ULANGAN 1:44 - Susula Malalaok Hehelu Palak Ma Hehelu Beuk

⁴⁴ Boema, hataholi Amori fo manaleo nai dae letelepak ndia, ala kalua mai, de ala la'ban emi. Sila dede'un-na makadotok nanseli, sama leo fani bubua matuaina esa. Ala usi emi losa Horma, boema ala sengi emi neme dae letelepak Edom-ma.

ULANGAN 1:44 ပူးပေါင်းရင်းမြစ်များ

MAZMUR 118:12

Ala lakamomotu-la au, sama leo fani-a; tehu no Manetualain koasan-na, de au sengis. Ala pila sama leo ha'i na'a makatema dila-nggauk-ka, tehu nai ka'da hatematak esa mesak-kana, sila ha'in-na, nanafuu nisak.

YESAYA 7:18

Nai tepo-lelek ndia, neukose Manetualain naloo hataholi Masir ma hataholi Asyur-ra, boema leoina ka duak sila-la ala mai, sama leo pena ma fani bubuak-ka, fo lakamomotu-la bafak mademaina-la, ma batupiak-kala lelan-nala. Neukose ala poti-la basa makatema dila-nggauk, ma basa mamana mana'uk-kala.

BILANGAN 14:45

Boema hataholi Amalek ma hataholi Kanaan fo manaleo manai naa-la, sapu leona, de ala sengi hataholi Israel-la, boema ala usis losa Horma.

BILANGAN 21:3

Manetualain sipok hataholi Israel-la nonoken-na, de Ana tulu-falis, losa ala sengi hataholi Kanaan-nala. Boema, hataholi Israel-la tao lamopo-lamate hataholi Kanaan sila-la, loo kotan-nala, boema ala foi mamanak ndia na'de Horma.

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.

YOSUA 7:5

Hataholi Ai-la usis leme kota Ai lelesuinan-na, losa leo mamana kali lilopilas-sa neu, de ala taolisa, fafa'kama hataholi teluhulu nee, neme hataholi lifu ka teluk-kala mai, nai pupukuk-ka huun-na. Boema hataholi Israel-la hela-hae, ma ala bii.