ULANGAN 2:23 - Susula Malalaok Hehelu Palak Ma Hehelu Beuk

²³ Hataholi-la leme pulu Kreta mai, langatuu-la dae manandolo-ndolo Tasi Tala'dak-ka su'un-na. Ala tao lamopo-lamate hataholi Awi, fo nggolo isik manai dae ndia, boema langatuu-la dae ndia losa leo kona neu, fo nakandoo leo kota Gaza neu.)

ULANGAN 2:23 ပူးပေါင်းရင်းမြစ်များ

KEJADIAN 10:14

Patrusim, Kasluhim, ma Kaftorim. Fo leoina Filistin-na, bei-ba'i kain nde leoina Kasluhim ndia.

KEJADIAN 10:19

nalosa sila nusan-na dae toon-na, namaloa neme Sidon leo kona neu, fo nakandoo leo Gerar neu, losa ana deka no Gaza, boema ana leo dulu neu, fo leo Sodom, Gamora, Adma, ma Zeboim, losa ana deka no Lasa.

2RAJA-RAJA 18:8

Ana sengi hataholi Filistin-nala, ma ana kalo mamana leleon-nala, neme nggolo ana-kala, losa kota-kota matuaina-la, fo Gaza ma nusak manai boboa kaisun-nala, lai dalek boe.

1 TAWARIKH 1:12

Patrusim, Kasluhim, ma Kreta. Hataholi Filistin-nala bei-ba'i kain nde hataholi sila.

YEREMIA 47:4

Losa fain-na ia so soaneu leoina Filistin nanatao namate-namopo la'i esak, de nalosa Tirus ma Sidon ta hapu tutulu-fafalik seluk fa. Au, Manetualain, neukose tao amate-amopo basa hataholi Filistin fo bei elak maneme Kreta mai-a.

AMOS 9:7

Manetualain nafa'da nae, “Hai hataholi Israel-la lemin, Au taoafik neu hataholi Sudan-nala, sama leo Au taoafik neu emi. Au o falik hataholi Filistin-nala leme Kreta mai, ma hataholi Siria-la leme Kir mai, sama leo Au o emi neme Masir mai.

ZEFANYA 2:4

Neukose, ta hapu hataholi esa boen, hapu so'dak nai kota Gaza fa. Neukose Askelon nee-nee lino-lino, nana ta hapu hataholi nai ndia so'on. Neukose Asdod laun-nala nanausik, nai natee-nata'ti kaiboik esa dalek, nai le'dohana nees, ma neukose ladenu Ekron laun-nala, fo ala la'oela sila kotan-na.

ZAKHARIA 9:5

Neukose kota Askelon ma kota Gaza litan, fo ala bii-lamata'u. Neukose Ekron nitan boe, de mopo basa namahehenan lala'en-na. Neukose mopo Gaza manen-na, ma neukose Askelon da'di kota nee-nee lino-linok ma kota louk.

HATAHOLI 17:26

Neme ka'da hataholi esa mesa kana de nakadada'dik basa leoina lala'ena, boema nadenus fo ala leo lai basa daebafa ka lala'ena. Ndia boeo nde mana naketu basa neme makasososan mai a, faihi'da, ma nai bee, hataholi daebafa ka bole naso'da.

YOSUA 10:41

Yosua sengi nggolo-nggolok, fo neme Kades-Barnea nai boboak kona, losa leo Gaza, fo deka no nggolo tasi su'uk-ka, nai dalek hapu nusa Gosyen-na lala'en-na, losa leo Gibeon nai kii.

YOSUA 11:22

Ta ela leoina Enak ndia, hataholin esa boen, nai nusa Israel-la, ka'da bei hapus lai Gaza, Gat, ma Asdod.

YOSUA 13:3

ma nusa Awi lala'en-na leo kona neu. (Nusak maneme Lee Sikhor-ra, nai Masir dae toon-na, losa leo Ekron dae toon-na nai boboak kii, basa sila lala'en-na, leken leoina Kanaan-na nusan sila; ma mane-manek Filistin manaleo nai Gaza, Asdod, Askelon, Gat, ma Ekron.)

YOSUA 15:47

Leondiak boe, Asdod ma Gaza no kota anak-kala, ma nggolo-nggolok fo lakapepela losa deka loo leeanak, manai too Masir ma Tasi Tala'dak su'un-na.

HAKIM-HAKIM 1:18

Manetualain tulu-fali hataholi Yehuda-la, nalosa langatuu-la nusa letelepan-na. Tehu, ala ta hapu langatuu-la Gaza, Askelon do Ekron no nusa-nusak manai titia-tatain-nala fa, nanahu leoina manaleo ndolo-ndolo tasi su'uk-ka, lanuu kaleta besi; hu ndia de, hataholi Yehuda-la ta hapu usi heni fas.