ULANGAN 1:7 - Susula Malalaok Hehelu Palak Ma Hehelu Beuk

⁷ Besak ia, ofeheni emi lalaa ofum-mala leona, fo meu leo hataholi Amori-la dae letelepan-na, ma nai basa dae manai titia-tatain-nala, fo nde Bafak Yarden-na, dae mapupukuk-kala, ma dae matetuk-kala, dae manai kona ma Tasi Tala'dak-ka su'un kona. Meu leona, fo mangatuu-ma, dae Kanaan-na, ma Letelepak Libanon-na losa Leeina Efrat-ta.

ULANGAN 1:7 ပူးပေါင်းရင်းမြစ်များ

KEJADIAN 12:9

Basa boema, ana la'ok nakandoo seluk, neme mamanak esa leo mamanak esa neu, de ana la'ok nasale leo dae Kanaan-na, boboan kona neu.

2 SEMUEL 8:3

Basa boema, Dauk sengi Mane Hadadezer, fo Rehob anan-na, ana paleta nai Zoba, fo nusak esa deka no Damsyik. Nai lelek ndia, Hadadezer bei nai leleo-lala'on dale, fo sanga neu tao matalolole koasan-na neu nusak manadeka no Lee Efrat-ta, langan-na.

1 TAWARIKH 18:3

Basa boema Dauk sengi Hadadezer, fo manek nai Zoba fo deka no nusak Hamat a nai nusak Siria. Nai lelek ndia, Hadadezer bei nai leleo-lala'on na dalek soaneu ana koasan-na nusak fo manadeka no Lee Efrat a langan-na.

1 TAWARIKH 5:9

Sila lanuu bana-manu makadotok nanseli, nai nusa Gilead-ta. Hu ndia de, sila hapu nusak dulu-la, losa leo moo solokaek-ka neu, fo natabaa losa Lee Efrat-ta.

KELUARAN 23:31

Neukose, Au aketu emi nusam-ma dae toon-na neme Namo Akaba losa leo Lee Efrat-ta neu, ma neme Tasi Tala'dak losa leo mook solokaek-ka neu. Nai lelek emi tutulumatak fo emi loso-ma dae ndia soona, Au fe emi koasa soaneu koasa nusak ndia laun-na, nalosa emi hapu usi henis.

AMOS 2:9

Leomae leondiak boe, hai Au anang-ngala lemin, hu ka nde emi, de Au tao amopo-amate hataholi Amori fo mademaina sama leo ai kaiou, ma balakaik sama leo ai terpentin.

BILANGAN 10:12

Boema hataholi Israel-la, la'o latutungao, fo la'oela moo solokaek Sinai-a, de lelek ala losa moo solokaek Paran-na boema, ko'as ndia nate'e.

ULANGAN 1:19

“Boema, nandaa no ita Manetualain paletan-na, de ita la'oela Letek Sinai-a, boema ita la'ok tunga moo solokaek maloina, ma henuk no bibii-namata'uk-ka, ita teu leo hataholi Amori-la dae letelepan-na teu. Nai lelek ita losa Kades-Barnea boema,

ULANGAN 11:11

Tehu nusak fo, neukose emi masok-kana ndia nde been-na, nanuu letek ma bafak makadotok, ma ana hapu oe u'dak tataas esa.

ULANGAN 11:24

Emi la'ok okofefeo basa dae-la, neukose emi hapu la'iesak dae sila-la. Emi daem-ma, natabaa neme moo solokaek-ka, fo nai kona, losa letelepak Libanon-na, fo nai kii, ma neme Lee Efrat-ta, fo nai dulu, losa Tasi Tala'dak, fo nai muli.

YOSUA 1:4

O nusam-ma, neukose ana betubala neme moo maloa manai kona, losa leo Letelepak Libanon-na nai kii, ma neme Lee Efrat matua ndia nai dulu, boema nakandoo, fo neni la'iesak leoina Het-ta nusan-na, losa Tasi Tala'dak nai muli.

YOSUA 10:40

Yosua nangatuun-na kota ndia lala'en-na. Ana sengi basa manek manai nggolo leten-nala, nai pupukuhuk manai boboak dulu, nai letek-kala huun manai boboak muli, ma nai masadokek manai boboak kona. Ana ta po'ilotak hataholi esa boen, naso'da fa; Ana taonisa la'iesa kasa. Ndia nandaa no Manetualain fo Israel Manetualain paletan-na.

YOSUA 24:15

Leounik-ka, emi ta nau mamahele neu Manetualain fa soona, faik ia boe, ho'i nakeketuk, emi nau mamahele neu see: neu lamatua daebafak, fo makahulun-na emi bei-ba'i kaim-mala sene-do'ok-kasa neme Mesopotamia, do neu hataholi Amori, fo besak ia emi leom-ma nusan-na, lamatua daebafan-nala. Tehu ami – au ma au teidaleng-ngala – neukose mamahele ka'da neu Manetualain.”

YOSUA 9:1

Halak la'eneu Israel sesengin-na, nakapela losa leo basa manek manai Lee Yarden-na boboan muli – nai letelepak-kala, nai letek-kala huun-na, nai mook manandolo nahele Tasi Tala'dak-ka su'un-na, losa Letek Libanon-na nai boboak kii: fo nde mane-manek Het, Amori, Kanaan, Feris, Hewi, ma Yebus.

NINITAK 9:14

Halak ndia nafa'da ata nusa so'da kane ndia nae, “Se'i-po'i ata nusa so'da kahak fo nanapa'ak nai Lee Efrat ndia leona!”