ULANGAN 12:10 - Susula Malalaok Hehelu Palak Ma Hehelu Beuk

¹⁰ Emi lena basa Lee Yarden-na soona, neukose emi Manetualaim-ma tulu-fali emi, fo emi mangatuu ma emi leo dae manai lee ndia selik. Neukose, nasulu-nahapa emi nemi, neme musu lala'en-na mai, fo neukose emi maso'da no nee-nee lino-linok ma tetu-temak.

ULANGAN 12:10 ပူးပေါင်းရင်းမြစ်များ

1RAJA-RAJA 8:56

“Koa-kio Manetualain fo Ana fe basa mole-dame neu anan-nala sama leo hata fo Ana helun tunga atan Musa. Basa hata malole fo Ana helu ka, Ana tao natetun so.

1 TAWARIKH 22:18

Nae, “O Amam Manetualaim tulu-fali basa emi so, ma Ana fe mole-dame ma tetu-temak nai basa nusak-ka lala'en-na. Ana soi basa enok fe au sengi basa leoina fo makahulun-na ala leo leme nusak ia. Besak ia, ala lakatele neu o ma neu Manetualain.

MAZMUR 4:8

O fe au, namahoko-seteleek, lena ba'uk-ka neme sila fo, nai lelek sila gandum-ma sasi kao-kao.

KELUARAN 33:14

Manetualain nae, “Neukose Au asulu-ahapa o, ma Au fe o tetu-temak.”

AMSAL 1:33

Tehu hataholi fo mana mamanene au-a, neukose nananakaboboik. Naso'da no nee-nee lino-linok, ma ana ta paluu bii-namata'u fa.”

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

YESKIAL 28:26

Neukose, ala laso'da no nee-nee-lino-linok lai ndia, fo lafofo'a sila uman-nala, boema ala tao osi angol. Neukose, Au huku basa sila nusa titia-tatain fo, lakamumulu-lakamamaek-kasa, nalosa Israel da'di nee-nee lino-linok. Soona besak-ka ala bubuluk, lae Au nde sila Manetualain-na.”

YESKIAL 34:25

Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YESKIAL 34:28

Neukose leoina fo, ta lalelak Au fa, ta lamanako hata-heton-nala so'on, do bana makaak-kala, kaa fas. Neukose laso'da no tetu-temak, ma ta hapu hataholi nakabibiik-kasa so'on.

YESKIAL 38:11

O ho'i nakeketuk, fo o muu sapu-ma nusak fo, kota musun ta ndia, fo nai bee, laun-nala laso'da no nee-nee lino-linok lai kota-kota fo, papala nanadaman ta, ma tafa-sisilon-nala ta ndia.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

ULANGAN 11:31

Ta dook-ka so'on te, emi lena Lee Yarden-na, fo emi mangatuu-ma dae fo, emi Manetualaim-ma fen leo emi neu ndia. Emi loso-ma dae ndia, fo emi leo nai ndia soona,

ULANGAN 3:27

Muu leo Letek Pisga poin-na muu, fo makanae leo kii-kona, dulu ma muli muu. Taoafik matalolole neu hata fo o mitan ndia, nana neukose o ta lena Lee Yarden-na fa.

ULANGAN 33:12

La'eneu leo Benyamin-na, Musa nafa'da nae: “Manetualain leo susue-lalain-na nde ia-la. Lele'do-le'odaen, Ana nasulu-nahapas, ma Ana leo nai sila tala'da.”

ULANGAN 33:28

Soona, neukose Yakob tititi-nonosin, laso'da no tetu-temak, nai nusak fo, henuk no gandum, ma angol-la, fo dinis-sa, ana kona neme lalai mai, de ana tetees.

ULANGAN 4:22

Ta dook-ka so'on te, neukose emi lena leo selik meu, fo mangatuu-ma dae maoe-maisik ndia; tehu au ta tunga fa, nana neukose mate au nai ia.

ULANGAN 9:1

“Tolano-tolanoong-ngala lemin, mamanene te! Faik ia, emi lena Lee Yarden-na, fo meu mangatuu-ma leoina fo ba'u lena em ma balakain-na lena heni emi ndia, daen-na. Sila kotan-nala matuaina mesa-mesan, ma papala nanadaman-nala mademaina-la losa lalai.

YOSUA 11:23

Yosua nangatuun-na nusak ndia lala'en-na, nandaa no Manetualain paletan neu Musa, boema Ana fen neu leoina Israel-la, fo da'di sila pusakan. Ala baba'e nusak ndia, de leo esa-na, ana hapu baba'ek esa. Leoina Israel-la hahae natee-natatik-ka, boema nusan-na nee-nee lino-lino ma so'da-molek.

YOSUA 14:1

Tutuik manamaik ia la'eneu nusa Kanaan-na, nai Lee Yarden-na boboan muli, baba'en leo beek neu hataholi Israel-la. Manababa'e dae ndia neu hataholi Israel-la, nde Imam Eleazar, Yosua fo Nun anan-na, ma leoina Israel-la, mane leon-nala.

YOSUA 4:12

Nandaa no Musa paletan-na, de palani ta'tibatu-la leme leo Ruben, Gad, ma leo Manasye seli, ala lena lakahuluk leo lee selik leu.

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”