ULANGAN 13:6 - Susula Malalaok Hehelu Palak Ma Hehelu Beuk

^6-7 Metema, emi tolanom, do emi anatoum do anainam, do emi saoina susue-lalaim-ma, do emi tia-laim-mala, no denge-dengek, ala fufu'di-oodok emi, fo sene-do'ok neu lamatua daebafak fe'ek-kala, fo emi beita malalelak-kasa, ma emi bei-ba'i kaim-mala boeo beita lalelak-kasa fa, leoina fo manaleo deka do manaleo lai dook-ka, lamatua daebafak-nala,

ULANGAN 13:6 ပူးပေါင်းရင်းမြစ်များ

KEJADIAN 16:5

Boema, Sarai nafa'da Abram nae, “Au fe basa, au atang Hagar neu o so, de mulai ana bubuluk, nae ndia nailu so boema, ana nakadadaek au. O salam ndia. Sa'di leo been-na, Manetualain naketu ita dua dede'an ia.”

2 SEMUEL 1:26

Hai au tolanoong Yonatan, au daleng-nga, he'dis nanseli, nana o belim-ma, ba'un-na seli ba'eneu au. O susue-lalaim neu au-a, ba'u nanseli no dale katemak lena heni inak-ka susue-lalain.

1RAJA-RAJA 18:40

Boema Elia nafa'da nae, “Ho'u ma nabi Baal-la sila-la. Boso po'ilotak esa boen nala deak!” Boema hataholi-la ho'u la nabi Baal-la sila-la, de basa boema Elia nos leo Lee Kison-na, de ala losa naa boema, ana taonisa la'iesa kasa.

2RAJA-RAJA 11:18

Basa ndia boema, laun-na leu sapu-la Baal uma sosongon-na, de ala tao latu'un. Ala tao lakalulutuk mei tunu-hotuk-ka, boema dodoki-dudulan-nala, ma ala taolisa Matan, fo Baal imam-ma, nai mei tunu-hotuk sila-la matan-na. Yoyada fe bela-ba'uk neu manamanea-la, fo lanea Manetualain Uman-na,

2TAWARIKH 15:13

Su'di see boe, lasik do mulik, touk do inak, fo ta laso'da tunga Manetualain hihii-nanaun fa soona, tao leo bee o nanahukunisak.

2TAWARIKH 23:17

Basa ndia boema, basa-basas sapu-la Baal uma sosongon-na de ala tao lakalulutuk-kana. Ala tao lakalulutuk mei tunu-hotun ma dodoki-dudulan, ma taolisa Matan, fo Baal Imam-ma nai mei tunu-hotuk sila-la matan-na.

AYUB 31:27

Beita la'i esa fo, au daleng-nga nahiik-kana, do au so'uk au limang-nga, fo au fe ha'da-holomata neun fa.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 32:27

de nafa'das nae, “Israel Manetualain fo emi Manetualaim-ma paleta emi esa-esak fo fe'a na emi tafainam-ma, fo ana la'ok tunga mamana ofu ia, neme lelesuina ia leo lelesuina eli neu boema ana taonisa emi tolanom-mala, tia laim-mala ma uma titia-tataim-mala.”

AMSAL 18:24

Hapu tia-laik fo, ana ta lilineka fa, tehu hapu nggelok malole-na seli, neme tolanook esa mai.

AMSAL 5:20

Anang-ngonei, nasa sao-anak soaneu ina fe'ek-ka, sosoa-ndandaan hata? Sosoak hata, sese'do-babalik moo inak ta malole-a fa?

YEREMIA 28:15

Au anduku-alosak basa sila-la neu Hananya, boema au afa'da seluk ae, “Hai Hananya, mamanene! Manetualain ta nadenu o fa; O taom-ma leoina ia namahele neu ka'da dede'a-kokolak pepeko-lelekok.

YEREMIA 28:16

Hu ndia de, Manetualain nafa'da nae, neukose o manatao namopok nai daebafak ia poin-na. Teuk ia dalen-na boe, neukose mate o, nana o madenu leoina ia la'ban Manetualain.”

YEREMIA 44:3

Dede'ak ndia anan da'di nanahu laun-nala lasala-lasingo, de nalosa ala tao-la Au amanasa. Ala fe tutnu-hohotuk ma ala lakaluku-lakatele neu lamatua daebafak fo ala beita sene-do'ok lita fa, boema emi ma emi bei ba'i-kaim manamatem-mala.

