ULANGAN 17:16 - Susula Malalaok Hehelu Palak Ma Hehelu Beuk

¹⁶ Manek-ka, ta bole nanuu ndala ba'uk-ka, fo ana fe solda'dun-nala, ma ana ta bole nadenu leoina ia fo, leu asa ndala nai Masir fa, nanahu Manetualain nafa'da, nae Ndia anan-nala, ala ta bole fali-le'us leo nusak ndia leu so'on.

ULANGAN 17:16 ပူးပေါင်းရင်းမြစ်များ

2 SEMUEL 8:4

Dauk foo neni solda'du manasa'e ndalan lifun esa natun hitu, ma solda'du manala'o eik, lifun duahulu. Ana ke'di ketu basa ndala-la, ei pipiin-nala, tehu ana ela ka'da ndala natun esa, fo ala hela nggalobak musu-la.

1RAJA-RAJA 1:5

Nanahu Absalom maten so, boema Adonia, fo Dauk ana mane nomel duan-na da'di ka'ak. Inan na'de Hagit. Adonia nde been-na hataholi fo ao na makadelek ma mana'ahiik. Aman ta namanasa nita fan metema ana tao salak. Adonia nahiik nanseli da'di manek, boema ana sadia na kaleta musu makadotok ma solda'du manasa'e ndala boema hataholi manamanea ndia, limahulu.

1RAJA-RAJA 4:26

Salomo nanuu solda'du manasa'e ndala lifun sanahulu dua ma ndala manahela kaletan-nala, lalae lifun haahulu.

1RAJA-RAJA 5:6

Tuan bubuluk basa mae nai au laung-ngala dalek, ta hapu manalo'o manatee-tenok ai sama leo Tuan laun-nala fa. Hu ndia de, au dokodoe ela leo been-na Tuan nadenu Tuan hataholin-nala lo'o fe au ai kaiou Libanon. Neukose au adenu au lau ngala leu tulu-falis, ma Tuan naketu basa ngga'di-a ba'ubee soaneu Tuan hataholin sila-la, neukose au bae.”

2TAWARIKH 1:16

Tunga manadangan fo manafali manek-ka, ndala-la nanahaituak neme Masir ma Kewe mai,

2TAWARIKH 9:25

Manek Salomo-a boeo nanuu lalae lifun haa soaneu ndala ma kaletan-nala. Ndala musun lifun sanahulu dua. Ana pe'da seli nai Yerusalem ma lenan-na ana pe'das lai kota manai ofa seseek-kala soaneu kaleta musun-nala.

MAZMUR 20:7

Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

KELUARAN 13:17

Manek Masir-ra, ana po'i basa leoina Israel-la la'o boema, Manetualain ta noos tunga enok manatunga nusa Filistin-na fa, leomae enok ndia eno tetepak. Manetualain dodoo nae, “Boso nalosak hataholi sila-la lasasale dale, metema ala bubuluk, lae sila muse latee-lata'ti, boema ala fali le'us leo Masir leu.”

KELUARAN 13:18

Hu ndia de, Manetualain noos tunga enok-ka naleo, fo ala tunga moo solokaek-ka, de leu leo Tasi Gelagah leu. Nai lelek, hataholi Israel sila-la la'oela Masir-ra, ala ho'u tee-tafa sama leo sanga leu latee-lata'ti.

KELUARAN 14:13

Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

YESAYA 2:7

Nusan-na henuk no lilofulak ma lilopilas, ma ta hapu leke-nala hata-heton-nala fa. Ndalan-nala makadotok nanseli ma ta hapu leke-nala kaletan-nala dede'un-na fa.

YEREMIA 42:19

Boema Au afa'da seluk ae, “Manetualain paleta basa so, fo ela emi fo bei elak manai Yehuda, ta bole meu lo Masir fa. Hundia de, besak ia Au fe emi nasanene'dak

YESKIAL 17:15

Tehu mane Yehuda lena-la'ban, boema nadenu hataholi neu leo Masir neu, fo mane Masir-ra fen ndala ma solda'du makadotok. Tehu, ade ana hapu buna-boan do ta? Ade, nadenu hataholi-la, laso'da do ta? Hataholi manamalelesi hehelu-balataak-ka, muse hukun!

HOSEA 11:5

Hataholi Israel sila-la, ala ta nau fali ma'is leo Au mai fa, hu ndia de, muse ala fali le'us leo Masir leu, fo neukose leoina Asyur-ra paletas.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

MIKHA 5:10

Kota-kota makota musu manai emi nusam-ma, neukose Au tao akalulutuk-kasa, ma Au tao andefa heni basa emi kota musum-mala.

ULANGAN 28:68

Neukose, Ana fe emi sa'e ofak fo, fali seluk leo Masir meu, leomae Ana nafa'da basa nae, neukose emi ta fali seluk leo naa meu so'on. Neukose, emi mase'o emi aoinam-ma nai naa, soaneu da'di ata neu emi musum-ma, tehu hapu hataholi esa boen, fo ana nau asan-na emi fa.”

SEMUEL SUSULAK-KA ESAN-NA 8:11

“Mahani te, emi manem-ma neukose ana paleta leoiak neu emi,” boema Semuel nafa'da mangalele'don nae, “Neukose nakaseti emi anam-mala da'di solda'du; nggelok da'di solda'du manasa'e kaleta, nggelok da'di solda'du manasa'e ndala, ma nggelok da'di solda'du manala'o eik.