ULANGAN 17:18 - Susula Malalaok Hehelu Palak Ma Hehelu Beuk

¹⁸ Metema, dooei basa hataholi esa da'di manek soona, ana muse fen susulak esa, isin-na Manetualain hoholo-lalanen, fo hoholo-lalanek sila-la nanasalin neme imam Lewi-la pe'da susulak-kala mai.

ULANGAN 17:18 ပူးပေါင်းရင်းမြစ်များ

1RAJA-RAJA 2:3

Tao-no'i hata fo o Manetualain paletan neu o. Tao tunga basa hoholo-lalanen ma paleta-paletan fo nanasulak nai Musa susulan dale, fo ela o muu leo bee muu boeo neukose o hapu buna-boak nai o tutunga-sasangam lala'en-na dalek.

2RAJA-RAJA 11:12

Basa ndia boema, Yoyada no Yoas leo deak leu, boema ana tao ti'ilanga manek-ka neu Yoas langan lain, ma ana fen Manetualain susula Hoholo-lananen. Yoas nanandoo eik da'di leo manek, de ala po'a-benga dede'ak ndia, neu laun-na. Basa-basas totoko liman-nala, ma eeki-latadale lae, “So'dak ba'eneu manek-ka!”

2RAJA-RAJA 22:8

Boema Safan nanduku-nalosak manek-ka paletan ndia neu Hilkia, boema Hilkia tui Safan nae, ndia hapu falik Manetualain susula hoholo-lalanen, neme Manetualain Uman-na so. Hilkia fe susulak ndia, leo Safan neu, de Safan lees-sana.

2TAWARIKH 34:15

Hilkia nafa Safan nae, “Au hapu Manetualain susula hoholo-lalanen nai Manetualain Uman,” boema ana fe susulak sila-la leo Safan neu.

ULANGAN 31:9

Boema Musa sulak-na Manetualain Fo Manakoasa hoholo-lalanen, de ana fen leo imam Lewi fo, ana hapu bela-ba'uk soaneu ana ito-ato Peti Hehelu-balataak-ka, ma ana fen neu basa mauli-malangan Israel-la.

YOSUA 1:8

O muse lees fe Au anang-ngala susula hoholo-lalanek ndia tataas esa. Manoli susulak ndia isi-liin lele'do-le'odaen, fo ela basa hata fo nanasulak nai dalek, o makalala'ok-kana tataas esa. Metema o tao basa sila-la soona, neukose o so'dam-ma tetu-temak, ma o ue-le'dim, neni buna-boak.