ULANGAN 16:2 - Susula Malalaok Hehelu Palak Ma Hehelu Beuk

² Meu leo Manetualain hele mamanak-ka meu, fo do'do emi bi'ihiim bi'ilopom do emi sapim esa, da'di leo tutunu-hohotu Paskah, soaneu fe ha'da-holomata neu emi Manetualaim-ma.

ULANGAN 16:2 ပူးပေါင်းရင်းမြစ်များ

2RAJA-RAJA 23:21

Basa boema, Mane Yosia paleta laun-na, fo ala tao feta Paskah, sama leo nanasulak nai susula Hehelu-balataak no Manetualain-na dalek. No enok ndia, ala fe ha'da-holomata neu sila Aman, Manetualain.

2TAWARIKH 35:7

Fo ela hataholi manai feta Paskah ndia hapu tunu-hotu tutunu-hohotu Paskah. Manek Yosia fe tutulu-fafalik neme bana-manun mai, bi'ilopo lifun teluhulu, bi'ilopo ana, ma bi'ihii ana, boema sapi mane lifun telu.

BILANGAN 9:2

“Nai bulak ia fain 14, fo nai lelek le'do-a mulai tenak soona, hataholi Israel-la muse tao feta Paskah tunga nakanenetek fo nananaketu basak so.”

MATEOS 26:17

Nai fai makasososa ka fo nai Feta Loti Lalu Tei Ta ka, Yesus ana mana tunga nala ala mai de latanen lae, “Ama hii ami meu sadia nana'a Paskah nai bee soaneu Ama?”

MATEOS 26:2

“Emi bubuluk bei faik dua seluk soona Fai Malole Paskah, fo neukose Ana Hataholi ka nanafe henik soaneu nanalona-nggangek!”

MARKUS 14:12

Nai fai makasososa ka, fo nai Feta Loti Lalu Tei Ta ka, nai lelek fo hataholi la do'do bi'ilopo Paskah boema, Yesus ana manatunga nala latane Yesus lae, “Ama nau ami meu sadia fe Ama nana'a Paskah nai bee?”

LUKAS 22:15

Boema Yesus nafa'das nae, “Au ahiik anseli u'a nana'a Paskah ia sama-sama o emi, beidai Au beita doidoso fa!

LUKAS 22:8

Boema Yesus nadenu Petrus ma Yohanis nae, “Meu leona, fo sadia ita nana'a Paskah na.”

1 KORINTUS 5:7

Tu'u-tapaheni makahuluk lalutei palaak ndia, fo nde lalutei sala-singo ka, fo ela emi dadi ha'de sopu nanakame beuk fo balisi neme lalutei sala-singo palaa ka mai, fo daenga au bubuluk ae, memak emi leondiak. Nana ita feta Paskah na nanasadia basak, hu ka nde Kristus nde da'dileo ita bi'ilopo Paskah na, fo nanatunu-hotu basak so.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 12:14

tehu ka'da nai mamanak fo, Manetualain helen nai emi leom esa daen-na. Ka'da nai mamanak ndia nde, emi muse tunu-hotu tutunu-hohotu nanatunuk, ma tao-no'i tatao-nono'ik fo, au paletan neu emi.

ULANGAN 12:18

Emi ma emi anam-mala, sama-sama moo emi atam-mala, ma hataholi Lewi manaleo manai emi kotam-ma, muse mi'a tunu-hotuk ndia, nai emi Manetualaim-ma matan-na, fo nai emi Manetualaim-ma hele mamanak-ka. Ma emi muse mamahoko nai mamanak ndia, nanahu emi ue-le'dim buna-boan lala'en-na.

ULANGAN 12:26

Basa tutunu-hohotuk ma tunu-hotuk lala'en fo emi helu basa, fen leo Manetualain neu, emi muse menin leo mamanak fo Manetualain helek-ka neu.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 15:20

Tunga teuk, emi ma emi teidalem-mala, muse mi'a paan-na nai emi Manetualaim-ma matan, nai mamanak fo Manetualain helek-ka.

ULANGAN 16:1

“Tao feta Paskah nai hataholi Yahudi-la bula Abib-pa, fo fe ha'da-holomata neu emi Manetualaim-ma, nana nai bulak ndia dalen-na, fo le'odae boema, Ana soi-po'i emi meme Masir mai.

ULANGAN 16:3

Emi muse mi'a tutunu-hohotuk ndia, no loti fo ta pake laluteik fa. Emi muse mi'a loti fo ta pake laluteik ndia, faik hitu dalen-na, sama leo nai lelek no lai-laik emi la'oela dae Masir-ra. Mi'a loti fo loken lae loti doidosok-ka, fo ela nai emi fai maso'dam-ma dalek, emi mafandendelek, faik fo emi la'oela Masir, fo emi mamana doi-dosom-ma.