ULANGAN 17:20 - Susula Malalaok Hehelu Palak Ma Hehelu Beuk

²⁰ Metema, ana lees matalololen soona, neukose ana ta tatao oan nae ndia malole lena neme hataholi fo, sila leoina esa, ma neukose ana ta la'olena Manetualain paletan-nala, no enok leobeek ndia boe. Boema, ndia no tititi-nonosin-nala, neukose ala paleta leoinan, neme bobongik leo bobongik neu.”

ULANGAN 17:20 ပူးပေါင်းရင်းမြစ်များ

2 SEMUEL 22:23

Au taoafik neu basa hoholo-lalanen-nala, ma au akalala'ok paletan-nala.

1RAJA-RAJA 11:34

Leomae leondiak boe, neukose Au ta ho'i a la'iesak nusak ndia neme ndia mai fa. Neukose Au po'ilota kana ana koasan-nai fai maso'da na dalek. Au tao dede'ak ndia, nanahu Au atang Dauk, fo Au hele basan so, ma ana tunga Au hoholo-lalaneng ma Au paletang-nga la.

1RAJA-RAJA 11:36

Tehu Au ela leo esa soaneu ndia, fo ela hapu hataholi esa neme Au atang Dauk tititi-nonosin mai, fo ana paleta soaneu Au nai Yerusalem tataas esa, kota fo Au hele basan da'dileo mamana hule-haladoik neu Au.

1RAJA-RAJA 15:3

Abiam tao sala-singok sama leo aman. Ana ta lilineka no dalek-katema tua na neu Amak, fo Manetualain na fa, ndia fe'ek no Dauk fo ba'i nelu na.

1RAJA-RAJA 15:5

Manetualain tao dede'ak ndia hu kande Dauk tao namahoko dalen-na so. Ta la'iesa boen fo Dauk la'olena Manetualain paletan-nala fa, ta'da fe'e nai Uria fo hataholi Het ndia, dede'a na dalek.

1RAJA-RAJA 2:3

Tao-no'i hata fo o Manetualain paletan neu o. Tao tunga basa hoholo-lalanen ma paleta-paletan fo nanasulak nai Musa susulan dale, fo ela o muu leo bee muu boeo neukose o hapu buna-boak nai o tutunga-sasangam lala'en-na dalek.

2RAJA-RAJA 14:10

O, fo Amazia, manako'ao-ndaeaok, nanahu o sengi hataholi Edom-mala so. Nah, ade sesengik ndia, dai so hetu? Malole lenak, o meme ka'da uma! Sosoak hata, sanga dede'ak, fo neukose, ka'da nini soe fe o, ma o laum-mala?”

2TAWARIKH 25:19

O, Amazia, o kokolak dede'a me'i-afek mae o sengi hataholi Edom-mala so, tehu malole lenak o mahele ka'da uma. Sosoak hata o sanga ka'da dede'ak fo neukose o tao soe o aoina-ma ma o laum-mala?”

2TAWARIKH 26:16

Lelek manek Uzia natea-nahele boema, ana da'di manakoao-ndaeaok, de koao-ndaeaon ndia nde tao nakalulutuk-kana. Ana la'o lena Manetualain paletan-na, nanahu neu leo Manetualain Uman dale neu fo ana hotu boomenik nai mei tunu-hotu boomenik lain.

2TAWARIKH 33:12

Nai doi-doson-na dalek, besak-ka ana nakaloe-nakadae aoinan-na neu Manetualain ma ana hule-haladoi noke tutulu-fafalik neun.

2TAWARIKH 33:19

Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.

2TAWARIKH 33:23

Tehu, Amon ta sama leo aman fa, ana ta nakaloe-nakadae aoinan-na ma ana ta fali leo Manetualain mai fa; nakalenak ana nasala-nasingo lena neme aman mai.

