ULANGAN 16:16 - Susula Malalaok Hehelu Palak Ma Hehelu Beuk

¹⁶ Basa touk Israel-la, muse mai sene-do'ok neu emi Manetualaim-ma, nai Ana hele mamanak-ka, teuk esa soona, la'i telu, fo nde nai Feta Paskah, nai Feta Keketu-kokoluk, ma Feta Lalaa Akidook-ka. Basa hataholi-la, muse leni tunu-hotuk,

ULANGAN 16:16 ပူးပေါင်းရင်းမြစ်များ

1RAJA-RAJA 9:25

Teuk esa la'i telu, soona Salomo fe tutunu-hohotu nanatunuk ma tutunu-hohotu mole-dame nai mei tunu-hotuk fo nafadedeik basan soaneu Manetualain so. Boeo ana hotu boomenik soaneu Manetualain. Leondiak, Salomo tao basa Manetualain Uman-na.

2TAWARIKH 8:13

Ana tunu-hotu tutunu-hohotuk sila-la tunga Musa Hoholo-lalanen soaneu tunga-tunga fai malole: fai Sabat, fai malole Bula Beuk, ma fai malole tunga teuk ka telu kala, fo nde fai malole Loti Ta Pake Laluteik-ka, fai malole Keketu-kokoluk-ka, ma fai malole Lalaa Akidook-ka.

EZRA 3:1

Nai hataholi Yahudi-la, bula ka hitun-na boema, hataholi Israel-la, ala leo lahele nai esa-esak kotan-na. Nai bulak ndia fain esa boema, lakabubua nai Yerusalem,

NEHEMIA 8:15

Hu ndia de, nai Yerusalem lala'en-na, nai kota-kota ma nai nggolo-nggolok-kala, ala po'a-benga paleta nde ia, “Meu leo letelepak-kala meu, fo ho'i kaiou ndanak, setun, ai mina, palma ma ai fe'e-fe'ek-kala, fo tao lalaak nandaa no nakanenetek manai Susula Hoholo-lalanek dale.”

MAZMUR 122:4

Nai kota ia nde, nggileo-bobongik-kala mai, leoina fo, Manetualain heles, fo loke makasi neun nandaa no paletan-na.

MAZMUR 84:7

Lelek ala la'ok tunga dokek Baka, ala tao lasafali mamanak ndia, da'di oemata, de u'dan makasososak-ka, po'a-nggangan nenik baba'e-papalak.

MAZMUR 84:8

Be'i-balakain-nala boe tama, nai lelek, ala la'ok leo Sion, fo leo Manetualain mamanan, fo lamatua daebafak lala'ena, latu'du aoinan-nala.

MAZMUR 96:8

Koa-kio na'de mandela-masa'an-na, ma meni tutunu-hohotuk leo Uman dale neu.

KELUARAN 34:20

tehu emi muse soi-ma keledei ana fo nanabongi makasososak-ka nenik tunu-hotu bi'ilopoana esa da'dileo ngganggatin-na. Metema emi ta nau nggati fan soona, emi muse po'de mala'di keledei ana ndia lesuha'in-na. Emi muse soi-ma emi anatou ulum-mala. Hataholi esa boen ta bole mai leo Au mai fa, metema ta neni tutunu-hohotuk fa.

KELUARAN 34:24

Metema Au usiheni leoinak-kala leme emi matam, ma Au tao amaloa emi nusam-ma soona, ta hapu hataholi esa boen napalani natona na emi nusam-ma, nai lelek emi meu tao Feta Loti Fo Ta Pake Laluteik, Feta Keketu-kokoluk ma Feta Lalaa Akidook-ka.

YESAYA 23:18

Ana hapu nanalak ma ngga'di-a, neukose ana ta pe'da fan, tehu neukose ana tunu-hotu fen neu Manetualain. Hataholi fo manasene-do'ok neu Manetualain-na, neukose ala pake doik sila-la, soaneu ala asa nana'a-nininuk ma bua-lo'as fo sila paluu-ka.

YESAYA 33:20

Makanae kota Sion, mamanak fo ita tao feta agama. Makanae Yerusalem leona! Mamanak ndia nee-nee lino-linok nanseli, soaneu leo nai ndia, sama leo lalaa temak fo, beita nanalali heok nita fa, ai papakun-na beita nanafe'ak henik nita fa, ma talin-na, beita ketu nita fan.

YESKIAL 36:38

Kota-kota fo besak ia lakalulutuk-ka, neu makabuin-na te, henuk no laun-na, sama leo makahulun-na, fo nai fai-fai malole soona, Yerusalem henun no bi'ilopo nanatunu-hotuk-kala. Soona besak-ka emi bubuluk, mae Au nde Manetualain-na.”

HAGAI 1:9

Emi mamahena emi ketu-kolum buna-boan sasi kao-kao, te se'kona emi hapu ka'da faa anak nanseli; emi ho'i meni, emi ketu-kolum ndia buna-boan, tehu Au fun, nalosa anin-na fuu neni la'iesak-kasa. Tao le'e de, Au tao enok ndia? Natatan-na nde ia: Nanahu, Au Umang-nga bei nalupa ai-batu madodouk, tehu emi basa-basam-mala puselaipana no mafofo'a emi esa-esak uman.

MATEOS 2:11

Boema lakandoo leo uma dale leu de lita ni'iana ndia no inan Maria. Tutika ala senek de lakaluku-lakatele neu ni'iana ndia. Boema ala buka sila mamana pepe'da bua lo'an de, ala ho'i-la sila tutunu-hohotun de ala fen neu ni'iana ndia. Hataholi kateluk sila la lini lilopilas, boominik, ma aidaa tuu kaboominik.

MARKUS 12:3

Tehu manaso'u belak sila la ho'u la malalau-maoono ndia de ala fepa-li'un, basa boema ladenun ana fali ne'un no lima louk.

YOHANIS 7:2

Lelek ndia, Fai Matua Lalaa Akidoo ka ana deka so.

ULANGAN 16:15

Emi muse tao feta ndia, fai hitu dalen-na, soaneu fe ha'da-holomata neu emi Manetualaim-ma, nai Ana hele mamanak-ka. Mamahoko-setelee, nanahu emi Manetualaim-ma, Ana fe baba'e-papalak neu emi daem-ma buna-boan, ma emi ue-le'dim.

ULANGAN 16:17

tunga ndia hahapu-dadain, nandaa no emi Manetualaim-ma fen baba'e-papalak-ka dede'un-na.”

ULANGAN 31:11

emi muse lees mapane'e, hoholo-lalanek ia-la neu hataholi Israel fo, manamai sene-do'ok neu emi Manetualain-ma, nai Ana hele mamanak-ka.

SEMUEL SUSULAK-KA ESAN-NA 1:3

Tunga teun, Elkana neu leo Rama neu, fo ana sene-do'ok nai Silo, ma tunu-hotu tutunu-hohotuk fe Manetualain Fo Manakoasa. Fo manada'di Manetualain imam nai Silo-a, nde Hofni ma Pinehas, fo Eli anan-nala.

SEMUEL SUSULAK-KA ESAN-NA 6:3

Boema lataa lae, “Emi boso meni falik Israel Manetualain-na Peti Hehelu-balataan ndia, ka'da leondiak mesan, tehu muse menin no bua palsen, fo soi-tefa emi sala-singom. No enok ndia, neukose emi lea-hai, ma neukose emi bubuluk, tao le'e de, Israel Manetualain ndia, huku emi do'e-do'e.”