ULANGAN 20:18 - Susula Malalaok Hehelu Palak Ma Hehelu Beuk

¹⁸ Taomisas, fo ela ala boso tao-la emi, masala-masingo neu emi Manetualaim-ma, nenik lanoli emi tao tatao-nono'ik fo nanamaluak, ba'eneu sila lamatua daebafak-na.

ULANGAN 20:18 ပူးပေါင်းရင်းမြစ်များ

2RAJA-RAJA 21:3

Aman Hizkia, tao nakalulutuk lamatua daebafak-ka mamana sosongo-tatangon-nala, ana nafofo'a falik-kasa. Ana tao mei tunu-hotuk, fo ana sene-do'ok neu Baal, ma ana tao Lamatua Daebafak Inak Asyera, dodoki-dudulan, sama leo Ahab, fo manek Israel-la tao-ka. Manasye sene-do'ok neu nduuk-kala boe.

KELUARAN 23:32

Boso tao hehelu-balataak moo hataholi sila-la, do sila lamatua daebafan-nala, fo ela emi boso masala-masingo neu Au.

KELUARAN 23:33

Boso po'ilotak hataholi sila-la leo nai emi nusam dale, fo ela emi boso sene-do'ok neu sila-lamatua daebafan-nala, fo emi masala-masingo neu Au. Metema, emi sene-do'ok neu sila lamatua daebafan-nala soona, emi tu'da leo mamates-sa hihi'in dale meu.”

KELUARAN 34:12

Boso tao hehelu-balataak moo hataholi manai nusak fo emi meu, nana dede'ak ndia ana bisa da'di hihi'ik esa, fo nenenin-na mamates ba'eneu emi.

KELUARAN 34:16

Metema emi anam-mala sao ina nusa dea soona, neukose inak sila-la fufu'di-oo'dok-kasa soaneu ala la'oela Au fo ala sene-do'ok neu sila lamatuan-nala.

1 KORINTUS 15:33

Boso fe hataholi ke'dindiu na emi. Leleo-napalasa ta malole a, tao nalutu ha'da-palii malole a.

2 KORINTUS 6:17

Hu ndia de, la'oela hataholi fo ta nalelak Manetualain ndia, ma ta'da kofe'ek emi aoina ma neme sila mai. Boso makabubua makandondook mo hata manggenggeoka, soona neukose Au sipok emi.

EFESUS 5:11

Boso tao-no'i tatao-nono'i sosoa-ndandaa tak fo hataholi mana maso'da nai makahatuk dale kala, tao-no'i ka. Dede'a nasafali na, ela leo bee na, emi tu'u-tapa heni basa dede'a matak leo sila kala. (

ULANGAN 18:19

Neukose ana kokolak pake Au na'deng-nga, fo neukose Au huku su'di see fo, ana ta nau namanene fan.

ULANGAN 18:9

“Metema, emi masok mala emi Manetualaim-ma, Ana fe emi nusak-ka dalek soona, boso nanadulak neme leoina manai sila-la, tatao-nono'i mangalaun-nala mai.

ULANGAN 20:17

Emi muse tao mamate-mamopo hataholi Het, Amori, Kanaan, Feris, Hewi ma Yebus-sala, sama leo emi Manetualaim-ma, paletan neu emi.

ULANGAN 20:19

Metema, emi sanga matee-matati moo kota esa, fo emi makahapi-man losa dook-ka soona, boso lo'o ai maboak manai sila-la. Mi'a ai sila-la boan-na, tehu boso lo'oheni huun-nala, nana emi ta musu moo ai sila-la fa.

2 TESALONIKA 3:14

Fafakama neukose hapu hataholi ta nau tunga hata fo ami mafa'dan nai susulak ia dalek fa. Soona, ia'akouk hataholi matak leondia ka, ma boso leo-mapalasa moon, fo daenga ana mae.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

YOSUA 23:13

mafandendelek te, tao leo bee-o, emi Manetualaim-ma, neukose ta usi heni leoina sila soaneu emi so'on. Nasafalin-na, neukose leni bibii-namata'uk nanseli soaneu emi, nana neukose sila da'di sama leo hihi'ik, do sama leo meo o, soaneu emi. Sila boeo, neukose tao-la emi doi-doso manseli; nana neukose ala da'di sama leo ue-a nai emi muliha'im-ma, do sama leo nggauk-ka nai emi matam dale. Neukose, emi doi-doso makandoo, losa ta ela emi hataholim esa boen, nai emi Manetualaim-ma, fe emi nusak malole ia dalek fa.

HAKIM-HAKIM 2:3

Da'di, besak ia mamanene! Te metema, emi matee-mata'ti moos soona, neukose, Au ta usi heni nusak ia hataholin-nala fa. Neukose, ala da'di emi musum-mala, ma neukose lakahihi'ik-la emi, nalosa emi tunga sene-do'ok neu sila-lamatua daebafan-nala.”