ULANGAN 1:17 - Susula Malalaok Hehelu Palak Ma Hehelu Beuk

¹⁷ Emi naketu-nala'dim, boso namabela seselik; emi muse maketu-mala'di hataholi nenik naketu-nala'dik matak esa, fo boso bibinga-baba'e, see hataholi ndia. Boso bii-mamata'u neu su'di see boen, nana emi ho'i naketu-nala'dik ndia neme Manetualain mai. Metema, emi ta maketu-mala'di-mala dede'ak esa fa soona, menin leo au mai, fo ela au aketu-ala'din.

ULANGAN 1:17 ပူးပေါင်းရင်းမြစ်များ

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

2 SEMUEL 14:14

Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

2TAWARIKH 19:5

Nai basa kota fo makota musu manai Yehuda-la, ana so'u manamaketu-mala'dik,

2TAWARIKH 19:6

ma ana fes paleta nde ia nae, “Tao hata esa nenik dudu'a-aafi manatee tenok, nanahu emi ta maketu-mala'di menik hataholi daebafak na'den fa, te nenik Manetualain na'de-na Ana taoafik besa-besa neu emi nai lelek emi maketu-mala'di dede'ak.

AYUB 31:34

Au ta bii-amata'u neu lea hahapun-na fa, ma au ta afaduli hataholi-a, nakamumulu-nakamamaen-na fa. Beita la'i esa fo, au ahele eme uma, do au dedenge fa, ka'da hu kande, au bii neukose lakamumulu-lakamamaek au.

MAZMUR 82:2

“Boso boe maketu-mala'di no ta tunga ndoon-na fa, ma boso mook hataholi manatao tatao-nono'i mangalauk-ka.

KELUARAN 18:18

No enok ndia, o tao masota o aoinam-ma mesak-kana, ma hataholi sila-la boe. Tatao-nono'ik sila-la belan-na seli soaneu o, neukose o mesam-ma ta bisa tao-no'i fan.

KELUARAN 18:22

Madenus, fo ala tao-no'i da'di leo leoina ia manakee-manafulan, nai esa-esak baba'en-na dalek. Sila muse lakalala'ok bela-ba'uk ndia, no malole. Bole leni dede'a matua-la leo o mai, tehu sila laketu-lala'di aon dede'a nale'a-napilik anak-kala. Neukose, enok ndia tao namada'du o bela-ba'um, nanahu ala lu'a-lepa fali o, nai o bela-ba'um-ma dalek.

KELUARAN 18:26

Lakalala'ok sila bela-ba'un da'di leo manakee-manafula neu leoina Israel-la. Leni dede'a matua-la leo Musa neu, te sila laketu-lala'di aon dede'a nale'a-napilik anak-kala.

AMSAL 18:5

Tok hataholi malelesik-ka ma tuni-ndeni hataholi sala taak-ka soona, ta malole fa.

AMSAL 24:23

Hataholi manatee-tenok-kala, lafa'da hai lae leo ia: Manakee-manafula, ta bole namabela seselik fa.

AMSAL 28:21

Ta malole fa, metema bibinga-baba'e hataholi; tehu, hapu manakee-manafula boe, ana nau tao eno peko-pakik, ka'da soaneu hapu doik faa.

AMSAL 29:25

Bii-mamata'u hataholi dede'a kokolan soona, neninin-na toto'a-tataak. Mamahele neu Manetualain soona, neukose o nee-nee lino-linok.

YEREMIA 1:17

Yeremia, maheheleaom leona! Muu leona, fo manduku-malosak neus, basa hata fo Au paletan neu o. Boso bii-mamata'u neus, fo ela Au boso tao-ala o boetai bii-mamata'u seluk, metema o masasalematak moos.

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

MALEAKHI 2:9

Hu ndia de, Au boeo, neukose fe hataholi Israel-la, heheta-aa'i emi, nanahu emi ta tunga Au hihii-nanaung, ma hu kande emi bibinga-baba'e hataholi, nai lelek emi manoli Au anang-ngala.”

MATEOS 22:16

Boema ladenu sila ana mana tunga nala lo hataholi de'u bee leme Herodes nakabubua na fo leu leo Yesus leu. Boema hataholi sila la lafa'da Yesus lae, “Ama Mesen, ami bubuluk Ama mana tao ndoos. Ama nanoli no mangale'dok la'eneu Manetualain hihii-nanaun neu hataholi daebafa ka, ma Ama tunga hataholi daebafa ka hahapu na fa. Nanahu Ama ta mete matak fa.

