ULANGAN 20:7 - Susula Malalaok Hehelu Palak Ma Hehelu Beuk

⁷ Ade, nai emi dalek, hapu hataholi besak-ka ana a'du-natane basa inaanan-na, fo ala sanga sao do? Metema hapu soona, ana bole fali ne'un. Nana metema maten nai natee-natatik dale soona, neukose hataholi fe'ek saon-na inaanan ndia.’

ULANGAN 20:7 ပူးပေါင်းရင်းမြစ်များ

MATEOS 1:18

Yesus Kristus bobongi na tutui na leo iak. Yesus inan na'de Maria. Beita bongi Yesus fa te, Maria nahiik no Yusuf. Tehu duas beita lakabubua boen te, Maria nailu so. Yusuf ta bubuluk Maria ilun ndia, ana da'di neme Manetualain Dula Dale na koasa na mai fa.

ULANGAN 20:6

Ade, nai emi dalek, hapu hataholi besak-ka ana sele osi angol-na, te ana beita ketu-seu angol-la boan-na fa do? Metema hapu soona, ana bole fali ne'un. Nana metema, maten nai natee-natatik dale soona, neukose hataholi fe'ek nde, ketu-seu ndia angol-nala boan-na.

ULANGAN 24:5

“Metema, touk esa besak-ka ana saoana soona, ta bole madenun neu teken solda'du fo, neu natee-natati, do ana tao bela nusak fe'e-fe'ek. Muse fen loak teuk esa dalen-na, fo ana tunga-sanga soaneu uma loon, fo ela ana tao namahoko saoinan-na dalen-na.

ULANGAN 28:30

Metema, emi ta tunga emi Manetualaim-ma fa soona, manada'dik-kala nde ia, neukose ala tuni-ndeni-la emi: Neukose emi meu a'du-matane ina anafe'ok, tehu hataholi fe'ek nde sao ina anafe'ok fo, emi meu a'du-matanek ndia. Neukose, emi mafofo'a uma, tehu hataholi fe'ek nde leo uma ndia. Neukose, emi sele osi angol, tehu hataholi fe'ek nde na'a boan-nala.

2 TIMOTIUS 2:4

Solda'du esa, nakalala'ok bela ba'un soona, neukose ana ta paluu ndia tatao-nono'in so'on, nana ana nau ndia tatao-nono'in, nandaa no ndia malanga na dale na.