2TAWARIKH 34:27

o tukatei-saledale, ma o makaloe-makadae aoinam-ma nai Au matang. Au fe basa nasanene'dak mahelek soaneu huku Yerusalem no laun-nala, tehu nai lelek o mamanene la'eneu Au hala nasanene'da maheleng ndia boema, o kii ma o sii sii-lulu'i o bua-lo'a papakem-ma da'di leo ta'du-tana dale he'dik. Au amanene o huhule-haladoim so,

MAZMUR 119:102

Au ta afandele heni, O hoholo-lalanem fa, nana, O nde manoli au-a.

MAZMUR 132:12

Metema, O anam-mala lilineka neu Au hehelu-balataang, ma tunga Au paletang-ngala, soona sila tititi-nonosin nggati o, da'di leo manek, losa dodoon-na.”

MAZMUR 19:11

Manetualain hoholo-lalanen, belin-na lena heni lilopilas isik-ka makeen-na lena heni fanioe isik-ka.

AMSAL 10:27

Fe ha'da-holomata neu Manetualain soona, neukose o maso'da maladook-ka; hataholi mangalauk-ka maten, te fain-na beita losa fa.

AMSAL 27:24

nanahu su'i-betes-sa, neukose manasapu-manalalok, nakalenak koasa soaneu paleta boeo, neukose ta nahele losa dodoon-na fa.

PENGKHOTBAH 8:13

Nasafalin-na, hataholi mangalauk-ka hapu toto'a-tataak makadotok. So'dan-na sapu-lalo no lai-laik, sama leo salaok-ka. Neukose ana matenulak nanahu ana ta tunga ndia Manetualain-na fa.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

HABAKUK 2:4

Mafandendelek te, hataholi mangalauk-ka, neukose ta naso'da fa, tehu hataholi manatao tunga Manetualain hihii-nanaun-na, neukose naso'da, nanahu ana lilineka neu Manetualain.”

2 KORINTUS 12:7

Tehu fo ela au boso koao-ndaeao anseli hu ka nde ninitak matuaina sila la, de au hapu he'dis matak esa nai au ao paa nga. Da'dileo Nitu nadedenu na, he'dis ndia nanahaituak soaneu ana tao na au doidoso fo ela au boso koao-ndaeao.

ULANGAN 12:25

Metema, emi tunga paleta sila-la soona, neukose Manetualain namahoko, de emi moo emi tititi-nonosim-mala, neukose maso'da no tetu-temak.

ULANGAN 12:28

Metema emi taoafik matalolole neu basa hata lala'en fo, au paletan neu emi, soona emi tao tatao-nono'i malole fo nandaa no emi Manetualaim-ma dalen-na, nalosa emi moo emi tititi-nonosim-mala, so'da-molek ma tetu-temak, losa dodoon-na.”

ULANGAN 12:32

Tao-no'i basa hata lala'en fo, au paletan neu emi; boso popo-tama do ho'i heni faa anak boen.

ULANGAN 17:11

Sipom-ma, sila nakeketun-na, fo maketun tunga sila nakeketun-na, losa dede'a anak-kala boe.

ULANGAN 4:2

Emi boso popo-tama seluk paleta neu au fe emi paleta-la, do tao mamopo paleta sila-la esa boen. Tunga emi Manetualaim-ma paletan fo au fen neu emi ndia.

ULANGAN 5:32

Tolano-tolanoong-ngala lemin, tunga no dale katematuak, neu basa hata fo emi Manetualaim-ma paletan neu emi. Boso la'olena paleta sila-la esa boen.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

SEMUEL SUSULAK-KA ESAN-NA 10:25

Basa boema, Semuel nafa'da mangalele'do leoina ndia, la'eneu manek-ka hak-ka ma bela-ba'un, boema ana sulak-kana nai susulak fo nanape'dak nai mamana malalao-malalafuk-ka dalek. Basa ndia boema, Semuel nadenu leoina ndia lala'en-na, fali le'us leo esa-esak uman neu.

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”