MARKUS 12:14

Ala mai boema lafa'da Yesus lae, “Ama Mesen, ami bubuluk Ama manatao ndoos, ma Ama ta paluu pake hataholi hahapun fa. Ama manoli no mangale'dok la'eneu Manetualain hihii-nanaun neu hataholi daebafa ka, nana Ama ta mete matak fa. Naa, so'ba Ama mafa'da su'dik fe ami, ‘Tunga ita agama na nakanenete na soona, ade bole bae bea leo Kese la neu do ta? Ita muse bae bea do ta?’ ”

LUKAS 20:21

Boema hataholi fo nanasolo basak sila la lafa'da Yesus lae, “Ama Mesen, ami bubuluk mae, basa hata fo Ama mafa'dan ma manolik sila la tete'e ka. Ami boeo bubuluk, Ama nanoli no mangale'dok la'eneu Manetualain hihii-nanaun soaneu hataholi daebafa ka, nana Ama ta mete matak fa.

ROMA 2:11

Nana Manetualain susue-lalain matak esa soaneu hataholi lala'ena.

EFESUS 6:9

Tolanok fo mana da'di malanga nala lemin! Ela leo bee na emi heheo-hihilum leondiak, soaneu emi ata mala. Boso tao makatoto'a kasa ninik huhukuk. Nana mafandendelek te, emi moo emi atam sila la, sama-sama manuu malangan ka'da esa, fo nde Lamatuak manai nusa so'da ka. Ana ta metematak fa.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

ULANGAN 16:19

Nai sila nakeketun-na dalek, sila ta bole laketu-lala'di, tunga sila dale hihiin-na fa, do laketu-lala'di no, ala mete matak. Sila boeo, ta bole sipo hata esa nalupa sosolo dalek fa, nanahu sosolo dalek ndia, ana tao napoke hataholi manatee-tenok ma hataholi manatao tunga ndoos ma matetuk-ka, matan-na, nalosa naketu-nala'din-nala ta ndoos ma matetuk fa.

ULANGAN 24:17

Boso losom-ma, hataholi nusa dea, ma anamaak-kala hak-ka, ma boso ho'i-ma, inafalu esa bua papaken-na, da'di neu bua nape'dak esa.

ULANGAN 25:1

Metema, tou Israel dua, leu leo uman naketu-nala'dik-ka leu, fo ala kalaak dede'ak esa, boema manakee-manafula laketun, esa ta nasala fa, ma esa nasala.

KOLOSE 3:25

Ma see tao salak soona, ana lu'a-lepa aon salak ndia; nanahu Lamatua ka ta metematak fa.

1 TESALONIKA 2:4

Ta! Ami ta kokolak soaneu tao mamahoko hataholi dalen fa te, soaneu tao mamahoko Manetualain dale na, fo mana so'ba ami dale'ma. Nana Manetualain nafa'da nae, ami mandaa tui-benga Hala Malole ndia.

YAKOBIS 2:9

Tehu metema emi bibinga-baba'e hataholi a tunga ao paa ka soona, emi tao sala-singok ndia so, de Manetualain hoholo-lalanen naketu nae, emi nde bee na, hataholi mana la'o lena hoholo-lalanek.

1 PETRUS 1:17

Emi maloo Manetualain ndia mae Amak, nai lelek fo emi hule-haladoi neun. Na, Manetualain ndia nde naketu-nala'di hataholi daebafa ka, nandaa no esa-esak tatao-nono'in, nana Manetualain ta metematak fa. Hu ndia de, nai lelek fo emi bei maso'da nai daebafak ia, ela leo bee na, emi mamatutua-mamadedema Manetualain, nai emi maso'da ma dalek.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”

SEMUEL SUSULAK-KA ESAN-NA 2:25

Metema, hataholi nasala neu hataholi daebafak soona, Manetualain nasala'en; tehu metema hataholi nasala-nasingo neu Manetualain soona, see kande tulu-falin-nana?” Tehu, ala ta lafaduli sila aman Eli, nanoli-nafa'dan fa, nana Manetualain naketu basa soaneu taonisas so.