ULANGAN 2:34 - Susula Malalaok Hehelu Palak Ma Hehelu Beuk

³⁴ Nai lelek ndia boe, ita loso-ta basa kota-la de ita tao takalulutuk-kasa, ma ita tao tisa la'iesak laun-nala lala'en-na, touk-kala, inak-kala ma ni'iana-la. Ita ta po'ilotak hataholi esa boen, naso'da fa.

ULANGAN 2:34 ပူးပေါင်းရင်းမြစ်များ

ULANGAN 3:6

Ita tao takalulutuk la'iesak kota sila-la, ma ita tao tisa la'iesak touk-kala, inak-kala loo anan-nala, sama leo ita taon neu Mane Sihon fo neme Hesybon mai, kotan-nala.

ULANGAN 7:2

Metema, emi Manetualaim-ma fe leoina sila-la, leo emi koasam dale neu, fo emi sengis soona, taomisa la'iesak-kasa. Emi boso sue-lais, do tao hehelu-balataak moo hataholi sila-la.

ULANGAN 7:26

Boso pe'da-fua dodoki-dudulak sosongo-tatangok esa, nai emi umam dale, fo ela sosoo-susupak fo manatuni-ndeni nalas-sa, boso tuni-ndeni-nala emi boe. Emi muse makamuu-makadau ma malua tatao-nono'ik matak leondiak-ka, nanahu Manetualain soo-supa tatao-nono'ik ndia.”

YOSUA 10:28

Faik ndia Yosua neu sapun-na Makeda, de ana sengi kota ndia no manen-na. Ana taonisa la'iesak kota ndia laun-nala; ana ta po'ilotak hataholi esa boen, naso'da fa. Yosua tao mane Makeda, sama leo ana tao mane Yerikho-a.

YOSUA 10:40

Yosua nangatuun-na kota ndia lala'en-na. Ana sengi basa manek manai nggolo leten-nala, nai pupukuhuk manai boboak dulu, nai letek-kala huun manai boboak muli, ma nai masadokek manai boboak kona. Ana ta po'ilotak hataholi esa boen, naso'da fa; Ana taonisa la'iesa kasa. Ndia nandaa no Manetualain fo Israel Manetualain paletan-na.

YOSUA 11:14

Ala taolisa la'iesak kota sila-la laun-nala; ala ta po'ilotak hataholi esa boen, naso'da fa. Tehu, basa bua-lo'a kabelin-nala ma bana-manun-nala, hataholi Israel-la ho'i-lalas da'di sila nuun.

YOSUA 6:21

Basa hata manai kota ndia dalek, lasi-mulik, ina-touk, ala taolisas nenik tafaina. Ala taolisa la'iesak bana-manu sapi, bi'ilopo ma keledei lala'en-na boe.

YOSUA 7:11

Hataholi Israel-la, tao sala-singok so. Au fe basa paleta, fo ela ala tunga hehelu-balataak nai sila loo Au, tehu ala la'olenan! Ala ho'i-la bua-lo'as, fo muse tao nalutus-sala so. Lamanako-la, bua-lo'as sila, de lafunis nai bua-lo'an-nala dalek, fo ela hataholi boso bubuluk.

YOSUA 9:24

Boema lataa lae, “Ami tao leondiak, nanahu ami mamanene lae Manetualain, fo Tuan-tuan-nala sene-do'ok ndia, nadenu basa Musa fo atan ndia, fe nusak ia lala'en-na neu Tuan, ma nai lelek Tuan ho'i-na dae ia soona, Tuan taonisa la'iesak laun-na. Ami bii manseli, boso nalosak ami nanataonisak, hu ndia de, ami tao basa dede'ak ia-la.

SEMUEL SUSULAK-KA ESAN-NA 15:3

Da'di, muu leona, fo sapu-ma hataholi Amalek-kala, fo tao makalulutuk hata-heton-nala lala'en-na. Boso ela hata esa boen; taomisa la'iesak touk-kala, inak-kala, ni'iana-la ma ni'iana bongi beuk-kala; boeo sapi, bi'ilopo, onta ma keledei.”