ULANGAN 18:10 - Susula Malalaok Hehelu Palak Ma Hehelu Beuk

¹⁰ Nai emi dalek, ta bole hapu hataholi esa boen, ana tunu-hotu anan-na, da'di leo tutunu-hohotu nanatunuk fa. Ma ta bole hapu hataholi esa boen, ana da'di hataholi manasiula-tongonok, manasanga ta'du-tana, manapake dede'a-kokolak fo nakahahaik hataholi kamahe'dis, do

ULANGAN 18:10 ပူးပေါင်းရင်းမြစ်များ

KEJADIAN 44:5

Taole'e de emi mamanako meni au Ama Manek nggalaa nininu lilofulan-na? Nggalaas ndia ana paken soaneu ninu ma da'di neu bua siula-tongonok. Emi tao tatao-nono'i mangalauk matuaina so!’ ”

2RAJA-RAJA 16:3

So'da-na sama leo mane-manek Israel-la, nakalenak ana tunu-hotu anamanen-na, da'di leo tutunu-hohotuk neu lamatua daebafak-ka, fo tunga tatao-nono'i manggenggeok-ka, neme hataholi fo Manetualain usihenis, leme nusa Kanaan-na, nai lelek hataholi Israel-la masok nusak ndia.

2RAJA-RAJA 17:15

Israel ma Yehuda, ta nau tunga Manetualain paletan-nala, ma ta lilineka neu hehelu-balataak, fo Ana tao basan no sila bei-ba'ikain-nala fa. Ala ta taoafik neu kekena-kaka'in fa, tehu ala songo neu sosongo-tatangok, sosoa-ndandaa taak-ka, nalosa sila boeo, da'di sosoa-ndandaa taak. Ala tunga leoina manai sila boboan kaisun-nala, ei tata'bun-na, leomae Manetualain kena-ka'i basan so.

2RAJA-RAJA 17:17

Ala tunu-hotu anan-nala, da'di leo tutunu-hohotu nanatunuk, soaneu lamatua daebafak-ka. Ala pake malela makahatuk, ma loke natutu'duk leme hataholi malelak, fo latuti-lanatok loo dula dalek-kala. Ala manggate lanseli, no tao-no'i tatao-nono'ik, fo ta tao namahoko Manetualain dalen-na fa,

2RAJA-RAJA 21:6

Ana tunu-hotu anan-na, da'di leo tutunu-hohotuk nanatunuk. Manasye boeo, ana tao tunga hataholi malelak-kala, manasiula-tongonok-kala tatao-nono'in, ma noke natutu'duk neme dula dalek-kala mai. Nasala-nasingo nanseli neu Manetualain, nalosa ana tao nafo'a nasa-melun.

2RAJA-RAJA 23:24

Soaneu lakalala'ok hoholo-lalanek, fo nanasulak nai susulak fo Imam Matuaina Hilkia hapun neme Manetualain Uman dale-a, de Mane Yosia usi heni basa hataholi manamaloo samanek-kala, hataholi manasiula-tongonok-kala leme Yerusalem, ma leme Yehuda lala'en-na mai, boema ana tapa heni, basa lamatua daebafak-ka, sosongo-tatangon manai uma loo-la dalek, ma bua-lo'as fo ala paken, soaneu sene-do'ok neu lamatua daebafak-ka.

1 TAWARIKH 10:13

Saul maten nanahu ana ta lilineka neu Manetualain, ma ana ta tunga paletan-nala fa. Ana ta noke natutu'duk neme Manetualain mai fa, te noke neme hataholi manamatek-kala dula dalen-na mai. Hu ndia de, Manetualain hukun, de Ana fe kandela manen-na neu Dauk fo Isai anan-na.

2TAWARIKH 28:3

boema ana hotu boomenik nai Bafak Hinom-ma. Nakalenak ana tunu-hotu anamanen-na da'di leo tutunu-hohotuk neu sosongo-tatangok, tunga ha'da-tatao mangalauk neme hataholi-hataholi fo Manetualain usihenis leme nusa Kanaan-na nai lelek hataholi Israel-la masok leo nusak ndia dalek leu.

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

KELUARAN 22:17

Tehu, metema inaanak ndia aman ta nau touk ndia sao anafe'on-na fa soona, touk ndia muse bae doik, de'u anafe'oana matatema esa belin-na.

KELUARAN 22:18

Inak bee siula-tongono soona, muse taonisan.

YESAYA 47:13

O sota-mangu, nanahu nanoli-nafa'da makadotok-kala. Madenu manasiula-tongonok-kala, ala mai soi-tefa-la o; sila fo, manapalisak matalolole, lalai-a lala'en-na, ma manamanolin-nduuk-kala, ma nai tunga-tunga bula beuk lafa'da memak hata fo neukose ana da'di neu o.

YEREMIA 27:10

Ala ke'di emi ndia fo tao kande lo ladok emi neme emi nusa-namom mai. Neukose Au usi adook emi neme emi nusa-namom mai de neukose emi tu'da-monu.

