ULANGAN 22:24 - Susula Malalaok Hehelu Palak Ma Hehelu Beuk

²⁴ Nai dede'ak ndia dalek, ala muse loo duas, leo kota deak neu, fo ala tapas nenik batu, losa mates. Muse taonisa anafe'oanak ndia, nanahu ana ta nggasi, fo noke tutulu-fafalik fa, te se'kona, manada'dik ndia, ana da'di nai kota dale, de ana nggasi soona, hataholi-la lamanene. Ma muse taonisa touk ndia, nanahu ana sungu no anafe'oanak fo, hataholi fe'ek adu-natane basan so. No hataholi ka duak sila-la mamaten ndia de, emi tao mamopo tatao-nono'i mangalauk ndia.

ULANGAN 22:24 ပူးပေါင်းရင်းမြစ်များ

ULANGAN 21:14

Metema, neu fai makabuin, fo o ta mahiik-kana so'on soona, o bole madenun, fo ana fali ne'un no ao loak. O ta bole taon da'di leo ata, do o mase'on, nanahu o makasetin de, o sungu moon so.”

1 KORINTUS 5:2

Leomae leondiak boe, emi bei koao-ndaeao bai. Tunga ndo na, emi dale ma muse he'di sa, fo kaluaheni hataholi manatao tatao-nono'ik leondia ka neme emi dalek mai.

MATEOS 1:24

Yusuf fo'a boema, ana tao tunga hata fo Lamatua ka ata nusa so'dan ndia nafa'da neun nana. Boema ana kabing no Maria leona.

MATEOS 1:20

Tehu nai lelek fo Yusuf bei dudu'a-dodoo dede'ak ndia te, nalame'i me'is esa. Nai me'is ndia dalek, nita Lamatua ka ata nusa so'dan esa nafa'dan nae, “Yusuf, fo Dauk tititi-nonosin; Boso bii ka'bing mo Maria; te nailu ni'iana ndia ana da'di neme Manetualain Dula Dale na koasa na mai.

KEJADIAN 29:21

Basa ndia boema, Yakob nafa'da Laban nae, “Teuk hitu seli so; de po'i au sao To'o anafe'on-na leon.”

ULANGAN 22:23

Metema, nai kota esa dalek, ala ho'u-la touk esa, ana sungu no anafe'oanak esa, hataholi fe'ek, adu-natane basan so.

ULANGAN 22:25

Tehu, dede'an-na fe'ek seluk bai, metema touk esa, ana tao tatao-nono'i mangalauk no anafe'oanak esa nai tina dale, te se'kona, hataholi fe'ek adu-natane basa anafe'oanak ndia so. Nai dede'ak ia dalek, ka'da touk-ka mesak-kana, nde muse nanahukunisak.

AYUB 31:11

Metema, memak au tao sala-singok manggenggeok ndia soona, nandaa au sipo huhukuk.

IMAMAT 20:10

Metema, hataholi Israel esa, ana hohonge no hataholi fo bei sila leoina esa saoinan-na soona, muse hukunisan no inak ndia.

ULANGAN 17:7

Basa sakasii-la, nde tapa batu makasososak-ka neu hataholi ndia, fo besak-ka laun-na lala'en-na. No enok ndia, emi hapu tao mamopo, tatao-nono'i mangalauk ndia.

YESKIAL 16:38

Neukose Au huku o, nanahu hohonge-a, ma o tao kanisak sila-la. Neukose Au hukuisa o, nai Au nasa-melung-nga dalek.