ULANGAN 2:7 - Susula Malalaok Hehelu Palak Ma Hehelu Beuk

⁷ Mafandendelek, tao leo beek de, emi Manetualaim-ma, fe emi baba'e-papalak nai basa hata lala'en fo emi tao-no'in. Nakaboboi emi, nai lelek emi maleu-malaak nai moo solokaek maloaina ia. Nasulu-nahapa emi, nai teuk haahulu ia dalen-na, ma Ana fe emi, basa hata lala'en fo emi paluun.

ULANGAN 2:7 ပူးပေါင်းရင်းမြစ်များ

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

KEJADIAN 24:35

Manetualain ba'e-pala au tuang ndia ba'un-na seli de Ana taon-nan, da'di namasu'i hatu-hatu. Manetualain fe basan bi'ilopo, bi'ihiik, sapi, onta, keledei ma lilopilas lilofulak boe, boema ata touk ata inak.

KEJADIAN 26:12

Isak tao tina osi de ana sele-nggali bini-ngges nai nusak ndia, de nai teuk ndia dale na ana hapu buna-boak diku la'i natun esa neme ana sele-nggali ka mai, nanahu Manetualain ba'e-palan.

KEJADIAN 30:27

Laban nafa'dan nae, “Mamanene dei: te au hapu hala nafa'da elak, nae hu kande o, de Amak-ka ba'e-pala basa au so.

KEJADIAN 39:3

Tuan na nita nae Manetualain tulu-fali Yusuf, de hu ndia de Yusuf hapu buna-boa malole nai basa hata lala'en fo ana tao-no'in.

KEJADIAN 39:5

Mulai hatematak ndia, hu kande Yusuf de Manetualain ba'e-pala hataholi Masir ndia uma loon, ma basa hata-heton lala'en-na, nau manai uma do manai tina osi boe.

NEHEMIA 9:21

Nai teuk haahulu dalen-na, lai moo solokaek-ka. O tao matetu sila paluun lala'en-na. Bua papaken-nala, ta siba'e nita fas, ein-nala ta he'dis-sa do peta-pae fa,

AYUB 23:10

Tehu, Ana bubuluk basa au enong lala'en-na, boeo au ei nggangganing lala'en-na Metema, Ana fola au, sama leo lilopilas-sa, soona neukose, Ana bubuluk nae, au daleng-nga leo lilo isik.

MAZMUR 1:6

Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

MAZMUR 107:4

Hapu nggelok laleu-lalaak lai moo maloa, de ala ta bubuluk enok fo, leo mamana leleok manai kota neu fa.

MAZMUR 31:7

Hataholi manasene-do'ok neu sosongo-tatangok-ka, O ta mahiik-kasa fa; tehu au amahele neu Manetualain.

MAZMUR 90:17

Ou ami Amam Manetualain, ba'e-pala ami, fo ela basa ami ue-le'dim lala'ena, neni buna-boak.

KELUARAN 16:35

Manna ndia, da'di hataholi Israel-la nana'an-na, nai teuk haahulu manamaik-ka, losa ala losa dae Kanaan, fo mamanak ala leo latea-lahele. (

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

HOSEA 13:5

Au nde anea emi nai dae tokotiik manai moo solokaek-ka.

AMOS 2:10

Au o falik emi kalua meme dae Masir-ra mai so, ma Au hela-nole emi teuk haahulu dalen-na neme moo solokaek-ka. Au fe hataholi Amori-la daen-na neu emi fo da'di emi nusam-ma.

BILANGAN 1:1

Nai hataholi Yahudi-la bula ka dua-na fain esa, fo nai lelek hataholi Israel-la la'oela Masir boema, Manetualain kokolak no Musa neme Manetualain Lalaa Teman dale, nai Letek Sinai-a. Nae,

BILANGAN 14:33

Neukose, teuk haahulu dalen-na, emi anam-mala laleu-lalaak nai moo solokaek-ka. Hu kande, emi ta lilineka fa, de emi anam sila-la, neukose ala doi-doso losa hataholi mate'ek manai emi dalek-ka, maten so.

BILANGAN 14:34

Neukose emi lu'a-lepa emi sala-singom, teuk haahulu dalen-na; teuk esa soona, leken da'di faik esa neme faik haahulu fo emi paken, soaneu palisak besa-besa moo dae ndia. Metema Au la'ban emi soona, neukose emi mame'da mita, he'din-na leobeek!

BILANGAN 22:12

Boema Manetualain nafa'da Bileam nae, “O boso muu sama-sama moo hataholi sila-la, ma boso supa-soo leoina ndia, nana Au ba'e-pala basa hataholi sila so.”

BILANGAN 32:13

Manetualain namanasa leoina Israel-la, nalosa Ana po'ilotak-kasa, laleu-lalaak lai moo solokaek-ka, teuk haahulu dalen-na, losa mate la'iesak bobongik fo, manalena-la'ban paletan-na.

LUKAS 22:35

Basa ndia boema Yesus nafa'das nae, “Makahulu na lelek fo Au adenu emi no ta fe emi loak mini mamana bua-lo'as, alukosu, do ta'bueis fa, ade emi to'a-ta hata-hata do?” Lataa lae, “Ta!”

YOHANIS 10:27

Au bi'ilopo ngala lamanene Au hala nga. Boema Au alelak asa, hu ndia de ala tunga Au.

ULANGAN 1:19

“Boema, nandaa no ita Manetualain paletan-na, de ita la'oela Letek Sinai-a, boema ita la'ok tunga moo solokaek maloina, ma henuk no bibii-namata'uk-ka, ita teu leo hataholi Amori-la dae letelepan-na teu. Nai lelek ita losa Kades-Barnea boema,

ULANGAN 1:46

“Basa ndia boema, ita leo doon-na seli neme Kades.

ULANGAN 2:14

Ndia ana da'di nai lelek ita la'oela Kades-Barnea teuk 38 boema, ita lena Lee Zered-ta. Mate la'iesak solda'du maneme bobongik ndia mai, sama leo Manetualain nafa'dan-na.

ULANGAN 2:6

Emi bole asa nana'a-nininuk neme sila mai.’

ULANGAN 29:4

Tehu losa faik ia, Ana beita nau fe emi malelak, basa hata fo, emi la'ola'din ndia, sosoa-ndandaan-nala fa.

ULANGAN 29:5

Teuk haahulu dalen-na, Manetualain hela-nole emi, tunga moo solokaek-ka, tehu ta pulu-po'o emi bua papakem-ma, ma emi ta'bueim-ma fa.