ZAKHARIA 13:3

Ma metema, bei hapu hataholi fo nafa'da nae ndia naduku-nalosak hala heheluk soona, aman no inan nde lafa'dan lae, ndia muse nanahukunisak, nana hata fo ana kokolak-kana ndia nde bee-na, pepekok. Metema ana manaku nahele aoinan-na nabi boe, soona neukose aman no inan nde pau lisan-nana.

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.

GALATIA 2:4

leomae hapu hataholi lakasetin fo ana tunga nakanenetek sila la. Hataholi sila la nde bee na, nde hataholi fo ala solodo'dok leo ita partei na dalek leu fo ala masok no nafufunik, da'dileo tolanoo ka. Ala masok no denge-dengek nana, ala sanga palisak matalolole ita so'dan fo nanase'i po'ik hu ka nde, ita da'di esa to Kristus Yesus. Ala nau lo falik ita leo ha'da-tatao makahulu ka neu, fo da'di ata,

EFESUS 4:14

Soona ita ta da'di ni'i ana manggonga-po'ak, hu ka nde hataholi mana po'de-pai kala, nanoli lupa-lupa nala so'on. Nana no sila puta-pain ndia de, hataholi ba'u ka latofa-latalak.

ULANGAN 11:32

emi muse tunga basa hoholo-lalanek fo, faik ia au anduku-alosak-kana neu emi.”

ULANGAN 13:2

nenik ana ke'diindiu emi, fo ela emi sene-do'ok ma mamahele neu lamatua daebafak fo, emi beita malelak-kana fa, fo leomae hata fo nafa'dak ndia, ana da'di te'e-te'e boe,

ULANGAN 17:12

Su'di see fo, ana napalani la'ban manakee-manafula ma imam-mala nakeketun-na soona, muse hukunisa hataholi ndia; no enok ndia, emi hapu tao mamopo tatao-nono'i mangalauk ndia, nai Israel.

ULANGAN 18:20

Tehu metema, nabi esa, ana napalani nanduku-nalosak hala-heheluk esa, fo ana pake Au na'deng-nga, te se'kona, Au ta adenun ana tao leondiak fa soona, muse taonisan; leondiak boe, ba'eneu nabi fo, ana kokolak pake lamatua daebafak fe'ek-kala na'den-nala soona, muse hukunisas.’

ULANGAN 19:19

muse huku hataholi ndia, sama leo tatao-nono'in neu musu non-na. No enok ndia, emi hapu tao mamopo tatao-nono'i mangalauk ndia.

ULANGAN 21:21

Soona, touk manai kota ndia dalek-ka, ala muse tapalisa ni'iana ndia, nenik batu. No enok ndia, emi tao mamopo tatao-nono'i mangalauk ndia. De metema, basa hataholi Israel-la, ala lamanene manada'dik ndia soona, neukose ala bii-lamata'u.”

ULANGAN 22:21

soona muse no inak ndia, leo ina-aman lelesun-na neu. Fo basa touk manai kota ndia, ala tapan nenik batu, losa maten nai mamanak ndia. Inak ndia, ana tao tatao-nono'ik esa, neni mamaek fe ita leoinan, nanahu lelek bei nai ina-aman uman, fo ana beita saoana fa, te ana sungu hai no touk so. No huhukuk ndia de, emi tao mamopo tatao-nono'i mangalauk ndia.

ULANGAN 24:7

Metema, hataholi esa, namanako neok neni leoinan esa, fo ana taon da'di ata, do nase'ohenin soona, muse hukunisa hataholi ndia. No enok ndia, emi tao mamopo tatao-nono'i mangalauk ndia.

ULANGAN 28:54

Nakalenak, manefetoana fo, dale-ha'dan malole nanseli boe, neukose ketu namahehenan-na, nai lelek musu-a nakahapi-nalas ndia, nalosa na'a seluk anan-nala, nanahu ta hapu nana'a fe'ek so'on. Ana ta fe tolanon-na, do saoina susuen-na do anan fo bei maso'dak-kala, faa anak boen.

