ULANGAN 12:6 - Susula Malalaok Hehelu Palak Ma Hehelu Beuk

⁶ Nai mamanak ndia nde, emi muse meni tutunu-hohotu nanatunuk, boema tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, tutunu-hohotuk soaneu bae nasar-ra, emi tutunu-hohotum fo, emi fe no emi dale hihiim-ma, ma emi sapi ana bi'ihii ana, bi'ilopo ana fo, nanabongi makasososak-kala.

ULANGAN 12:6 ပူးပေါင်းရင်းမြစ်များ

2TAWARIKH 31:14

Kore fo Yimna anan-na da'di manamanea-la malangan nai Manetualain Uman-na Lelesuinan Dulu, ana hapu bela-ba'uk soaneu sipo boa-boa fo nanafek neu Manetualain-na, boema ana baba'e boa-boa sila-la.

2TAWARIKH 7:12

Manetualain natu'du seluk aoinan-na neun nai fai le'odaek. Manetualain nafa'dan nae, “Au amanene o huhule-haladoim so ma Au sipok uma ia da'di leo mamana hehelik soaneu fe tutunu-hohotuk ba'eneu Au.

EZRA 3:2

boema Yesua, fo Yozadak anan-na, boema nonoon-nala fo nde basa imam-mala, ma Zerubabel, fo Sealtiel anan-na ma tolanoon-nala, lafofo'a falik Israel Manetualain-na, mei tunu-hotun. No enok ndia, ala hapu tunu tutunu-hohotuk nai lain, fo nandaa no natutu'du-natutu'duk fo nanasulak nai Manetualain atan Musa, susula hoholo-lalanen dale.

NEHEMIA 10:36

Neukose ami meni ami ana tou ulum-mala leo imam manai Manetualain Uman, fo fen leo Manetualain neu, nandaa no hoholo-lalanek nakaneneten-na. Boeo neukose ami fe ami sapi ana, bi'ilopo ana do bi'ihii ana ulum-mala neu.

NEHEMIA 10:39

Laun Israel-la ma hataholi Lewi-la muse leni tutulu-fafalik hehelik fo nalupa gandum, angol ma mina setun leo kama pepe'da nana'ak, fo mamanak pepe'da Manetualain Uman-na bua-lo'an. Basa imam fo lakalala'ok bela-ba'uk, basa manamanea Manetualain Uman-na lelesuinan-na ma manamakameek-kala mamana leleon-na nai ndia boe. Neukose ami ta hahae mete-makanae ami Manetualain Uman-na fa.

MAZMUR 116:17

Neukose au ini fe O, tutunu-hohotu makasi, boema au atu'du huhule-haladoik neu O.

YESKIAL 20:40

Nana nai dae Israel-la, fo nai Au lete malalao-malalafung-nga poin-na, emi basa-basam-mala, fo leoina Israel-la, neukose sene-do'ok neu Au. Nai naa, neukose Au amahoko, fo Au sipok emi tutunu-hohotum, emi tunu-hotum malolem-mala, emi fe-fe hehelim-mala.

IMAMAT 1:3

Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

MALEAKHI 3:10

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.

MALEAKHI 3:8

Besak ia, Au atane emi: Hataholi daebafak-ka, bole ke'di-ndiu Manetualain do ta? Tao leo bee-o, ta hetu. Tehu emi ke'di-ndiu Au boe. Emi matane mae, ‘Da'di, tao leo bee?’ Au ataa ae, Nai dede'ak, fo fe baba'ek esa neme 10 mai, ma nai fe tunu-hotuk-ka dalek.

LUKAS 11:42

Soe ba'eneu emi fo hataholi Farisi la lemin! Emi bubu'u-palusam buna-boan sama leo daladae ma mo'do ai daak, ma bumu fe'e-fe'e kala, emi hapu sanahulu soona, emi fe baba'ek esa leo Manetualain neu, tehu naketu tunga matetu na, ma susue-lalaik neu Manetualai na, emi ta taoafik neu fan. Te see ko na ndia nde muse emi tao-no'in, ma taoafik neu fe'e-fe'e kala boe.

LUKAS 18:12

Au oka ao nga la'i dua mamasok esa, ma metema au hahapu nga sanahulu soona, au fe O baba'ek esa.’

ULANGAN 12:17

Emi ta bole mi'a emi tutunu-hohotu neme emi hahapu dadain baba'ek esa neme ba'en neu sanahuluh fo nde gandum, angol ma mina setun-nala hahapu dadain ba'ek esa neme ba'eneu sanahuluh fa, ma emi sapim, bi'ihiik ma bi'ilopom-mala, ana nanabongi makasososan-nala, tutunu-hohotuk fo bae nasar, emi tutunu-hohotum fo, emi fe no emi dale hihiim-ma, do tutunu-hohotu fe'ek-kala, nai emi mamana leleom-ma fa.

ULANGAN 26:2

fo metema emi ketu-kolu basa emi daem-ma buna-boan lala'en-na soona, emi muse pe'da makabubua emi boa sosam-mala neu lepeneu esa dalek, fo menis leo emi Manetualaim-ma hele mamanak-ka neu.

YOSUA 22:27

tehu soaneu da'di ta'du-tana ba'eneu ita hataholi ka duak-kala, ma ba'eneu ita tititi-nonosin nai fai makabuin, lafa'da lae tete'ek-ka, ami ia sene-do'ok neu Manetualain nai Lalaa Teman-na, nenik teni tutunu-hohotu nanatunuk, tunu-hotuk-kala, ma tutunu-hohotu tia-laik-ka. No enok ndia, neukose emi tititi-nonosim, ta lafa'da lae, ami tititi-nonosim ta lanuu tututi-nanatok hata-hata loo Manetualain fa.

SEMUEL SUSULAK-KA ESAN-NA 1:21

Fain-na losa, Elkana no uma isin-na leu seluk leo Silo leu, fo tunu-hotu fe Manetualain tutunu-hohotu teuk-ka. Fe'ek neme ndia mai, Elkana naheluk basa, soaneu tunu-hotu tutunu-hohotu hehelik.

SEMUEL SUSULAK-KA ESAN-NA 1:24

Fina heni Semuel boema, inan non leo Manetualain Uman neu, nai Silo. Nai lelek ndia, bei anak-ka nanseli. Hana boeo neni sapi mane fa'di teluk esa, gandum kilo sanahulu, ma alukosu bana louk esa, henuk no angol.