ULANGAN 15:10 - Susula Malalaok Hehelu Palak Ma Hehelu Beuk

¹⁰ Fen no dalen-na namahokok, ma boso no nakasetik, soona neukose emi Manetualaim-ma, fe baba'e-papalak neu emi ue-le'dim lala'en-na.

ULANGAN 15:10 ပူးပေါင်းရင်းမြစ်များ

AMSAL 22:9

Manetualain fe baba'e-papalak neu hataholi dale malole-a, nanahu, ana baba'e fe hataholi manato'a-taak-ka nana'a-nininuk.

PENGKHOTBAH 11:1

Pe'da o doim-ma neu uma pe'da doik manai nusa dea. Tao leo bee-o, o hapu nanalak nai fai makabuin.

YESAYA 32:8

Tehu hataholi ha'da-palii malole-a, tutu'u hata fo malole, ma ana tao malole boe.

YESAYA 58:10

Fe hataholi kamala'ak-kala la'a, ma tulu-fali hataholi nanatuni-ndenik-kala. Metema emi tao leondiak, soona makahatuk manai emi boboa-kaisum-ma, neukose ana da'di mangale'dok, sama leo nai fai lele'don-na.

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

HATAHOLI 20:35

Nai basa dede'ak lala'ena dalek, au fe emi natutu'duk ae, ka'da no manggate leo ia ka nai ue le'di sa dalek, ita muse tulu-fali hataholi tapandoe sala. Nana ita muse tafandendelek hata fo Lamatuak Yesus nafa'da matam nae, ‘Fe fee ka, ua-nalen ba'ulena heni sisipo ka.’ ”

ROMA 12:8

Hataholi fo ana hapu baba'e-babatik soaneu ana fe manggatek neu hataholi fe'ek soona, muse te'e-te'e ana fe manggatek neu hataholi fe'ek. Hataholi fo ana hapu baba'e-babatik soaneu ana fe hata fo ndia nanuun leo hataholi fe'ek neu soona, muse ana taon no dale katematuak. Hataholi fo ana hapu baba'e-babatik soaneu nauli-nalanga soona, muse nauli-nalanga no te'e-te'ek. Hataholi fo ana hapu baba'e-babatik soaneu sue-lai hataholi fe'ek soona, muse ana sue-lai no dale katematuak.

ULANGAN 14:19

Basa lama-bob'i mali'dak-kala nde been-na, bana nanakena-ka'ik sila-la, da'di, emi ta bole mi'a paan-nala fa.

ULANGAN 14:29

Fe nana'a-nininuk sila-la, leo hataholi Lewi-la neu, nanahu sila dae-oen ta, ma fe hataholi nusa dea-la, faluina anamaak fo, manaleo manai emi kotam-mala dalek. Sila bole mai ho'i basa sila paluun lala'en-na. Metema emi taon leondiak, soona emi Manetualaim-ma, neukose Ana ba'e-pala emi ue-le'dim lala'en-na.”

ULANGAN 15:18

Metema, emi po'i ata esa soona, boso masasale dale, nana nai teuk nee dalen-na, ana naue-nale'di fe emi, no ngga'din-na ba'u malalau-maoono esa, ngga'din-na seli. Tao tunga paleta ndia, soona neukose emi Manetualaim-ma, fe baba'e-papalak neu emi ue-osam lala'en-na.”

ULANGAN 15:4

Emi Manetualaim-ma, neukose Ana fe emi baba'e-papalak, nai nusak fo emi Manetualaim-ma neu emi. Soona nai emi leoinam-ma dalek, neukose ta hapu hataholi nuu taa-hata taak fa,

ULANGAN 24:19

Metema, emi ketu-kolu basa emi daem-ma buna-boan soona, boso boe meu makapipili, emi ke'di masanggango gandum-mala bai. Nemen-na fo, hataholi nusa dea-la, ma faluina anamaak-kala, soa sila-la, fo ela emi Manetualaim-ma, Ana fe emi baba'e-papalak nai emi ue-le'dim lala'en-na dalek.

ULANGAN 28:8

Neukose emi Manetualaim-ma, fe baba'e-papalak neu emi ue-le'dim lala'en-na, ma nadai nahenu emi sokam-mala nenik gandum. Neukose Ana fe emi baba'e-papalak nai Ana fe emi nusak-ka.

IBRANI 13:16

Boso mafandeleheni tao malole, ma matulu-mafali ao, nanahu ndia nde tutunu-hohotuk fo nandaa no Manetualain dale na.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.