ULANGAN 18:18 - Susula Malalaok Hehelu Palak Ma Hehelu Beuk

¹⁸ Neukose, Au fes nabi esa sama leo o, neme sila leoinan mai. Neukose, Au afa'dan hata fo, muse ana nafa'dan, boema neukose, ana nanduku-nalosak-kana neu leoina ndia, basa hata lala'en fo, Au paleta neun-na.

ULANGAN 18:18 ပူးပေါင်းရင်းမြစ်များ

MAZMUR 110:4

Manetualain soo basa so, de neukose, “Ana ta hela falik hehelu-balataan fo nae, O nde imam losa dodoon-na, sama leo Melkisedek.”

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

KELUARAN 4:12

Besak ia, muu leona, te neukose Au tulu-fali o, fo o kokolak, ma Au anoli o, hata fo o muse mafa'dan.”

KELUARAN 4:15

Kokolak moon, fo mafa'dan hata fo muse ana kokolak-kana. Neukose Au tulu-fali ma Au anoli emi dua, hata fo emi muse kokolak ma tao-no'in.

YESAYA 50:4

Manetualain Fo Mademaina, nanoli au kokolak, fo ela au hala-kokolang natetea-nahehele hataholi manasota-manguk-ka. Tunga-tunga fafain-na, Ana fafae nafo'a au dale hihiing-nga soaneu au amanene, nanolin ba'eneu au-a.

YESAYA 51:16

Au nde akapepela lalai-a ma manape'da daebafak-ka buin-na. Au afa'da neu Sion ae, Au anang-nga nde o; Au fe Au nanoling-nga, neu o, ma Au asulu-ahapa o, nenik Au koasang-nga.”

YESAYA 51:4

Hai Au leoinang-ngala lemin, taoafik neu Au halang-nga, hai Au anang-ngala lemin, mamanene Au hala-kokolang, Au fe Au nanoling-nga neu leoinak-kala, neukose Au hoholo-lalaneng nasala nalas

YEREMIA 1:9

Basa ndia boema Manetualain look liman-na mai, de nafaloe au bafang-nga, boema nafa'da nae, “Mamanene leona, fo po'a-benga dede'a-kokolak fo, Au afa'dak ia-la.

HOSEA 12:14

Manetualain nadenu nabi esa, fo noo hataholi Israel-la kalua leme Masir, mamanak fo ala da'di ata, ma soaneu naneas.

AMOS 2:11

Au hele basa emi anam de'ubee fo ala da'di nabi, ma emi hataholi muli-solum de'ubee fo ala da'di Nazir. Hai hataholi Israel-la lemin? Ade, dede'ak ndia, ta tete'ek-ka fa do? Au, fo Manetualain nde manakokolak-ka.

MALEAKHI 3:1

Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”

BILANGAN 12:13

Boema, Musa naloo bou-bou neu Manetualain nae, “Ou Manetualain, au dokodoe fo ela-leo been-na, fen lea-hai leona!”

BILANGAN 23:16

Manetualain natongo Bileam, de nafa'dan hata fo, muse nafa'dan, boema nadenun fali ne'un leo Balak neu, fo nanduku-nalosak Manetualain hala hehelun ndia.

BILANGAN 23:5

Boema, Manetualain nafa'da Bileam, hata fo muse nafa'dan, de nadenun fo ana fali ne'un leo Balak neu, fo nanduku-nalosak Manetualain hala hehelun-na neun.

LUKAS 24:19

Boema Yesus natanes nae, “Manda'di beek ndia?” Boema lataa lae, “Manda'dik fo ana da'di neu Yesus fo hataholi Nazaret ndia. Hataholi ndia Nabi esa. Hala-kokolan ma tatao-nono'in nanuu koasa matuaina, nau tunga Manetualain mata memete na, do tunga basa hataholi daebafa ka mata memete na boe.

