ULANGAN 22:8 - Susula Malalaok Hehelu Palak Ma Hehelu Beuk

⁸ Metema, emi mafofo'a uma soona, pa'a okofefeok uma ndia so'dan-na. Fo metema hataholi tu'da neme uma ndia punin lain mai, fo maten soona, emi ta lu'a-lepa salak ndia fa.

ULANGAN 22:8 ပူးပေါင်းရင်းမြစ်များ

2 SEMUEL 11:2

Nai le'donosok esa, de Dauk sungu fo'a boema, ana la'o-la'o nai uma manek-ka ta'dak lain. Ana mete neme ndia mai, de nita inak esa bei nadiu oe, tehu inak ndia, mata makeek nanseli.

KELUARAN 22:6

See tao ha'i nai tinan dale, boema ha'i ndia na'a leo hataholi fe'ek tinan neu, de na'a heni gandum nanake'di bei tak-kala, do gandum fo besak-ka ala ke'dis, de ala puputus, soona muse kee fe hataholi manatao ha'i ndia, nahuta.

YESAYA 22:1

Hala heheluk la'eneu Bafak Ninitak-ka nde ia: Hai, laun Yerusalem-mala lemin, tao le'e de, emi basa-basam-mala kae leo uma punin-na meu?

YEREMIA 19:13

Basa uma manai Yerusalem ma basa Yehuda manen uman-nala neukose langgenggeo sama leo Tofet; nanahu nai uma sila-la lain, hataholi-la tunu bomenik soaneu lamatua lalai-a, a fe fefeek angol soaneu lamatua daebafak fe'ek-kala.

YESKIAL 3:18

Metema, Au afa'da ae neukose mate hataholi mangalauk esa, tehu o beita fen nasanene'dak fo ana tukatei-saledalen-na, fo ela ana hapu so'dak, soona neukose ana mate, sama leo hataholi masala-masingok, de o nde lu'a-lepa hataholi ndia mamaten-na.

YESKIAL 3:20

Metema hataholi malole esa, ana tao sala-singok, fo Au fen nasasalematak no soe-a, de neukose maten, te metema o beita fen nasanene'dak fa. Neukose ana mate, nanahu sala-singon, de naukose Au ta afandele tatao-nono'i malolen-nala fa. Tehu neukose Au oke natataak neme o mai, la'eneu hataholi ndia mamaten-na.

MATEOS 10:27

Hata fo Au afa'dan neu emi ia, bei nai makahatuk dale, tehu emi muse mafa'da selu kana no mangale'dok. Boema hata fo lamakukutu kana neu emi di'idoo ma, meu po'a-benga maloloan!

MARKUS 2:4

Tehu, hu ka nde hataholi makadotok nanseli de ala ta hapu deka lo fan. Da'di ala kae leo uma lain leu de, ala ofe la bolok esa nai Yesus ndandaan lain, de ala dodoko hataholi lu'uk ndia no ne'ana leo dae neu.

HATAHOLI 10:9

Balahaa te bei lai eno tala'dak, fo ala sanga lae losa Yope nde ndia so. Boema Petrus kae leo uma lai neu fo ana hule-haladoi.

ROMA 14:13

Hu ndia de ita esa boso sanga esa sala na. Te sanga enok fo daenga boso no emi tatao-nono'im fo emi tolanoom fo namahehelek esa ana tu'da leo sala-singo ka dalek leu.

1 KORINTUS 10:32

Maso'da tao leondiak leona, fo nalosa emi ta tao ma hataholi fe'ek tao sala-singok fa; nau sila hataholi Yahudi do ta Yahudi, do Manetualain hataholi kamahehele nala boe.

ULANGAN 22:7

Emi bole ho'i-ma, manupui anak sila-la, tehu inan-na soona, nemen-na fo, ana laa, fo ela boso mate manupuiina, fo naso'da no tetu-temak.

ULANGAN 22:9

Boso sele bubu'u-palusa fe'ek, nai emi osi angol-ma dale, te ka'da ai angol-la mesak-kana. Metema, emi sele bubu'u-palusa fe'ek boe soona, ta bole emi ketu-seu osi angol ndia buna-boan fa, nau angol do bubu'u-palusa fe'ek-kala boe.

FILIPI 1:10

No enok ndia, emi hele malelak bee ka nde malole, ma emi so'da ma balisi neme sala-singo ka mai do neme kalaak bee ka mai boe, nai Faik fo Kristus fali ma'i na.

1 TESALONIKA 5:22

Tehu madook emi ao ma, neme basa tatao-nono'i mangalau mata-matak lala'ena mai.

SEMUEL SUSULAK-KA ESAN-NA 9:25

Basa boema, ala kona leme mamanak makaluku-makatele ndia mai, de leu leo kota dale leu. Saul hapu mamana susunguk nai uma ta'dak lain,