ULANGAN 23:9 - Susula Malalaok Hehelu Palak Ma Hehelu Beuk

⁹ “Metema, emi meu matee-matati soona, emi muse madook emi aoinam-ma, neme basa tatao-nono'i manggenggeok lala'en-na mai.

ULANGAN 23:9 ပူးပေါင်းရင်းမြစ်များ

2TAWARIKH 19:4

Manek Yosafat-ta mamana leleo-na nai Yerusalem. Tehu nasi'a ana neu donge-dama laun-na nai basa nusak-ka lala'en-na soaneu nokes ala fali leo Manetualain fo sila bei-ba'i kain-nala Manetualain-na.

2TAWARIKH 31:20

Manek Hizkia nakalala'ok ndoos ma matetuk-ka ma ana tao tunga ka'da ndoo-na nai Yehuda lala'en-na, de ana tao namahoko Manetualain dalen-na.

YESAYA 56:3

Hataholi nusa dea, fo ala da'di esa lo Manetualainanan-nala, ta bole lafa'da lae, “Manetualain ta fe au loak, fo sene-do'ok neun, sama-sama o anan-nala fa.” Hataholi fo, mamae loun-na nanakee henik soona, ana ta bole dudu'a-dodoo nae, “Au ta hapu da'di Manetualain anan fa, nana au ta bisa hapu tititi-nonosik fa.”

LUKAS 3:14

Hapu solda'du la boeo latane lae, “Leo beek no ami? Ami muse tao beek?” Yohanis nataa nae, “Boso makaseti hataholi fe doik, ma boso kalaak pepekok fo loso ma hataholi doin. Ela leo bee na ngga'di fo emi sipo ka, dai emi nde ndia so!”

ULANGAN 23:10

Metema, hataholi esa nanggenggeo, nanahu nai lelek ana sungu, hata esa ana da'di nai bibii-mamaen soona, ana muse kalua neme uma ofu dale mai, fo nahele neme deak.

ULANGAN 23:8

Neme bobongi ka telu-a, losa bobongik manamaik-kala, ala bole da'di Manetualain anan-nala so'on.”

YOSUA 6:18

Ta bole ho'i hata esa boen, neme basa hata fo muse tao nakalulutuk-kasa mai. Metema emi ho'i soona, neukose soe ma ani-sangu, la'e Israel mamana ofun-na.

HAKIM-HAKIM 20:26

Boema, hataholi Israel-la leu seluk leo Betel leu, de ala kii neu Manetualain. Ala okaaon-nala losa le'odae nai naa, ma ala tunu-hotu tutunu-hohotu mole-dame, ma tutunu-hohotu nanatunuk soaneu Manetualain.