ULANGAN 16:3 - Susula Malalaok Hehelu Palak Ma Hehelu Beuk

³ Emi muse mi'a tutunu-hohotuk ndia, no loti fo ta pake laluteik fa. Emi muse mi'a loti fo ta pake laluteik ndia, faik hitu dalen-na, sama leo nai lelek no lai-laik emi la'oela dae Masir-ra. Mi'a loti fo loken lae loti doidosok-ka, fo ela nai emi fai maso'dam-ma dalek, emi mafandendelek, faik fo emi la'oela Masir, fo emi mamana doi-dosom-ma.

ULANGAN 16:3 ပူးပေါင်းရင်းမြစ်များ

1RAJA-RAJA 22:27

Madenus fo ala taon leo bui dale neu, ma fen na'a ma ninu ka'da faa anak mesan, losa au falima'i nga no so'da-molek.”

MAZMUR 102:9

Fai katemak esa dalen-na, musu-a nakamumulu-nakamamaek au; hataholi fo lamanasa au-a ala tao au na'deng-nga, da'di na'dek nanasupa-sook.

MAZMUR 111:4

Manetualain ndia, manasue ma manalai, Ana tao tatao-nono'ik fo, dodoo doak-kana, fo ela ita tafandendelek tahelen.

MAZMUR 127:2

Palsuma la'iesak-kana, puselaipana no ue-le'dis, fo sanga so'dak-ka, fo'a fafaik, ma sungu fatila'dak; nana nai lelek ala bei sungu, Manetualain sadia basan ba'eneu sila fo Ana sue-lain so.

KELUARAN 12:11

Nai lelek emi mi'a, emi muse pake-nggao memak, soaneu leo-la'o, pake ta'bueis ma ho'u aitete'ek. Emi muse mi'a lai-lai. Ndia nde feta Paskah soaneu fe ha'da-holomata neu Au, fo Manetualain.

KELUARAN 12:17

Nai faik ndia, Au o la'iesak o leoinam-ma, kalua leme Masir mai. Hu ndia de, tunga teun, emi muse tao faik ndia da'di faik nasanene'dak, da'di neu fai malole, losa dodoon-na.

KELUARAN 12:39

Ala tunu loti fo kamen ta pake laluteik fa, fo leni ha'desopu nanakamek ndia neme Masir mai. Nana ala usi henis no kaiboik leme nusak ndia mai, nalosa ala ta hapu loak tao tua-lepa fa.

KELUARAN 12:8

Le'odaek ndia boe, muse dala paan-na, fo la'an no aidoo makaheduk ma loti fo kamen ta pake laluteik fa.

KELUARAN 34:18

Tao feta Loti Fo Ta Pake Laluteik fa. Sama leo Au paleta basan neu emi so, de emi muse mi'a loti fo ta pake laluteik, faik hitu dalen-na nai bulak Abib dale, nanahu nai bulak ndia dalen-na, emi la'oela Masir.

YESAYA 52:12

Neukose emi ta makalupu lala'ok fa, ma ta sama leo, hataholi manamalaik-ka fa. Nana, neukose Manetualain hela-nole emi; Israel Manetualain-na, neukose nasulu-nahapa emi, neme bu'u-bu'uk lala'en-na mai.

IMAMAT 23:6

Balahaa, fo bulak-ka fain 15 soona, mulai tao fai malole Loti Ta Pake Laluteik-ka, ma nai faik hitu dalen-na, emi ta bole mi'a loti fo taon pake laluteik fa.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

BILANGAN 28:17

Balahaa, fo bulak-ka fain sanahulu lima soona, mulai Feta Loti fo ta pake Laluteik-ka, de na faik hitu dalen-na, emi ta bole mi'a loti fo taon pake laluteik fa.

BILANGAN 9:11

Tehu muse tao feta ndia, nai bula manamaik-ka, fo nai hataholi Yahudi-la bula ka dua-na fain sanahulu haa le'odaen-na. Tao feta faik ndia nenik mi'a paa bi'ilopo Paskah, ma mi'a loti fo ta pake laluteik fa, ma aidoo makahe'duk.

LUKAS 22:19

Basa ndia boema Yesus ho'i na loti a. Ma Ana hule-haladoi noke makasi basa neu Manetualain, Ana tete'i loti ndia ninik lima na, boema Ana fen neu ana manatunga nala ma nae, “Ia nde Au ao paa nga fo nanafe henik soaneu emi. Tao-no'i ia leona, soaneu mafandendelek Au.”

1 KORINTUS 5:8

Da'di mai fo ata teu tao ita fetan ndia, ninik loti lalutei ta ka, fo nde loti fo ana dadi ta'du matetu-mandaak esa nae, basa-basan nandaa no Manetualain dale na. Ita boso tao feta Paskah ndia ninik loti fo nanapake laluteipalaak fo nde lalutei sala-singo ka ma tatao-nono'i mangalau ka.

ULANGAN 16:2

Meu leo Manetualain hele mamanak-ka meu, fo do'do emi bi'ihiim bi'ilopom do emi sapim esa, da'di leo tutunu-hohotu Paskah, soaneu fe ha'da-holomata neu emi Manetualaim-ma.

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

1 TESALONIKA 1:6

Emi tunga ami heheo-hihilum, ma Lamatua ka heheo-hihilun. Leomae emi doidoso manseli, tehu emi sipok no namahokok, halak fo ami tui-bengan neu emi a. Namahokok ndia, nanafek neme Manetualain Dula Dale na mai.

YOSUA 4:7

ela leo been-na, emi mafa'das, mae Lee Yarden-na oen-na ma'dan, nai lelek leni Manetualain Peti Hehelu-balatan tunga lee ndia. Batu sila-la, neukose fe nafandendelek tataas esa neu leoina Israel-la, hata fo ana da'di nai ia.”