ULANGAN 13:3 - Susula Malalaok Hehelu Palak Ma Hehelu Beuk

³ boso taoafik neun. Nana emi Manetualaim-ma pake hataholi ndia, fo Ana mete, ade te'e-te'e, emi sue-lai Manetualain no emi dalek katematuam-ma do ta.

ULANGAN 13:3 ပူးပေါင်းရင်းမြစ်များ

1RAJA-RAJA 13:19

Boema nabi fo maneme Yehuda mai ndia tunga leo nabi lasik ndia uman neu fo na'a non.

MAZMUR 119:2

Maua-manalek ba'eneu hataholi fo, ana tunga paletan-nala, ma no dale katematuak, ana sanga enok, fo nalelak Manetualain.

MAZMUR 66:10

Ou Manetualain, O fola basa ami so, sama leo hataholi-a natanoe lilofulak-ka nai ha'i dale.

MAZMUR 81:7

“Au so'uheni lelepa mabela neme emi alum lain mai so, ma se'iheni olik-ka neme emi limam-ma mai.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

HATAHOLI 17:11

Hataholi manai Berea la hii lamanene Paulus no Silas tutui-bebengan, lenaheni hataholi Tesalonika la. Lamanene Lamatuak Yesus dede'a-kokolan no namahokok, ma tunga faik ala lees Susula Malalao ka fo ala bubuluk, ade Paulus nanolin sila la tete'e ka do ta.

1 KORINTUS 11:19

Memak nandaa, nasi'da-naba'e ka moli-da'di nai emi dalek, fo ela nananitak, see ka nde hataholi kamahehelek isi matetuk.

2 KORINTUS 8:8

Au ta paleta emi fo emi tao dede'ak ia fa. Tehu ka nde natu'du nae, hataholi fe'e kala manggate lanseli tulu-fali nonoo hataholi nala de au boeo nau bubuluk, emi susue-lalaim losa nai bee so.

EFESUS 4:14

Soona ita ta da'di ni'i ana manggonga-po'ak, hu ka nde hataholi mana po'de-pai kala, nanoli lupa-lupa nala so'on. Nana no sila puta-pain ndia de, hataholi ba'u ka latofa-latalak.

ULANGAN 6:5

Sue-lai emi Manetualaim-ma no emi dalek-katematuam-ma: Matu'du emi susue-lalaim ndia, nai emi heo-hilum-ma dalek, ma nai emi tatao-nono'i ma dalek.

ULANGAN 8:16

Ana fe emi koki manna neme moo solokaek-ka, fo ana da'di emi nana'am, fo emi bei-ba'i kaim-mala, beita lalelak nana'ak ndia fa. Manetualain tao basa sila-la, fo Ana so'ba emi, ma Ana taon-na emi makaloe-makadae oam-mala, fo ela neu mate'en-na, Ana tao malole soaneu emi.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

2 TESALONIKA 2:11

Hu ndia de, Manetualain haitua koasa esa neu fo, ana tao nalas latofa-latalak, nalosa lamahele neu hata fo, ta ndo sa fa.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.

1 YOHANIS 4:1

Tolano susue-lalai ngala lemin! Boso mamahele basa hataholi fo ala manaku lae, sila lanuu Manetualain Dula Dale na so, tehu so'ba su'dik, ade sila dula dalen ndia, tete'e ka Manetualain Dula Dalen ndia do ta. Nana besak ia, nabi pepekok makadotok lafeomeok lai basa mamanak lala'ena so.

1 YOHANIS 4:4

Tehu, ana ngala lemin! Manetualain nuun emi so. Hu ndia de, emi sengi nabi pepeko kala nana, emi Dula Dale ma koasa na ba'u lena heni, daebafa ka hataholi nala dula dale na.

NINITAK 13:14

Basa hataholi fo laso'da nai daebafa ka, bana ndia ke'dindiu nalas ninik manda'di beuk fo ana taon nai bana makasososak ndia mata na. Ma nadenu basa-basas fo lapadedeik la ai batu nanadokik esa neme bana nanatati nahinak ninik tafaina so, tehu naso'da nahele ndia.

HAKIM-HAKIM 2:22

Neukose, Au pake leoina sila, fo Au fola leoina Israel-la, fo ela Au bubuluk, ade hataholi Israel-la, ana nau tunga Au paletang-ngala, sama leo sila bei-ba'i kain-nala do ta.”

SEMUEL SUSULAK-KA ESAN-NA 26:19

Ama Manek, mamanene atam-ma dokodoen ia. Leounik-ka, Manetualain nde nadenu Ama Manek, fo daenga la'ban atam-ma soona, tunu-hotu tutunu-hohotuk esa, fo neukose ana hapu tao natenak heni nasa-melun neu atam-ma. Tehu, leounik-ka, manamadenu Ama Manek ndia, nde been-na, hataholi daebafak soona, sa'di leo been-na, Manetualain soo-supas! Nanahu no sila tatao-nono'in ndia de, atam-ma nanausi henik neme Manetualain dae-na mai, de no nakasetik, atam-ma muse neu leo mamana fe'ek, fo nai bee, atam-ma muse sene-do'ok neu lamatua daebafak nusa dea-la.