ULANGAN 11:13 - Susula Malalaok Hehelu Palak Ma Hehelu Beuk

¹³ Da'di, tunga la'iesak paleta fo faik ia, au anduku-alaosak-kana neu emi; sue-lai emi Manetualaim-ma, ma makaluku-makatele neun, nenik basa emi ao paa samanem lala'en-na.

ULANGAN 11:13 ပူးပေါင်းရင်းမြစ်များ

1RAJA-RAJA 3:3

Salomo sue-lai Manetualain ma ana tunga aman natutu'du nala, tehu ana bei do'do bana ma ana tunu-hotu boomenik nai pupukuk-kalalain manai mamana mata-matak-kala.

MAZMUR 119:2

Maua-manalek ba'eneu hataholi fo, ana tunga paletan-nala, ma no dale katematuak, ana sanga enok, fo nalelak Manetualain.

MAZMUR 119:4

O fe ami, O hoholo-lalanem, ou Manetualain, fo ela ami makalala'ok-kana, no lilinekak.

YEREMIA 17:24

Tunga basa Au paletang-ngala lala'en-na. Boso lu'a lepa hata beek ndia boe, tunga kota ia lelesu inan-na nai fai Sabat-ta. Tao fai sabat-ta da'di fai hehelik soaneu Au, fo boso tao-no'i hata nai faik ndia.

YESKIAL 34:26

Neukose Au fes baba'e-papalak, ma Au fes loak, fo ala leo lai Au pupuku malalao-malalafung-nga, boboa-kaisun. Metema ala paluu u'dan soona, neukose Au fes.

IMAMAT 26:3

Metema emi maso'da tunga Au nakaneneteng-ngala, ma tunga Au paletang-ngala

IMAMAT 26:4

soona, neukose Au akona u'dan-na mai, nandaa no fain-na, nalosa dae fe buna-boan ma ai-la laboa.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 11:1

“Sue-lai emi Manetualain-ma, ma tunga paletan lala'en-na, tataas esa.

ULANGAN 11:22

Tunga basa hoholo-lalanek fo, au anduku-alosak-kana neu emi ndia, no dalek-katematuak: Sue-lai emi Manetualaim-ma, ma tao basa hata lala'en fo, Ana paletan neu emi, ma ela leo been-na, emi lilineka mahele neun.

ULANGAN 11:8

“Tunga la'iesak hoholo-lalanek fo, faik ia au fen neu emi, soona emi bisa lena lee-a, fo masok leo nusak fo, ta dooanak so'on te, emi leo nai dalek ndia.

ULANGAN 28:1

“Metema, emi tunga emi Manetualaim-ma, ma faik ia, au fe emi paleta lala'en-na, emi tao-no'in no emi dalek-katematuam-ma, soona neukose, Ana taon-na emi da'di leoina esa, nananita-nalelak nai daebafak-ka.

ULANGAN 4:29

Boema, neukose emi sanga emi Manetualaim-ma, fo metema emi sangan no emi dale katematuam-ma soona, neukose emi hapun.

ULANGAN 6:17

Tunga basa hoholo-lalanek fo, emi Manetualain fen neu emi-a.

ULANGAN 7:12

“Metema, emi taoafik neu paleta sila-la, ma emi tao-no'in no emi dalek-katematuam-ma, soona emi Manetualaim-ma boeo, neukose Ana lilineka neu hehelu-balataan fo, Ana taon no emi-a. Neukose, Ana natu'du nahele susue-lalain neu emi, sama leo Ana helu basan neu emi bei-ba'i kaim-mala so.