ULANGAN 1:3 - Susula Malalaok Hehelu Palak Ma Hehelu Beuk

³ Nai hataholi Yahudi-la bula ka 11-na, fain esa nai teuk haahulu dalen, fo nai lelek leoina ndia la'oela Masir boema, Musa nanduku-nalosak basa hata fo Manetualain paletan soaneus.

ULANGAN 1:3 ပူးပေါင်းရင်းမြစ်များ

IMAMAT 27:34

Paleta sila-la nde Manetualain fen neu Musa, neme Letek Sinai lain, soaneu leoina Israel-la.

BILANGAN 1:1

Nai hataholi Yahudi-la bula ka dua-na fain esa, fo nai lelek hataholi Israel-la la'oela Masir boema, Manetualain kokolak no Musa neme Manetualain Lalaa Teman dale, nai Letek Sinai-a. Nae,

BILANGAN 20:1

Nai hataholi Yahudi-la bula ka esan-na dalek boema, basa hataholi Israel-la lala'en-na, losa moo solokaek Zin-na, de ala leo lahele leme Kades. Miryam maten, de latoin neme ndia.

BILANGAN 33:38

No Manetualain paletan-na, de Imam Harun-na kae leo Letek Hor-ra lain neu. Boema maten neme ndia, fo la'e hataholi Yahudi-la bula ka liman-na, fain esa, fo ndia te, hataholi Yahudi-la la'oela Masir, teuk haahulu ndia so. Lelek Harun maten ndia te, teun natun esa duahulu telu.

YOSUA 4:19

Hataholi Israel-la losa Lee Yarden-na selik, de nai hataholi Yahudi-la bula ka esan-na, fain sanahulu boema, ala ofu leme Gilgal, fo nai Yerikho boboan dulu.