ULANGAN 12:18 - Susula Malalaok Hehelu Palak Ma Hehelu Beuk

¹⁸ Emi ma emi anam-mala, sama-sama moo emi atam-mala, ma hataholi Lewi manaleo manai emi kotam-ma, muse mi'a tunu-hotuk ndia, nai emi Manetualaim-ma matan-na, fo nai emi Manetualaim-ma hele mamanak-ka. Ma emi muse mamahoko nai mamanak ndia, nanahu emi ue-le'dim buna-boan lala'en-na.

ULANGAN 12:18 ပူးပေါင်းရင်းမြစ်များ

MAZMUR 32:11

Hai hataholi kamahehelek-kala lemin, mamahoko ma setelee Leona, nanahu hata fo Manetualain tao-no'i basan so. Hai basa hataholi fo, dale ndoos-sala lemin! Eki ma matadale leona!

MAZMUR 68:3

Manetualain usis henis, de ala la'o, sama leo anin-na fuu ha'imasuk-ka de mopon sama leo lilik-ka faa nai ha'i dale, leondiak boe, hataholi mangalauk-ka, mopok-kana neme Manetualain matan-na mai.

AMSAL 3:17

Manatee-tenok-ka taon-na o mamahoko, ma tetu-temak.

PENGKHOTBAH 3:12

Au bubuluk ae ba'eneu ita, ta hapu hata fo malole neme tamahoko-setelee, ma tame'da tita maso'dak-ka nai ita maso'da fai manalun-na dalek.

PENGKHOTBAH 5:18

Metema hataholi esa sipo su'i-betes ma hata-heto neme Manetualain mai, ma fen loak name'da nita su'i-betes ndia soona, muse makasi fo na'a nita ue-le'din buna-boan lala'en-na. Ndia nde been-na Manetualain baba'e-babatin boe.

YESAYA 12:3

Sama leo oe makasufuk-ka, ana tao namahoko hataholi manamaa ma'dak-ka, neukose emi mamahoko-setelee leondiak, nanahu Manetualain soi-tefan.”

HATAHOLI 16:34

Basa boema no Paulus ma Silas leo uma neu de ana fes la'a-linu. Malanga bui ndia no basa uma isi nala lamahoko lanseli, nana besak ia lamahele Manetualain so.

HATAHOLI 2:46

Tunga faik lakabubua tataas esa nai Manetualain Uman dale, ma la'a-linu lakabubua no namahokok, ma lasue-lalai ao nai uma lo nala dalek.

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

GALATIA 5:22

Dede'a nasafali na nae, metema Manetualain Dula Dale na hela-nole hataholi soona, buna-boan nde: ala lasue-lalai ao, ala lamahoko-setelee, ala lanuu dale mana tesa-tamak, ala ta haelai lamanasa, ma ha'da-tataon malole, ala malole lo hataholi fe'ek, ala lilineka,

ULANGAN 12:14

tehu ka'da nai mamanak fo, Manetualain helen nai emi leom esa daen-na. Ka'da nai mamanak ndia nde, emi muse tunu-hotu tutunu-hohotu nanatunuk, ma tao-no'i tatao-nono'ik fo, au paletan neu emi.

ULANGAN 12:19

Mafandendelek, fo boso nalosak emi po'ilotak hataholi Lewi-la, latofa-latalak, nai lelek emi leo nai nusak ndia.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

ULANGAN 14:23

Nai emi Manetualaim-ma matan, nai mamanak fo Ana helen soaneu mamana nakaluku-nakatele, emi muse mi'a tunu-hotu ba'ek esa neme ba'eneu sanahuluh, fo nde gandum, angol, mina setun, boema emi sapiana, bi'ihiiana, bi'ilopoana fo, nanabongi makasososak-kala. Tao basa sila-la, fo ela emi hapu manoli fe ha'da-holomata neu emi Manetualaim-ma, losa dodo-na.

ULANGAN 15:20

Tunga teuk, emi ma emi teidalem-mala, muse mi'a paan-na nai emi Manetualaim-ma matan, nai mamanak fo Manetualain helek-ka.

SEMUEL SUSULAK-KA ESAN-NA 1:4

Neu faik fo metema Elkana tunu-hotu tutunu-hohotuk soona, ana fe Pinehas no basa anan-nala paa tutunu-hohotuk ndia seli.