YOHANIS 1:21

Boema hataholi sila latane selu kana lae, “Metema leondiak soona, o ia see? Ade Elia ta nde o fa do?” Tehu Yohanis nataa nae, “Ta.” Boema latane la'iesa selu kana lae, “Ade o ia Nabi do?” Yohanis nataa nae, “Ta.”

YOHANIS 1:25

latanen lae, “Metema o ta nde Mane Mana Soi-Tefa ka, ma ta nde Elia, boema ta nde nabi esa boen, na tao le'e de o salani hataholi?”

YOHANIS 1:45

Felipus natongo no Natanael boema, nafa'dan nae, “Ami matongo mo hataholi fo Musa sesei kana nai Manetualain Susula Hoholo-lalanen dale ka, fo nabi la tui-benga ka. Hataholi ndia nde Yesus neme Nazaret, fo Yusuf ana na.”

YOHANIS 12:48

Hataholi manatipa Au, ma ta nau lamanene Au dede'a-kokolang fa, hapu mana maketu-mala'di na so. Dede'a-kokolak fo Au afa'da kala, neukose neu fai mate'e ka te, dede'a-kokolak sila la nde laketu-lala'di sala.

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

YOHANIS 17:18

Sama leo Ama ka nadenu Au leo daebafa ka ia mai so, leondiak boe, Au adenus leo daebafa ka leu.

YOHANIS 17:8

Ama ka fe Au dede'a-kokola kala, Au afa'da basa-basas neu hataholi la, de ala sipo lalan so. Ala bubuluk basa, tete'e ka Au mai eme Ama ka mai, de lamahele Ama ka nde nadenu Au a.

YOHANIS 4:25

Boema inak ndia nafa'da Yesus nae, “Au bubuluk Manek Mana Fe So'da ka fo loken lae Kristus ndia, neukose Ana mai. De metema Ana mai soona, neukose nafa'da basa hata lala'ena neu ita.”

YOHANIS 8:28

Hu ndia de, Yesus nafa'das nae, “Neme na fo metema emi so'u mamadema Ana Hataholi ka soona, besa ka emi bubuluk mae, ‘Au Nde Ndia, fo lafa'da lae, AU NDE NDIA’, boema besa ka emi bubuluk, te Au ta hapu tao hata esa boen, tunga Au hihii-anau mesa nga fa. Au afa'da ka'da hata fo Ama ka nanolin neu Au a.

HATAHOLI 3:22

Musa nafa'da hai nae, Manetualain fo emi Lamatua ma, neukose nadenu emi hataholim esa da'di nabi neu emi, sama leo nadenu au ia. Emi muse mamanene basa hata, fo nabi ndia nafa'dan neu emi a.

HATAHOLI 7:37

Musa ia boeo, nde Musa fo nafa'da leoina Israe la nae, ‘Neukose Manetualain fe emi nabi esa, fo nanahelek neme emi tala'da mai, sama na leo Ana hele au a.’

ULANGAN 18:15

Nasafalin-na, neukose Ana fe emi nabi esa, sama leo au, fo emi muse tungan.

ULANGAN 33:5

Lelek Israel nakabubua no mauli-malangan-nala, Manetualain da'di manek neu, anan-nala.”

ULANGAN 34:10

Nai Israel, ta hapu seluk nabi sama leo Musa, fo ana kokolak nasasalematak no Manetualain fa.

ULANGAN 5:5

Tehu, hu kande emi bii ha'i, ma emi ta mapalani kae leo letek ndia lain meu fa, de nai lelek ndia, au apadeik nai emi ma Manetualain tala'da, fo au anduku-alosak Manetualain hala-kokolan ndia neu emi. Manetualain po'a-benga nae,

1 TIMOTIUS 2:5

Nana, hapu ka'da Manetualain esa mesa kana, ma hapu ka'da hataholi esa mesa kana nde da'di hataholi tala'dak, soaneu Manetualain no hataholi daebafa ka, fo nde Kristus Yesus.

IBRANI 7:22

No enok ia boe, de Yesus da'di bua nape'dak soaneu hehelu-balataak esa, malole na lena bai.