ULANGAN 16:18 - Susula Malalaok Hehelu Palak Ma Hehelu Beuk

¹⁸ “Nai emi Manetualaim-ma fe emi kota-la esa-esak, emi muse so'u manakee-manafula, ma manapaleta, soaneu laketu-lala'di laun-na dede'an-na, no ndoos ma matetuk.

ULANGAN 16:18 ပူးပေါင်းရင်းမြစ်များ

1 TAWARIKH 23:4

Boema neme hataholi sila-la, ana fe hataholi lifun duahulu haa ho'u tatao-nono'ik manai Manetualain Uman na, hataholi lifun nee soaneu ito-ato susulak kalua masok ma manamaketu-mala'di dede'ak kala,

1 TAWARIKH 26:29

Yizhar tititi-nonosin nde: Kenanya boema anan-nala hapu bela-ba'uk da'di nusaina hataholi manasulak susulan-na ma manakee-manafula nai Israel.

EZRA 7:25

Tolanook Ezra, pake manatee-tenok fo, Manetualain fe basan neu Tolanook-ka so, fo so'u mauli-malangan, ma manakee-manafula-la, fo ala paleta basa hataholi manai propensi Efrat Muli, fo laso'da tunga Tolanook-ka Manetualain-na, Hoholo-lalanen. Ela leo ben-na, Tolanook-ka manoli Hoholo-lalanek ndia, neu basa hataholi fo, ala beita bubuluk-kana fa.

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

KELUARAN 21:22

Metema touk de'ubee lahote, de esa tutu la'e ina kailus esa, nalosa ana kalaheni, tehu aoinan-na ta name'da he'dis fa, soona muse fe hataholi ndia nahuta, nandaa no inak ndia saotoun-na nonoken-na, ma muse tunga manakee-manafula nakeketun-na.

KELUARAN 21:6

soona tuan-na muse noon leo mamana makaluku-makatele-a neu. Losa naa soona, ladenu ata ndia napadeik nasala'da mamana makaluku-makatele-a lelesun-na do dii lelesu-a, fo tuan-na so'bo ata ndia di'idoon-na. Soona ata ndia, neukose ana da'di tuan-na atan losa dodoon-na.

AMSAL 31:23

Saotoun-na nde been-na, hataholi nananita-nalelak – fo hataholi esa, neme basa mauli-malangan kota dalek mai.

MATEOS 5:21

“Emi bubuluk ita bei-ba'i kai nala nanoli nala nae leo ia: Boso manisa; ba'e neu see fo nanisa soona, muse huku hataholi ndia.

MATEOS 5:22

Tehu besak ia, Au afa'da neu emi te, ba'eneu see fo namanasa hataholi fe'ek soona, neukose ana hapu huhukuk nai Mana Maketu Mala'di Agama Matua matan. Ma ba'eneu see naseo hataholi nae, ‘Nggoak’ soona, hataholi ndia nandaa tapan leo tasi ha'ik dale neu.

ULANGAN 16:17

tunga ndia hahapu-dadain, nandaa no emi Manetualaim-ma fen baba'e-papalak-ka dede'un-na.”

ULANGAN 16:19

Nai sila nakeketun-na dalek, sila ta bole laketu-lala'di, tunga sila dale hihiin-na fa, do laketu-lala'di no, ala mete matak. Sila boeo, ta bole sipo hata esa nalupa sosolo dalek fa, nanahu sosolo dalek ndia, ana tao napoke hataholi manatee-tenok ma hataholi manatao tunga ndoos ma matetuk-ka, matan-na, nalosa naketu-nala'din-nala ta ndoos ma matetuk fa.

ULANGAN 17:12

Su'di see fo, ana napalani la'ban manakee-manafula ma imam-mala nakeketun-na soona, muse hukunisa hataholi ndia; no enok ndia, emi hapu tao mamopo tatao-nono'i mangalauk ndia, nai Israel.

ULANGAN 17:9

Kalaak emi dede'am ndia, leo imam-mala Lewi-la, ma manakee-manafula fo, manamalalau-maoono manai sila-la, fo ela laketu-lala'din.

ULANGAN 21:2

soona emi mauli-malangan ma manakee-manafulam-mala, leu ukun neme mamates-sa lololin-na, leo kota-kota fo manadeka loo mamates-sa lololin-na.

ULANGAN 25:1

Metema, tou Israel dua, leu leo uman naketu-nala'dik-ka leu, fo ala kalaak dede'ak esa, boema manakee-manafula laketun, esa ta nasala fa, ma esa nasala.

SEMUEL SUSULAK-KA ESAN-NA 8:1

Lelek Semuel namalasi boema, ana so'u anan-nala da'di manek nai Israel.