ULANGAN 2:29 - Susula Malalaok Hehelu Palak Ma Hehelu Beuk

²⁹ losa ami lena Lee Yarden-na, fo ami masok leo, ami Manetualaim-ma fe ami nusak-ka meu. Saul tititi-nonosin manaleo manai Edom-ma, ma hataholi Moab manaleo manai Ar-ra boeo, ala fe basa ami loak, soaneu ami la'ok tunga sila nusan-na so.’

ULANGAN 2:29 ပူးပေါင်းရင်းမြစ်များ

KEJADIAN 19:37

Ana uluk-ka bongi anatouk esa, de ana foin na'de Moab. Ndia nde da'di, hataholi Moab besak ia-la, bei-ba'i kain.

KELUARAN 20:12

Fe ha'da-holomata neu emi amam ma emi inam, fo ela emi tetu-temak, ma teu manalu nai nusak fo Au fen neu emi-a.

BILANGAN 20:18

Tehu hataholi Edom-mala lataa lae, “Ami ta fe emi loak, la'ok tunga ami nusam-ma fa. Metema, emi mapalani la'ok tunga ami nusam-ma soona, neukose ami sapu-ma emi!”

ULANGAN 1:8

Au, fo Manetualain helu basa, Au fe dae ndia neu emi bei-ba'i kaim Abraham, Isak ma Yakob no basa sila tititi-nonosin-nala. Da'di, meu fo mangatuu-ma, dae ndia leona.’ ”

ULANGAN 2:9

Boema, Manetualain nafa'da au nae, ‘Hataholi Moab, fo Lot tititi-nonosin-nala, emi ta bole taos le'e esa boen. Boeo, emi boso sapu-malas. Au fe basa nusa Ar-ra leo sila neu so, de neukose, Au ta fe sila daen faa anak boen, leo emi neu.’ ” (

ULANGAN 23:5

Tehu emi Manetualaim-ma, ta nau namanene Bileam soo-supan ndia fa De Ana nggati soo-supak ndia, da'di baba'e-papalak, nanahu Ana sue-lai emi.

ULANGAN 25:15

Pake tatais ma uuku-susu'di matetuk, fo ela emi maso'da maladook-ka, nai emi Manetualaim-ma fe emi nusak-ka.

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 4:21

Tehu emi Manetualaim-ma namanasa au, hu kande emi, de Ana soo nae, neukose au ta lena leo Lee Yarden-na selik u, fo masok dae maoe-maisik fo neukose, Ana fen neu emi ndia fa.

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

ULANGAN 5:16

Fe ha'da-holomata neu emi amam ma emi inam, fo ela emi hapu tetu-temak ma teu manalun-nai emi Manetualaim-ma fe emi nusak-ka.

ULANGAN 9:6

Emi ia, te'e-te'e leoina langabatuk, da'di, fo ela emi bubuluk leona, te ta hu kande emi tatao-nono'i malolem-ma, de emi Manetualaim-ma fe nusak fo maoe-maisik ndia leo emi neu, fo emi mangatuu-man.