ULANGAN 13:1 - Susula Malalaok Hehelu Palak Ma Hehelu Beuk

¹ Metema, nabi esa do hataholi manamakandandak me'is esa, nafa'da emi ta'du-tana beuk do manada'di beuk,

ULANGAN 13:1 ပူးပေါင်းရင်းမြစ်များ

1RAJA-RAJA 13:18

Boema nabi lasik fo maneme Betel mai ndia boeo nasapepeko neun nae, “Au boeo nabi sama leo o boe. No Manetualain paletan-na boe, de ata nusa so'dak esa nadenu basa au soaneu au mai ala o fo au fe o mu'a nai au umang.”

1RAJA-RAJA 13:19

Boema nabi fo maneme Yehuda mai ndia tunga leo nabi lasik ndia uman neu fo na'a non.

AMSAL 30:6

Metema, o makadaik hata fo nafa'dan, soona neukose Ana ka'i o, ma Ana fe buti, nae o masapepeko-masandandalik.

YESAYA 9:15

Nusak ndia mauli-malangan-nala, ala tao latofa-latalak ma tao tasi'bu laun-na.

YEREMIA 23:11

Manetualain nafa'da nae, “Nabi-la ma imam-mala ta nau lamahele Au fa. Boema Au hapu as ala tao mangalauk nai Au umang-nga.

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

YEREMIA 27:9

Boso mamanene neu nabi-la do see ndia boe fo ana kena-ka'i emi fo boso makaluu-makatele neu manek Babel-la, leomae lafa'da lae, ala sipo ntutu'duk neme me'i-afek, do duladalek mangana'uk, do ala pake be'i-balakaik matabeuk.

YEREMIA 29:24

Manetualain Fo Manakoasa, fo Israel Manetualain-na ana fe hala-hehelun neu au soaneu Semaya fo hataholi Nahelam ndia, nanahu Semaya haitua susulak pake ndia na'den-na neu basa laun Yerusalem-mala, neu imam Zefanya fo Maaseya anan-na, ma neu basa imam fe'ek-kala. Semaya sulak fe Zefanya susulak ndia, nai dalek isin-na nae leo ia:

YEREMIA 29:26

“Manetualain ana so'u o da'di imam fo nggati Yoyada, de besak ia o nde manapaleta matuaina nai Manetualain Uman-na. O bela-ba'um nde paleta fo ela basa hataholi kamulus, fo ala manaku aon-nala nabi soona, nanalangek nenik namosina besik neu lesuha'in.

YEREMIA 29:8

Au, Manetualain, Fo Manakoasa, fo Israel Manetualain-na, fe nasanene'dak neu emi, fo ela emi boso nanatipu-daik neme nabi-nabi fo ala leo nai emi tala'da, ado su'di see ndia boe fo nafa'da nae, sila bisa neuk-la le'do-fai manamaik-ka. Boso tao afik neu sila me'i-afen-nala.

YEREMIA 6:13

Sila basa-basas, matua ana, ala sanga nanalak nenik eno ke'di-ndiuk. Nakalenak nabi ma imam boe, tipu-dai hataholi.

YESKIAL 13:23

Besak ia, emi ninitam fo nanapake taa-mala, ma emi mafa'da ela dede'a masapepekok-kala, nate'e so. Au soi-tefa-ala, Au anang-ngala leme emi fufu'di-oodo mangalaum-ma mai. Soona besak-ka, emi bubuluk mae Au nde, Manetualain-na.”

ZAKHARIA 10:2

Hataholi la loke natutu'duk neme sosongo-tatangok ma neme basa hataholi malelak-kala mai, tehu ala hapu natataak-ka nde been-na, ka'da masapepeko-masandandalik, ma kokola bafa louk mesan. Hapu nggelok lafa'da mangalele'do me'i-afek, tehu sila nafa'da mangalele'don-na, tao-na emi matofa-matalak, ma ala fe kokoe-nanasik-ka, sosoa-ndandaan ta. Hu ndia de, laun-na tapasasala, sama leo bi'ilopo-a. Ala male-tale, hu kande ta lanuu mauli-malangan fa.

ZAKHARIA 13:4

Nai faik ndia, neukose basa nabi-la lame'da mamaek, soaneu lapadeik sama leo nabi. Neukose ala ta pake papake nabin-nala, fo ala ke'di-ndiu ma dalen-na lamatua neu ninitan-nala fa.

MATEOS 24:11

Neukose nabi pepekok ba'u ka ala to'da mai fo ala ke'dindiu la hataholi ba'u.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

MARKUS 13:22

Nana manafe so'dak masapepeko kala ma nabi pepeko kala neukose ala mai. Neukose ala tao tatao-nono'i matuaina la, ma manada'di beu kala fo ala ke'dindiu hataholi, fo metema da'di soona, ala ke'dindiu Manetualain hataholi kamahehele nala boe.

LUKAS 6:26

Soe neu emi, metema basa hataholi la koa-kio emi. Nana leondiak boe sila bei ba'ikai nala koa-kio nabi-nabi pepekok makahulun eli la.”

ULANGAN 18:20

Tehu metema, nabi esa, ana napalani nanduku-nalosak hala-heheluk esa, fo ana pake Au na'deng-nga, te se'kona, Au ta adenun ana tao leondiak fa soona, muse taonisan; leondiak boe, ba'eneu nabi fo, ana kokolak pake lamatua daebafak fe'ek-kala na'den-nala soona, muse hukunisas.’

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 4:2

Emi boso popo-tama seluk paleta neu au fe emi paleta-la, do tao mamopo paleta sila-la esa boen. Tunga emi Manetualaim-ma paletan fo au fen neu emi ndia.

2 TESALONIKA 2:9

Neukose Hataholi Mangalauk ndia, ana mai no koasa matua ina esa, neme Nitu a mai. Neukose ana tao manda'di beu mata-mata kala, ma dede'a matua ina fo, henuk no ke'dindiu ka.

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

1 YOHANIS 4:1

Tolano susue-lalai ngala lemin! Boso mamahele basa hataholi fo ala manaku lae, sila lanuu Manetualain Dula Dale na so, tehu so'ba su'dik, ade sila dula dalen ndia, tete'e ka Manetualain Dula Dalen ndia do ta. Nana besak ia, nabi pepekok makadotok lafeomeok lai basa mamanak lala'ena so.