ULANGAN 10:9 - Susula Malalaok Hehelu Palak Ma Hehelu Beuk

⁹ Hu ndia de, leo Lewi-la, ala ta hapu dae pusaka sama leo, leo fe'e-fe'ek-kala, sama leo emi Manetualaim-ma nafa'da neus-sala.)

ULANGAN 10:9 ပူးပေါင်းရင်းမြစ်များ

YESKIAL 44:28

Basa imam-mala, ala sipo kandela nangatutuuk imam ndia, da'di leo sila baba'en-na, neme hata fo Au fen neu Israel no tititi-nonosin-nala. Sila ta bole hapu hata esa boen nai Israel fa. Nana sila hata-heton nde, Au.

BILANGAN 26:62

Nai leo Lewi-a dalek, touk fo, teun-na besak-ka bulak esa leo lain neu-a, basa-basan, touk lifun duahulu telu. Sila nanasula kofe'ek, neme hataholi manai leoinan-na dalek, nanahu ala ta hapu dae pusaka nai Israel fa.

HATAHOLI 8:21

O ta manuu hak soaneu tunga ami nai ami lau-onom dalek fa, nana o dale ma ta ndos soaneu Manetualain fa.

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

ULANGAN 14:27

Boso po'ilotak, hataholi Lewi fo manaleo manai emi kotam-mala, laleu-lalaak; mafandendelek te, hataholi sila-la dae-oe taak-kala.

ULANGAN 14:29

Fe nana'a-nininuk sila-la, leo hataholi Lewi-la neu, nanahu sila dae-oen ta, ma fe hataholi nusa dea-la, faluina anamaak fo, manaleo manai emi kotam-mala dalek. Sila bole mai ho'i basa sila paluun lala'en-na. Metema emi taon leondiak, soona emi Manetualaim-ma, neukose Ana ba'e-pala emi ue-le'dim lala'en-na.”

YOSUA 14:3

Musa fe basa, dae manai Lee Yarden-na boboan dulu, neu leo kadua seselik-ka so. (Paluu nanasulak nai ia, nae Yusuf tititi-nonosin nanaba'ek neu leo dua; fo leo Manasye ma leo Efraim-ma.) La'eneu leo Lewi-a soona, Musa ta fes dae fa. Ka'da ana fes kota, soaneu mamana leleon-nala, ma mook-kala, soaneu bana-manun-nala.