ULANGAN 17:12 - Susula Malalaok Hehelu Palak Ma Hehelu Beuk

¹² Su'di see fo, ana napalani la'ban manakee-manafula ma imam-mala nakeketun-na soona, muse hukunisa hataholi ndia; no enok ndia, emi hapu tao mamopo tatao-nono'i mangalauk ndia, nai Israel.

ULANGAN 17:12 ပူးပေါင်းရင်းမြစ်များ

EZRA 10:8

Ba'eneu see, fo nai faik telu dalen-na, ana ta mai fa soona, neukose ala sita-la basa hata-heton lala'en-na, ma ala ta sipok-kana da'di laun so'on. Mauli-malanga laun-nala, limalee paleta ndia.

MAZMUR 19:13

Ta hapu hataholi, nameda aon matofa-matalan-na fa; Manetualain, soi-po'i au neme salak fo nananafunik-ka mai.

AMSAL 21:11

Huhukuk ba'eneu hataholi manahakinonolik-ka, da'di nanolik ba'eneu hataholi nggoak-ka, ma metema, fe hataholi manatee-tenok-ka nanolik soona, neukose ana hapu malelak.

HOSEA 4:4

Manetualain nafa'da nae, “Hai basa imam-mala lemin, esa boso fe salak neu esa, do mamanasa Au anang-ngala, nana emi nde, Au fe salak-ka dei!

ZAKHARIA 3:7

“Metema o tao tunga Au hoholo-lalaneng, ma o makalala'ok Au fe o bela-ba'uk-ka, soona o bole da'di mauli-malangan nakandondoo henin, nai Au Umang dale, ma o ito-ato uma so'dan-na. Neukose Ao amanene o hule-haladoim-mala, sama leo Au amanene basa ata nusa so'dak manadeka loo Au-a, huhule-haladoin-nala.

BILANGAN 15:30

Tehu metema, hataholi Israel esa, do hataholi nusa dea esa, ana bubuluk nakanenetek-ka, tehu ana tao sala-singok soona, ndia nana'de nakadadaek Manetualain. Soona muse hukunisa hataholi ndia,

BILANGAN 15:31

nanahu ana la'ban Manetualain, ma ana bubuluk Manetualain paletan-na, tehu ana la'olenan. Soona hataholi ndia mate, nanahu salan-na.

MATEOS 10:14

Makanaema hapu uma do kota esa, ala ta nau sipok emi, do ala ta nau lamanene emi tutui-bebengam fa soona, la'oela mamanak ndia, tehu ngganggafu heni afu manai emi ei dale ma.

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

YOHANIS 12:48

Hataholi manatipa Au, ma ta nau lamanene Au dede'a-kokolang fa, hapu mana maketu-mala'di na so. Dede'a-kokolak fo Au afa'da kala, neukose neu fai mate'e ka te, dede'a-kokolak sila la nde laketu-lala'di sala.

YOHANIS 20:23

Metema emi fe do'o do ampon neu hataholi esa sala-singon soona, Manetualain boeo fe do'o do ampon neu hataholi ndia fa. Metema emi ta fe do'o do ampon neu hataholi esa sala singon fa soona, Manetualain boeo, ta fe do'o do ampon neu hataholi ndia fa.”

ULANGAN 1:43

Au anduku-alosak hata fo Manetualain nafa'dan ndia neu emi, tehu emi ta taoafik neu fan. Emi lena-la'ban Manetualain paletan-na, nenik koao-ndaeaok emi meu leo dae letelepak ndia meu.

ULANGAN 10:8

Nai lelek bei leme letek-ka ndia, Manetualain hele hehelik hataholi Lewi-la, fo ala ito-ato Peti Hehelu-balataak-ka, ma lalalau-laoono Manetualain, boema ala kokolak baba'e-papalak nenik Manetualain na'den-na. Sila bela-ba'un nde ndia, losa besak ia.

ULANGAN 13:11

Boema, basa leoina Israel-la lala'en-na, neukose lamanene la'eneu kanisak ndia, fo ala bii-lamata'u, nalosa hataholi esa boen, ta napalani tao tatao-nono'i mangalauk ndia so'on.

ULANGAN 13:6

Metema, emi tolanom, do emi anatoum do anainam, do emi saoina susue-lalaim-ma, do emi tia-laim-mala, no denge-dengek, ala fufu'di-oodok emi, fo sene-do'ok neu lamatua daebafak fe'ek-kala, fo emi beita malalelak-kasa, ma emi bei-ba'i kaim-mala boeo beita lalelak-kasa fa, leoina fo manaleo deka do manaleo lai dook-ka, lamatua daebafak-nala,

ULANGAN 17:13

Basa hataholi fo, lamanene la'eneu manada'dik dia, ala bii-lamata'u lanseli, nalosa ta hapu seluk hataholi, napalani tao tatao-nono'ik leondiak-ka so'on.”

ULANGAN 17:7

Basa sakasii-la, nde tapa batu makasososak-ka neu hataholi ndia, fo besak-ka laun-na lala'en-na. No enok ndia, emi hapu tao mamopo, tatao-nono'i mangalauk ndia.

ULANGAN 18:20

Tehu metema, nabi esa, ana napalani nanduku-nalosak hala-heheluk esa, fo ana pake Au na'deng-nga, te se'kona, Au ta adenun ana tao leondiak fa soona, muse taonisan; leondiak boe, ba'eneu nabi fo, ana kokolak pake lamatua daebafak fe'ek-kala na'den-nala soona, muse hukunisas.’

ULANGAN 18:5

Neme basa leo-leo manai Israel-la mai, emi Manetualaim-ma, Ana hele basa leo Lewi-a, da'di imam losa dodoon-na so.

ULANGAN 18:7

ana bole nalalau-naoono ndia Manetualain da'di leo imam, sama leo hataholi Lewi fe'e-fe'ek fo, manamalalau-maoono manai mamanak ndia.

1 TESALONIKA 4:2

Nana emi bubuluk basa natutu'duk-natutu'duk fo, ami fe basan neu emi, ninik Lamatuak Yesus koasa na so.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

1 TIMOTIUS 5:20

Hataholi mana tao sala-singo ka, muse kena-ka'in nai basa salani kala matan, fo ela salani fe'e kala, ala bii.

YOSUA 1:18

Basa hataholi, fo ana ta nau nakatele neu o koasam-ma, do ana ta nau tunga o paletam-ma fa soona, neukose nanahukunisak. Ela leo been-na, o mamahele, ma mapalani!”

HAKIM-HAKIM 20:13

Fe hataholi mangalauk maneme Gilead sila-la, leo ami mai, fo ela ami taomisas, fo no enok ndia, ami tao mamopo tatao-nono'i mangalauk ndia, neme Israel tala'da heon mai.” Tehu hataholi Benyamin-nala, ta taoafik neu hataholi Israel fe'ek sila-la, hala-kokolan ndia fa.

SEMUEL SUSULAK-KA ESAN-NA 3:13

Au afa'da basan ae neukose Au huku teidale-bobongin-na losa dodoon-na, nanahu anan-nala lakamumulu-lakamamaek basa Au so. Eli bubuluk sila sala-singon ndia, tehu ta namanasa fas.