi esa nai emi dalek, ana tao tatao-nono'i susue-lalai tak ndia, neu saoinan-na. Hu ndia de, manea aoinam-ma, fo boso tao makahehe'dik saoinam-ma dalen-na.”

BILANGAN 5:12

fe hataholi Israel-la nakanenetek ia-la. Bole da'di touk esa ana neo saoinan-na. Naedaenga saoinan ndia ta lilineka neu fan, de ana tao nanggenggeo aoinan-na, nanahu ana sungu no tou fe'ek. Tehu saotouk ndia ta nanuu buti fa, nanahu saoinan-na tao tataos ndia no nafufunik; sakasiin ta, ma ana ta ho'un-na fan. Do bole da'di saotouk esa ana neo saoinan-na, te se'kona saoinan ndia ta la'ok sala fa.

BILANGAN 5:28

Tehu leounik-ka ta nasala fa soona, soo-supak ndia ta la'e fan, de ana bei bisa bongi seluk.

MATEOS 1:19

Nana Yusuf fo nahiik no Maria ia nde bee na hataholi malole ma ana tunga te'e-te'e no agama hoholo-lalanen. Da'di ana dodoo nae, ana sanga nggaliheni Maria no denge-dengek fo sue ka nde hataholi ba'u boso lakamamaek Maria.

LUKAS 16:18

See elaheni saoina na boema ana sao seluk ina fe'ek soona, hataholi ndia hohonge. Ma hataholi fo ana sao inak fo nanaelahenik ndia soona, ana hohonge boe.”

ULANGAN 21:15

“Metema, touk esa saon dua, de ana sue esa, ma esa soona ta, tehu duas manabongi anaotuk mesan, tehu manabongin-nakahuluk anatouk-ka, nde saoinan fo, ana ta sue fan-nana.

ULANGAN 22:13

“Metema, touk esa, ana sao no anafe'oanak esa, de basa boema, ana nape'da dale nasak-kana so'on.

ULANGAN 22:19

Boeo, ala muse fen nahuta doi fulak natun esa, fo ana fe doik sila-la leo aliaman-na neu, nanahu ana tao nalutu anafe'oanak Israel esa, na'den-na so. Ma ana muse sao nahele inak ndia, ma ana ta bole naelak heni fan, losa mate.

ULANGAN 22:29

Nai dede'ak ndia dalek, touk ndia muse bae anafe'oanak ndia belin-na ba'u, doi fulak limahulu leo anafe'oanak ndia aman neu. Touk ndia, muse ana ka'bing no anafe'oanak ndia, nanahu ana laka anafe'oanak ndia fo, duas tao tatao-nono'i mangalauk, de muse ana sao nahelen losa mate.

ULANGAN 24:2

Basa boema, inak ndia sao seluk tou fe'ek.

ULANGAN 24:3

Tehu neu fai makabuin boema, touk ndia nape'da dale nasak-kana so'on, boema ana fen susulan-naelak de ana usihenin. Do fafa'kama, mate saotouk-ka duan ndia.