ULANGAN 18:9 - Susula Malalaok Hehelu Palak Ma Hehelu Beuk

⁹ “Metema, emi masok mala emi Manetualaim-ma, Ana fe emi nusak-ka dalek soona, boso nanadulak neme leoina manai sila-la, tatao-nono'i mangalaun-nala mai.

ULANGAN 18:9 ပူးပေါင်းရင်းမြစ်များ

2RAJA-RAJA 17:11

Sila boeo tunu boomenik, nai basa mei tunu-hotuk-kala, soaneu lamatua daebafak-ka, sama leo ha'da-tataok leoina, fo Manetualain usi henis leme nusa Kanaan-na mai. Ala sene-do'ok neu sosongo-tatangok, leomae Manetualain kena-ka'i basan so. Basa sila tatao-nono'i mangalaun lala'en-na, tao nafo'a Manetualain nasa melun.

2RAJA-RAJA 17:8

ma ala tunga ha'da tataok neme leoina, fo Manetualain usi henis nai lelek leoina Israel-la, ala tutulumatak, fo latee-lata'ti loo leoina sila-la. Leoina Israel-la tunga ha'dak, fo mane-manek Israel-la laketuk-ka,

2TAWARIKH 28:3

boema ana hotu boomenik nai Bafak Hinom-ma. Nakalenak ana tunu-hotu anamanen-na da'di leo tutunu-hohotuk neu sosongo-tatangok, tunga ha'da-tatao mangalauk neme hataholi-hataholi fo Manetualain usihenis leme nusa Kanaan-na nai lelek hataholi Israel-la masok leo nusak ndia dalek leu.

2TAWARIKH 36:14

Fe'ek neme ndia mai, Manetualain Uman fo Manetualain mesak-kana nde taon da'di Uma hehelik ba'eneun-na, mauli-malangan Yehuda-la, imam-imam-mala, ma laun-nala taon langgenggeon, nanahu ala tunga sene-do'ok neu sosongo-tatangok, ma ala tunga leoina manai sila titia-tatain-nala, maso'da masala-masingo-nala.

YEREMIA 10:2

Manetualain nafa'da nae, “Boso na'da leoina fe'ek-kala ha'da tataon, ma mita ta'du tana nai lalai-a, fo leoina sila bii-mamata'u soona boso nggenge.

IMAMAT 18:30

Boema, Manetualain nafa'da nae, “Tunga Au fe nakanenetek-kala leona, fo boso nanadulak neme hataholi fo ala leo lakahuluk neme emi nai dae Kanaan-na, tatao-nono'in-nala. Boso tao manggenggeo o aoinam-ma mesak-kana, nenik tatao-nono'ik sila-la. Au, fo emi Manetualain.”

ULANGAN 20:18

Taomisas, fo ela ala boso tao-la emi, masala-masingo neu emi Manetualaim-ma, nenik lanoli emi tao tatao-nono'ik fo nanamaluak, ba'eneu sila lamatua daebafak-na.

ULANGAN 9:4

Emi boso dudu'a-dodoo nai emi dalem dale mae, metema emi Manetualaim-ma usihenis leme emi matam-ma mai, hu kande emi tatao-nono'i malolem-ma, ma lilineka neu Manetualain no emi masok fo mangatuu-ma, nusak ndia, ta se'kona hu kande leoina ndia, tatao-nono'i mangalaun-na, de emi Manetualaim-ma usihenis leme emi matam mai, ma Manetualain soi poi emi ho'i ma daen-nala hu kande nau tao natetu hala hehelun-na, no emi bei-ba'i kaim-mala fo nde, Abraham, Isak ma Yakob.