ULANGAN 29:18

Da'di manea, fo boso nalosak hataholi esa nai emi dalek, nau touk do inak boe, do teidale-bobongik do leo fo manamapadeik manai ia-la, ala fali deak leme emi Manetualain-ma mai, fo ala sene-do'ok neu, leoina fe'ek-kala lamatua daebafak-nala. Tatao-nono'ik ndia, sama leo aiokak-ka ana moli, fo ana da'di bubu'u-palusa makahe'duk ma malasok.

ULANGAN 8:14

manea matalolole, fo ela emi boso da'di hataholi manakoao-ndaeaok, ma mafandele heni emi Manetualaim-ma fo manasoi-po'i emi neme Masir mai, fo mamanak manatao emi da'di ata.

KOLOSE 2:4

Au afa'da basa dede'ak ia la neu emi, fo daenga hataholi boso ke'di ndiu nala emi ninik dede'a-kakola makee-mamina nala.

YOSUA 7:13

Besak ia, fo'a leon Yosua! Tao malalao-malalafu hataholi Israel-la, ma madenus laheheleaon-nala, fo ala mai lataa Au. Paletas, fo balahaa soona, laheheleaon-nala, nana Au, Manetualain fo Israel Manetualain-na, neukose afa'das dede'ak-ka nde ia nae, ‘Hai hataholi Israel-la lemin! Au paleta basa emi, fo tao nakalulutuk bua-lo'as-sala, emi bei mafuni seli. Emi beita tapa heni bua-lo'as sila-la fa soona, emi ta makatatakak la'ban musu-a fa!’

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.

NINITAK 13:14

Basa hataholi fo laso'da nai daebafa ka, bana ndia ke'dindiu nalas ninik manda'di beuk fo ana taon nai bana makasososak ndia mata na. Ma nadenu basa-basas fo lapadedeik la ai batu nanadokik esa neme bana nanatati nahinak ninik tafaina so, tehu naso'da nahele ndia.

NINITAK 20:3

Basa boema, ata nusa so'dak ndia tapa naga ndia leo faka mamates dale neu, boema ana nggoenisa fakak ndia, ma ana segel ana fo ela naga ndia ta hapu ke'dindiu seluk leoina la beidai teuk lifun esa ndia beita basa fan. Basa ndia soona, ana muse po'in soaneu fai keke'uanak esa mesa kana.

HAKIM-HAKIM 10:6

Hataholi Israel-la, lasala-lasingo seluk neu Manetualain. Ala ta taoafik neu Manetualain fa, ma ala ta sene-do'ok-kana so'on. Ala sene-do'ok neu lamatua daebafak Baal ma Asytoret, boema leoina Siria, Sidon, Moab, Amon ma Filistin lamatua daebafan-nala.

HAKIM-HAKIM 20:13

Fe hataholi mangalauk maneme Gilead sila-la, leo ami mai, fo ela ami taomisas, fo no enok ndia, ami tao mamopo tatao-nono'i mangalauk ndia, neme Israel tala'da heon mai.” Tehu hataholi Benyamin-nala, ta taoafik neu hataholi Israel fe'ek sila-la, hala-kokolan ndia fa.

HAKIM-HAKIM 5:8

Lelek Israel mulai sene-do'ok neu lamatua daebafak-ka, natee-natatik-ka, da'di nai sila nusan-na; palani ta'ti batu lifun haahulu nai leoina dalek, ta hapu hataholi esa boen, ana so'uk tafa-sisilo fa.

SEMUEL SUSULAK-KA ESAN-NA 18:1

Saul no Dauk beekola basa boema, Saul so'u Dauk da'di ndia hataholi mana'a ngga'din, de mulai faik ndia boema, ana ta po'in fali leo ina-aman uman neu fa. Yonatan, fo Saul anamanen-na, namanene hala-kokolak sila-la. Dalen-na nahiik no Dauk boe, de ana sue-lain, sama leo ana sue-lai aoinan-na.

SEMUEL SUSULAK-KA ESAN-NA 18:3

Hu ndia de, Yonatan soo, neukose ana tao tia-laik no Dauk losa dodoon-na.

SEMUEL SUSULAK-KA ESAN-NA 20:17

Da'di, soaneu ka la'i duan-na, Yonatan nadenu Dauk naheluk nae, neukose ana sue-lai ndia, nana ndia sue-lai Dauk sama leo ndia sue-lai ndia aoinan-na mesak-kana.