ULANGAN 21:5 - Susula Malalaok Hehelu Palak Ma Hehelu Beuk

⁵ Basa imam Lewi-la boeo, muse leu leondia leu, nanahu sila muse fe nakeketuk neu dede'a kanisak lala'en-na. Emi Manetualaim-ma hele sila, soaneu lalalau-laoonon, ma ala fe baba'e-papalak nenik na'den-na.

ULANGAN 21:5 ပူးပေါင်းရင်းမြစ်များ

1 TAWARIKH 23:13

Amram nde been-na Harun ma Musa aman nde ndia. (Harun ma tititi-nonosin nala nanahele hehelik losa dodoon-na, soaneu ito-ato bua-lo'as makaluku-makatele, tunu boomenik ba'eneu Manetualain, lalalau-laoono Manetualain ma fe baba'e-papalak neu laun nala nenik Manetualain na'den na.

2TAWARIKH 19:10

Metema emi nonoo-mala leme kota fe'ek mai fo leni fe emi dede'a kanisak esa, la'olena hoholo-lalanek do la'olena susula nakeketu-ka soona, ela leo bee na emi fes natutu'duk. No enok ndia ala ta lasala neu Manetualain fa, ma neukose Manetualain ta namanasa emi do sila boen. Tao tunga paleta ia, soona neukose emi ta masala fa.

YESKIAL 42:13

Touk ndia, nafa'da au nae, “Uma ka duak sila-la, uma malalao-malalafuk. Imam-mala bole lasasalematak loo Manetualain nai ndia, fo la'a tutunu-hohotu malalao-malalafuk-kala, fonde tutunu-hohotu gandum, tutunu-hohotuk fo, sala-singok hapu do'o do ampon, do tutunu-hohotu bae hutak.

YESKIAL 44:24

Nai dede'ak esa dalek, sila muse fe nakeketuk, da'di leo manakee-manafula, ma sila muse laketun tunga Au nakaneneteng-ngala; sila muse ho'u lahele Au hoholo-lalaneng, ma Au nakeketung-ngala, nai Au fai maloleng-ngala, ma ala tao lalalao-lalafu Au fai Sabat-ta.

IMAMAT 9:22

Tunu-hotu basa tutunu-hohotuk sila-la boema, Harun lalaa liman-na neu hataholi Israel-la lain, de ana ba'e-palas, boema ana kona falik.

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

ULANGAN 10:8

Nai lelek bei leme letek-ka ndia, Manetualain hele hehelik hataholi Lewi-la, fo ala ito-ato Peti Hehelu-balataak-ka, ma lalalau-laoono Manetualain, boema ala kokolak baba'e-papalak nenik Manetualain na'den-na. Sila bela-ba'un nde ndia, losa besak ia.

ULANGAN 18:5

Neme basa leo-leo manai Israel-la mai, emi Manetualaim-ma, Ana hele basa leo Lewi-a, da'di imam losa dodoon-na so.

ULANGAN 19:17

duas muse leu leo mamana nakaluku-nakatelek fo Manetualain naketuk-ka leu, fo ela basa imam-mala ma manakee-manafula manai sila-la, naketu dede'ak ndia.

ULANGAN 21:4

Ala muse leni sapi ndia, leo lee manama'dak taak esa nai ndia, fo daen-na bei nanafoi-fala taak, ma nanasele tani bei taak, neu dae manai lee ndia su'un-na fa. Nai mamanak ndia ala muse helula'di sapi ndia lesuha'in-na.