ULANGAN 12:2 - Susula Malalaok Hehelu Palak Ma Hehelu Beuk

² Emi masok mala nusak ndia dalek soona, emi muse tao makalulutuk, leoina manaleo manai sila-la, mamana sene-do'ok neu sila lamatua daebafak nala. Mamana sosongo-tatangon manai letek mademaina-la poin-na, manai pupukuk-kala poin-na, ma manai ai matuaina-la huun-na.

ULANGAN 12:2 ပူးပေါင်းရင်းမြစ်များ

1RAJA-RAJA 14:23

Nai pupuku kala lain ma nai ai matuaina la huun-na, ala lafofo'a mamana sosongo-tatangok-kala, ma lapadedeik lutu batu la boema ala tao Asyera fo lamatua daebafak inak ka doki-dulan, soaneu ala sene-do'ok.

1RAJA-RAJA 3:2

Nanahu Manetualain Uman-na beita nananafofo'ak nai lelek ndia fa, de laun-na bei fe tutunu-hohotuk boomenik nai pupukuk-kalalain manai mamana mata-matak-kala.

2RAJA-RAJA 11:18

Basa ndia boema, laun-na leu sapu-la Baal uma sosongon-na, de ala tao latu'un. Ala tao lakalulutuk mei tunu-hotuk-ka, boema dodoki-dudulan-nala, ma ala taolisa Matan, fo Baal imam-ma, nai mei tunu-hotuk sila-la matan-na. Yoyada fe bela-ba'uk neu manamanea-la, fo lanea Manetualain Uman-na,

2RAJA-RAJA 16:4

Ahas fe tutunu-hohotuk ma tunu boomenik, nai lamatua daebafak-ka mamana sosongo-tatangon, nai letek-kala, ma nai ai matuaina-la huun-na.

2RAJA-RAJA 23:13

Boeo, ana tao nanggenggeo basa mei tunu-hotuk manai Yerusalem boboan dulu, fo nai Pupukuk Mangalauk-ka boboan kona. Mane Salomo-a, tao mei tutunu-hohotuk sila-la, fo ana sene-do'ok neu lamatua daebafak nanamaluak ndia – fo nde Asytoret, fo leoina Sidon-na, lamatua inan-na, Kamos, fo leoina Moab-pa, lamatua daebafan-na, ma Milkom, fo leoina Amon-na, lamatua daebafan-na.

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

YESAYA 36:7

Basa boema, Asyur malanga solda'du matuainan ndia, nafa'da nae, “Do fafa'kama emi mafa'da, mae emi mamahena neu emi Amam Manetualaim-ma do? Nai lelek fo, Hizkia fe paleta, fo ela hataholi Yehuda-la ma hataholi Yerusalem-mala, ka'da ala sene-do'ok nai mei tunu-hotuk manai Yerusalem-ma matan-na. Ade nanatao nakalulutuk ndia, ta nde mei tunu-hotuk-ka, ma mamana sene-do'ok neu Manetualain mesak-kana, hetu do?

YEREMIA 17:2

Emi hataholim-mala hule-haladoi neu mei tunu-hotuk sosongo-tatangok-kala ma di sosongok-tatangok-kala nananapadedeik soaneu ina manek nituk Asyeranai basa ai huk-ka fo ndana manaeefek-kala, fo nai pupukuk-kala poin,

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 3:2

So'ba mete leo lain fo leo pupuk-kala lain muu! Mamanak beek-kande, o beita muu sosoa-piao meme ndia fa? Sama leo hataholi Arab-pala lai moo solokaek-ka, leondiak boe, o mangatuuk nai enok-ka su'un-na fo o mahani hataholi fo, ana hii nakaminak susue tou-ta'ek ma ina-anafe'ok. O tao manggenggeo nusak ia, nenik o sosoa-piaom, ma o tatao-nono'i mangalaum-ma

YEREMIA 3:6

Nai tepo lelek Mane Yosia paleta, Manetualain nafa'da au nae leo ia, “O mita basa hata fo Israel, inak fo ta manalilinekak ndia, tao-no'ik-ka so do beik? An la'oela Au, de ana sosoa-piao nai pupuku mademaina-la esa-esak lain, ma nai ai huu matuaina-la, esa-esak huun-na.

HOSEA 4:13

Emi tunu-hotu tutunu-hohotuk nai mamana sosongo-tatangok manai pupukuk-kala, ma letek-kala poin-na, ma emi tunu boomenik nai ai matuaina manaleloakak manai naa-la huun-na, nanahu mamanak ndia sa'on-na malole. Tehu, mate'en-na beek da'di? Emi anafe'oanam-mala, ala da'di manasosoa-piaok, ma emi manafeu inam-mala hohonge!

BILANGAN 22:41

Balahaa boema, Balak no Bileam, nde nda'e leo pupuku Bamot Baal-la lain leu. Bileam hapu nita leoina Israel-la seli, neme mamanak ndia mai.

ULANGAN 7:5

Hu ndia de, tao makalulutuk leoina sila-la, mei tunu-hotun-nala, tao makalulutuk lutubatu sosongo-tatangon-nala, tao makalulutuk dii sosongo-tatangon-nala, ma hotu heni dodoki-dudula sosongo-tatangok fo ala sene-do'ok-ka.

HAKIM-HAKIM 2:2

Hu ndia de, emi ta bole tao hehelu-balataak esa boen, moo nusak ia laun-nala fa. Emi muse tao matu'u mei tunu-hotun-nala.’ Tehu, emi ta tao hata fo Au paleta basan ndia fa. Nakalenak emi tao hata, fo Au ta paletan neu emi fa!