YEREMIA 27:9

Boso mamanene neu nabi-la do see ndia boe fo ana kena-ka'i emi fo boso makaluu-makatele neu manek Babel-la, leomae lafa'da lae, ala sipo ntutu'duk neme me'i-afek, do duladalek mangana'uk, do ala pake be'i-balakaik matabeuk.

YEREMIA 32:35

Ala tao mei tunu-hotuk soaneu Baal-la nai Bafak Hinom, ma ala tunu-hotu anan-nala neu lamatua debafak Malokh. Te sekona Au beita adenus ala tao dede'ak ndia lai esa boen, nakalenak beita da'di nai Au dudu'ang dale lai esa boen nae, neukose ala tao tatao-nono'i mangalauk ndia, de tao-la hataholi Yehuda-la lasala-lasingo.”

YEREMIA 7:31

Ala lapadedeik mei tunu-hotuk esa, nai Bafak Hinom-ma, soaneu ala tunu-hotu anan-nala, da'di leo tutunu-hohotu nanatunuk. Te se'kona, Au beita adenus tao dede'ak ndia fa, nakalenak, au beita dudu'a-dodoo la'e dede'a matak leondiak-ka fa.

IMAMAT 19:26

Boso mi'a paa daa. Boso pake mo'do-akidok, do da'di manasuangi.

IMAMAT 19:31

Boso meu sanga malelak nai hataholi malalelak-kala, fo kokolak moo hataholi manamatek samanen-nala. Metema, emi tao tataos ndia soona, emi da'di hataholi manggenggeok. Au nde emi Amam Manetualaim-ma.

IMAMAT 20:6

Hataholi fo neu sanga malelak nai hataholi malelak, fo ana kokolak no hataholi manamatek samanen soona, neukose Au hukun, ma Au ta sipok-kana da'di Au anang so'on.

MIKHA 5:12

Neukose Au tao akalulutuk emi dodoki-dudulam-mala, ma emi lutu batu sosongo-tatangom-mala; neukose emi ta sene-do'ok neu buas fo emi tao aom ndia so'on.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

HATAHOLI 19:19

Ma hataholi mana pake mo'do-akidoo kala, ala tao lakabubua sila susula mo'do-akidoo nala de ala hotuhenis nai hataholi makadoto kala matan. Metema leke basa susulak sila la beli na soona, fafa'kama doi fulak lifun limahulu.

HATAHOLI 8:9

Nai kota ndia, hapu touk esa na'de Simon. Nai faik de'ubee dale na, ana tao na hataholi la langan beekale, hu ka nde malela suangi na. Nafa'da hataholi la nae, ndia hataholi malela ina.

GALATIA 5:20

nai sosongo-tatango ka dalek, ma suangi a dalek; nai esa musu no esa, nahote ka, ta nau hataholi lena fan, namanasa lai-lai, ma paluu ka'da ao ina na mesa kana; nasi'da-naba'e ka, ma nok ia nok naa,

ULANGAN 12:31

Emi boso nana dulak neme leoina sila-la, sene-do'on neu sila lamatua daebafak fe'en-nala, fo emi paken soaneu sene-do'ok neu emi Manetualaim-ma, nana sila sene-do'ok nenik tatao-nono'i manggengeok fo, Manetualain nape'da dale nasak tatao-nono'ik ndia fa. Lena-lenak, ala tunu sila ana bongin-nala, nai sila mei tunu-hotun lain, da'di neu tutunu-hohotuk soaneu sila lamatua daebafak-nala.

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

SEMUEL SUSULAK-KA ESAN-NA 28:3

Mate basa Semuel so, de Israel-lala'en-na kii-makaleleun, basa boema, latoin nai Rama, fo Semuel kotan-na. Teuk de'u bee maneuk-ka, Saul usi heni basa manasiula-tongonok-kala, ma hataholi manamaloo nalelak samanek-kala lema Israel mai.

SEMUEL SUSULAK-KA ESAN-NA 28:7

Hu ndia de, Saul kokolak no basa hataholi mana'a ngga'din-nala nae, “Sanga-ma, ina manamaloo nalelak samanek esa, fo au sanga u oken natutu'duk.” Boema, lataa lae, “Hapu hataholi malelak leondiak-ka, nai En-Dor.”

SEMUEL SUSULAK-KA ESAN-NA 28:8

Boema, Saul pake-nggao sama leo laun-na papake-ngganggaon, fo ela hataholi boso nalelak-kana. Touk dua tungan, de ala la'o, de le'odae boema, ala losa ina malelak ndia uman. Boema Saul nafa'da ina malelak ndia nae, “Maloo hataholi fo au sanga afa'da na'den-na ia, samanen-na, fo moken nafa'da memak, hata fo neukose ana da'di.”

SEMUEL SUSULAK-KA ESAN-NA 28:9

Boema, inak ndia nataa nae, “Tao leo bee-o, Tuan boeo bubuluk mae, Mane Saul-la usiheni basa manasiula-tongonok-kala, ma manamaloo nalelak samanek-kala neme Israel mai so. Tao le'e de, Tuan so'ba tao soe au, nalosa ala taolisa au?”