ULANGAN 21:8 - Susula Malalaok Hehelu Palak Ma Hehelu Beuk

⁸ Manetualain, fe do'o do ampon neu Israel, O anam fo, O soi-po'in neme Masir mai. Fe do'o do ampona neu ami, ma boso mafa'da mae, ami nde lu'a-lepa hataholi sala tak fo, nanataonisak ndia.’

ULANGAN 21:8 ပူးပေါင်းရင်းမြစ်များ

2 SEMUEL 3:28

Lelek Dauk namanene manada'dik ndia boema, nafa'da nae, “Manetualain bubuluk nae au ma au laung-ngala, ta masala faa anak boen, nai manada'dik kanisak neu Abner ndia dalek fa.

1RAJA-RAJA 2:31

Manek-ka namanene dede'ak ndia boema nae, “Muu leon fo tao tunga hata fo nafa'dan ndia. Taomisan fo matoin, fo ela au ma au amang tititi-nonosin ta lu'a-lepa seluk neu kanisak fo Yoab taon soaneu hataholi sala taa ka.

2RAJA-RAJA 24:4

nakalenak, hu kande basa kanisak fo, ana taon soaneu hataholi sala taak-kala. Manetualain ta nau fe do'o do ampon neu Manasye fa, hu kande tatao-nono'in sila-la.

MAZMUR 19:12

Basa sila-la, ala fe nasanene'dak neu O atam-ma: ngga'di matuaina, nanasadiak ba'eneu hataholi fo, manatungan-nana.

YEREMIA 26:15

Tehu mafandendelek te, metema emi tao misa au soona,, emi ma kota ia laun-nala neukose lu'a-lepa sala singok neme hataholi sala taak ndia nakanisan-na mai. Nana, Manetualain nde nadenu au soaneu fe nasanene'dak ndia neu emi.”

YESKIAL 23:3

Nai lelek bei muli-solun-nala, ala leo leme Masir. Mopo na'de anafe'oanan-nala neme Masir, de ala da'di ina manasosoa-piaok.

YUNUS 1:14

Hu ndia de, laloo neu Manetualain lae, “Ou Manetualain, ami dokodoe, fo ami boso mopo-mate, nanahu ami taomisa hataholi fo, ta nasala ami fa. Ou Manetualain, O tao basa hata fo O mahiik-kana so.”

MATEOS 23:35

Hu ndia de neukose emi nanahukuk, nana kanisak fo, emi tao-no'in soaneu hataholi sala ta kala, mulai neme kanisak soaneu Habel fo hataholi sala tak ndia, losa kanisak soaneu Berekia anan Zakharia, fo emi taomisan nai Manetualain Uma na no mei tutunu-hohotu ka tala'da.

ULANGAN 21:7

ma lafa'da lae, ‘Ami ta taomisa hataholi ndia fa, ma ami ta bubuluk see kande, taonisa fan.